ميجان و كليو

**p r i n c e** · 26-12-2012 10:00 PM

السلام عليكم
انا عاشق للرينو و نويت بإذن الله اشتري كليو أو ميجان
انا ميزانيتي ف حدود 50 تزيد حاجة بسيطة
بالله عليكم أي حد عندو سابق خبرة مع العربيتين دول يقولي اعطالهم كتير ولا لأ لأن انا لسه بدرس طب و مش هقدر اصرف على العربية لو فتحت بقها
بإذن الله ناوي على ميجان 2005
او كليو و سعرها ف حدود ال 40 و أوفر باقي الفلوس
بالله عليكم تنصحوني ال ميجان او ال كليو اختيار موفق ولا أبعد عنهم و اجيب لانوس او فيرنا و أريح دماغي
ربنا يجازي كل واحد هيفيدني ب رأيه أو تجربته ألف خير
مستني ردودكم ب فارغ الصبر عشان هاجد قرار على اساس ردودكم :-)

**ramy_gamal** · 28-12-2012 12:43 AM

مينفعش تقارن بين كليو وميجان دى حاجه ودى حاجه حدد اتجاهاتك ....بس هما الاتنين كويسين بس دى فئه ودى فئه

**MohammedAladel** · 28-12-2012 09:38 PM

عايز شكل أفضل وشبابى أكتر وفى نفس الوقت واسعة وعائلية .... ميجان بالطبع ..... صعب تلاقى حالة كويسة ب 50 ألف .... مينفعش يبقى اللى وراك واللى قدامك 50 ألف وتشترى بيهم عربية يا دكتور ..... أعمل حسابك فى مصاريف بنزين 92 زيوت فلاتر سيور بوجيهات تيول وكاوتش الحاجات دى بتتغير بصفة دورية فى أى عربية بس معمرة طبعا

بالنسبة للأعطال مفيش عربية تخلو منها .... وأى عربية ماشية معرضة تتخبط كاوتش يبوظ وتضطر تغيره حاجات كتير هتشوفها على الطرقات المصرية .....

سيبك من حكاية تفتح بقها دى إلا لو كانت العربية متهانة جدا جدا

**p r i n c e** · 28-12-2012 10:06 PM

الف شكر على الاهتمام يا أستاذ محمد
الحمدلله معايا فلوس اصرف على العربية و ممكن اجيب عربية ب مبلغ اكتر من كدا بكتير بس انا حاطط 50 الف للعربية
طيب 2005 اسعارها بتبدأ من كام لحد كام

**MohammedAladel** · 29-12-2012 08:28 PM

بحالة كويسة مش هتقل عن 57 ألف ودا كمان مش لأعلى فئة

يعنى واحد هنا كان معاه أول فئة مانيوال مش أوتو ماشية 20 أو 25 ألف كيلو بيقول إنها مفيهاش خدش بحالة الزيرو

عارضها ب 85 ألف جنيه أنا شايف إن السعر عالى شوية بالنسبة لسوقها لكن بالنسبة لقيمة والله السعر دا مناسب جدا جدا دا الكورولا ال 1300 ال 2007 معروضة هنا ع المنتدى ب 97 ألف وطبعا الميجان أفضل منها

**sammor_28** · 30-12-2012 12:13 AM

بص يادكتور اي عربيه ممكن تبقى شبابي بشويه شغل بسيط

بس اعتقد في البدايه خليك في عربيه كليو حاله نظيفه هتكون ممتازه واختيار جميل ومصاريفها عالقد يعني حاجتها مش غاليه قوي

بالنسبه للميجان جميله بس شرط الحاااااااااااااااااااااا اااااااااااااله وطبعا مش هتلاقي حاله حلوه بخمسين الف