رجة أو نطة في الياريس

**swimmer25** · 27-12-2012 11:36 AM

وانا سايق علي سرعة هادية أوي (40 مثلا) بحس إن العربية بتعرج
وانا سايق علي سرعة عالية (120-140) بحس إن العربية بتنط وتهتز لفوق وتحت وخاصة من قدام

قلت يمكن الكاوتش.. جبت الكاوتش اللي ورا قدام لان اللي ورا نقشته أعمق لقيتها بتنط بردو بس اكتر شوية
قلت يمكن فردة من الفرد اللي ركبتها قدام فغيرت اليمين قدام بالاستبن اللي نقشته كويسه بس برده قديم لقيت النطة قلت شوية بس لسه موجودة
رفعت العربية لقيت زيت بسيط أوي حول المساعد الأمامي يمين...غسلت عربية ومشيت بيها فترة لقيت الزيت رجع تاني بس أقل...يعني زي ما يكون تبخير كده
دورت علي النت لاقيت تويوتا عاملة وصف لكيفية إكتشاف عيب في المساعد..الرابط أهو:
http://rav4world.com/tsb/2011/T-SB-0145-11.pdf

عندي الوضع قبل الغسيل كان كما مبين بالشكل 7 او 8
والان وبعد الغسيل الوضع كما مبين بالشكل 6

حد ينصحني بقي المشكلة فين..
1- المساعدين
2- الكاوتش
3- جزء أخر

**swimmer25** · 27-12-2012 12:00 PM

نسيت أقول...أنا أشتريت العربية مستعملة وإكتشفت بعد كده إنها طلعت فوق رصيف من كذا حاجة منها إن القنطرة واخدة خبطة جامدة من تحت وكانت متنية علي المقص وخاصة ناحية اليمين برده ورحت لميكانيكي فرق القنطرة عن المقص بس مغيرتش حاجة
كمان سامع صوت طقة أو خبطة مع الفرملة بس مفيش أي خبط مع المشي العادي او المطبات
كل ده بس مش عارف هل ده بنفس الكاوتش اللي راكب فيها دلوقتي ولا كاوتش تاني..كمان كان فيه جنطين شفتهم معووجة بس غيرتهم

**swimmer25** · 27-12-2012 03:58 PM

المشاركة الأصلية كتبت بواسطة bloody_stone

بص اللي انا اعرفه ان المساعد طالما جاب زيت يبقى خلاص بالسلامة ..

الخبطة اللي مع الفرامل في الياريس ((غالبا)) بتبقى من العجل اللي ورا و دي حاجة بسيطة بتبقى حاجة مصدية و عايزة تتشحم بس مش اكتر .. مش فاكر كان اسمها ايه الصراحة

موضوع القنطرة ده كان حصل مع واحد صاحبي .. انا مش بفهم اوي فيه بس هو برضه عدل القنطرة تاني و بعدها عن المقص بس الموضوع متحلش .. كان بيسمع صوت من العفشة و تتهز من قدام بس هو مكنش فارق معاه و طنش .. معرفش حله ايه الصراحة

جرب بعد ما تغير المساعدين تظبط زوايا و ترصص لو محتاج لان في زوايا غير الدريكسيون للمساعد ...

الكاوتش (((على ما اعتقد )))) ملهوش دعوة بالرجرجة والكلام ده الا مثلا لو ناشف شوية و محسسك بالطريق اكتر من الكاوتش العادي ..

و استنى حد بيفهم عني يساعدك

شكرا علي التحليل ده وكتر خيرك انك قريت الكلام كله
لو كده يبقي فعلا محتاج أغير المساعد
بالنسبة للكاوتش لو فيه مشكلة يعمل رجة جامدة جدا في العربية وحصلت معايا في اللانوس ولقيت نفس الكلام ان العربية بتنط وهي ماشية سريع وبتعرج علي البطئ بس كانت الكاوتش فيها اتعوج وواضح جدا بس الكاوتش عندي مش واضح عليه حاجة
صوت الطقة مع الفرملة مش من الفرامل...دي زي ما تكون حاجة بتخبط في العفشة تحت مع ميل العربية لقدام وانا عملت صيانة للفرامل ورا ومفيش منها مشاكل الحمد لله
القنطرة دي بقي شغلانة لأنها غالية وممكن تحتاج تغيير مقصات معاها كمان وشكلها هتفتح مني وانا في الامارت ومش عايز اقولك الصنايعية مبيفهموش وغاليين جدا والتوكيل لما يشوف حاجة زي كده بيقول غير كله وشكرا اصلا مصنعيته وقطع غياره اغلي اكتر كمان فبحاول اعتمد علي نفسي

**swimmer25** · 11-01-2013 11:52 AM

دي صورة المساعد..رأيكم إيه؟

**swimmer25** · 11-01-2013 11:55 AM

المشاركة الأصلية كتبت بواسطة mohammadrashee

بص اللي انا اعرفه من اللي بتقوله يبقى كاوتش عالي وواطي هو اللي يعمل الرجه ديه
والخبطه اللي في الفرامل ممكن تكون ال abs بيشتغل لأنك قولت العربيه بتميل لفدام وده دليل ان فرامل ورا ضعيفه محتاجه تترجلش بس

أنا شاكك في الكاوتش برده بس بص علي المساعد كده
الخبطة خبطة حديد وانا عارف ال abs بيعمل ايه ودي غيرها وكمان انا لسه عامل رجلاش للتيل الخلفي

**swimmer25** · 11-01-2013 12:22 PM

المشاركة الأصلية كتبت بواسطة land_cruiser

انصحك برضه تكشف على الجنوط احتمال يكون فيه عوجه او شرخ ليها دور فى الموضوع و هو اللى بيعمل كده نتيجه مطب جامد او الطلوع على الرصيف اللى حضرتك أشرت اليه و دول بيتعمل لهم استعدال

هو فعلا كان فيه جنوط معووجة وغيرتها تماما
هو الواضح ان المساعد لازم يتغير لأن الزيت اللي نازل ده أكتر من الطبيعي
شكرا لردك

-

الموضوع: رجة أو نطة في الياريس

LinkBack

أدوات الموضوع

عرض

رجة أو نطة في الياريس - انشر الموضوع فى :

-

-

-

-

-

المواضيع المتشابهه

الياريس

يا ترى بعد ما الياريس رخصت .....الياريس ولا الجين 2؟

الفروق بين الياريس 2009 و الياريس 2008

لون الياريس

فرش الياريس...!!

الكلمات الدلالية لهذا الموضوع

المفضلات

المفضلات

ضوابط المشاركة