الموضوع: مساعده في طقم صوت rockford لانسر قرش

المشاركة الأصلية كتبت بواسطة roland_yamaha

هو الراجل هيركب مدور بس
وعاوز جي ام يقومهم
أنا بصراحة برشحله 2 سوني 300 وات قدام و2 بايونير 350 وات ورا بس معرفش ايه الجي ام اللي يقومهم

انا فعلا يا باشا جيت اتنين sony xs-gtx1642 w 350 60 rms وكانوا عاملين 240 جنيه من عند الارخص وكانوا والبيونير الي لقيته مدور 300 وات و 35 ار ام اس قلت يبق السوني احسن
ها اجرب اسمع صوتهم علشان لو عجبوني اجيب اتنين كمان زيهم للباب الي ورا

المشاركة الأصلية كتبت بواسطة Loay94

انا برشحله اتنين jbl قدام gto628 ب230 ج
و اتنين زيهم ورا و جى ام كينوود 350وات ب 380ج
و دول احسن سماعتين مدورين لانهم 60 rms
و دى ال jbl GTO628 | 6-1/2" 2-way loudspeaker | JBL US
او يجيب كومبوننت قدام سونى
و ورا سونى gtx1642 دى 300 وات 75 rms ب218 و نفس الجى ام
و دى السونى Sony Xplod XS-GTX1641 Car Speakers Price, Review, Compare in Egypt from B.Tech | EGPrices.com"

شكرا يا باشا على نصيحتك الغاليه انا جبت sony xs-gtx1642 w 350 60 rms وسألت علىكينوود والكلاريون والبايونير ملقتش مدور اعلى من 300 غير السوني بس نسيت اسال على الجي بي ال في النزله الجايه وانا بجيب طقم السمعات الي ورا ها اسأل عليهم وان شاء الله الاقي حاجه عاليه

المشاركة الأصلية كتبت بواسطة khaledverna

بس ياباشا حضرتك تجيب اتنين جى بى ال وراه 300. وات وتجيب قدام سونى كومبونت 260. وات والتسجيل حضرتك توديه عند. واحد بيصلح الكاسيتات ينظف العدسه وإن شاء الله موفق فى الاختيار

لو في حاجه تانيه اعلى يا باشا ياريت تعرفني علشان الي لقيته عالي هناك السوني والبايونير كان اكتر حاجه300 وات 35 ار ام اس

المشاركة الأصلية كتبت بواسطة akmm

جميل ............

شكرا على مرورك

المشاركة الأصلية كتبت بواسطة ABO MALEK

متابع

شكرا على المتابعه

المشاركة الأصلية كتبت بواسطة haysam2000

انا فى نقطه ازاى السماعات اللى قدام الوات بتاعها اعلى بالضعف عن اللى ورا ؟
و طبعا اللى بتقوله وات مفيش كلام
الغريب اكتر ان السماعات اللى معاك دى من انضف انواع السماعات فى العالم ف اللى بتقوله ده فى حاجه من الأتنين يا الأسلاك اللى رايحالها فيها حاجه يا السماعات ضربها الشمس
ممكن تسمع منى و تجربهم عند اى حد من اصحابك شوفهم بيخروشو ولا لآ و بعدين قرر هتغير ولا ايه
وبالنسبه للتغيير فعلا احسن حاجه تركبها دلوقت هى jbl

شكرا يا باشا على النصيحه وانا استغربت زيك لما لقيت العيب ده في الروك فورد بس لما دخلت الموقع بتاعهم لقيت اصلا الوات بتاع كل السمعات قليل اكتر حاجه كانت 200 تقريبا في السمعات المدوره

المشاركة الأصلية كتبت بواسطة mido353235

ياباشا العربيه فيها جى ام فانت مش محتاج جى ام وحاول تجرب السماعات على اى حاجه بره لو على كاسيت بيت حتى وان شاء الله تكون سليمه وتبقى العدسه عايزه تنضف بس سؤال هما مقاسهم ايه لانى عايز اغير اللى عندى لان انا مش عندى ريكفورد

مكان الجي ايم فين يا باشا ياريت تقولي ومقاس السمعات 6.5 انش يعني 16ونص الي هو اكبر حجم في المدور

شكرا جدا يا جماعه على الاهتمام والردود الكتيره دي ومتحرمش من ذوق كل الناس الجدعه الي ردت على الموضوع واهتمت بحل المشكله وانا فعلا جبت سمعات sony xs-gtx1642 w 350 60 rms وكانوا ب 240 جنيه من عند الارخص في التوفيقيه ولقيت اعلى حاجه في البايونير 300 وات و 35 ار ام اس وكانو ب 320 من عند الارخص فأخذت السوني لانهم اعلى وقلت اجرب اسمع صوتهم الاول مقارنه بالي موجودين ولو حلوين واعلى هجيب زيهم ولو لقيت اعلى هجيب طبعا علشان انا مقيد بسمعات الباب بس لاني مش ها اعرف اركب في التبلوه الخلف علشان ضيق جدا جدا وانا عامل حسابي كمان في بازوكا وجي ام وسألت على اسعارهم هناك من اول السنفوني البوكس واحد عامله 340 جنيه والبوكس الي فيه صبين ب 580 جنيه والبايونير والجي بي ال والكلاريون كانت اسعارهم متقاربه من 400 ل 690 وجي ام البايونير 760 وات كان عامل 560 جنيه اجرب الصوت بالسمعات السوني وبعدها اظبط باقي الصوت وانا عامل حسابي في 1500 جنيه كمان علشان اعمل طقم كويس

نسيت صحيح اقول اني قابلت اسعار وهم للسمعات البايونير التقليد وكنت ها اتخدع فيها
لقيت اتنين بايونير مدور مقاس 16.5 400 وات و80 ار ام اس ب 125 جنيه و 500 وات بيضاوي 90 ار ام اس 155 جنيه عند محل البركه الي في الشارع الي بعد الارخص على اليمين وطبعا انا سمعت السعر استغربت طلبت اشوف السمعات وفتحت العلبه واتفرج الاقي السماعه خفيفه ريشه والمغنطيس صغير وخامت السمعات ورق وسألت الراجل قلتله انت متأكد انهم بايونير اصلي قالي اه قلتله خلاص شكرا ها اخد لفه وارجعلك وزوغت لان طبعا كان بينصب بالرغم ان المحل كبير مش صغير

المشاركة الأصلية كتبت بواسطة eldell

مممممممم الغروشه ديه بتسمعها علشان fm transmitter لاكن جرب كده الكاسيت وانت واااقف وعلى هتلاقى الصوت كويس وبالنسبه للكاسيت عندك شايف ان المشكله مش من الكاسيت خااااالص علشان انت بتقول طول ماانت واقف شغااال كويس غالبا كده الوصلات بتاعت الكاسيت والسماعات ديه فيها حااااجه لاكن متخليش حد يلعبلك فى الكاسيت ده علشان مفيهوش حااااجه وبالنسبه للسماعات زى ماقالولك كلهم السونى حلوه جدااااااااااااا وهتسمع منها تريبلات حلوه وبيييز ونقاء

لا بالعكس fm trans شغال زي الفل ونقي جدا بس واطي جدا ومفيش بيز خالص لما اشغله
وانا هغير السمعات الي قدام انقلهم ورا واركب السوني الي انا جبتهم واشوف الدنيا ماشيه ازاي
وتسلم يا باشا على نصيحتك

المشاركة الأصلية كتبت بواسطة mido353235

لو عند حضرتك السيستم الريكفورد ال650 وات فى صب فالشنطه؟ لو هو يبقى الجى ام تحت الكرسى اللى جنب السواق

مش عارف بصراحه كام بس مفيش الصب الي في الشنطه ومفيش كمان الجي ام واعدادات الصاب بتاعها مش موجوده في السي دي لان شوفت فيديو للسي دي فيه اعدادات للصب بتاعها انا عندي مش موجود الكلام ده افتكرت بقا الي بينزل مصر اخره كده مش بينزل معاه الصب والجي وام

لو السماعات القديمه اللى فكتها مش لازماك انا محتجها
منتظر ردك