أول طلب

**ysamerlabib** · 27-12-2012 12:29 PM

عندي مشكلة وياريت الاقي حلها عندكم
1- انا شاري العربية (اوبترا 2007 اوتوماتيك) من شهر تقريبا وعاملة 49000 كيلو
2- اول لما اشتريت العربية عملت سيرفيس كامل (سيور وبلي وزيوت وبوجيهات)
3- بعد الصيانة غسلت الموتور بالورشة برزاز المياه
4- من حوالي اسبوع بدور العربية بالليل بعد الشغل لاقيتها مش عايزة تدور الا بعد 4-5 مرات وصوت المارش شغال (مش عيب مارش)
5- من 3 ايام كده (برضة وانا مروح بالليل من الشغل) عملت نفس الموضوع ودارت بعد مرتين بس لاقيت لامبة الموتور منورة ولمبة الهولد بتنور وتطفي والعربية كلها متبرجلة و ال rpm عالي لغاية حوالي 1.5 بطلت العربية ودورتها العربية دارت تمام بس اللمبات برضة منورة وتاني يوم الصبح اللمبات كلها طفت
6- رحت كشفت على الدينمو والبطارية .. تمام
7- تاني يوم (برضة وانا مروح بالليل) نفس القصة بس لما بطلت العربية ودورتها فضلت مغربلة و ال rpm عالي رحت لواحد كهربائي حطها على الجهاز وقالي في 4 اخطاء للموتور و 2 خطاء للفتيس ومسح اخطاء الفتيس ومرجعوش تاني . بس اخطاء الموتور فضلت (ملحوظة : الجهاز كان بيقرا على سوفت وير ال GM لكن على سوفت وير الدايو مش بيقرا اي اخطاء)
8- رحت امبارح عند م/ هاني (سبيد سيرفيس) قالي مفيش اي اخطاء بسوفت وير الاوبترا

ملحوظة : العربية الصبح بتبقى زي الفل مفيش فيها الهواء وبتدور من اول مرة على طول لكن بالليل بيركبها 100 عفريت
اما مركب بوجيهات بوش الماني 2 شمعة .. ممكن يكون في تأثير
المشوار من البيت للشغل حوالي 12 كيلو وبتكون العربية فيها تمام
كل قطع الغيار اللي ركبت في السرفيس اصلي
زيت الموتور شل الترا
زيت الفتيس موبيل

اي مساعده

**akmm** · 27-12-2012 01:00 PM

متابع ..................

**ak_626** · 27-12-2012 02:03 PM

ريح نفسك وروح اي مركز يكون عنده جهاز كشف اعطال و خليه يكشفلك على العربية بنضافه

**mohamedrabia** · 27-12-2012 02:08 PM

المشاركة الأصلية كتبت بواسطة ak_626

ريح نفسك وروح اي مركز يكون عنده جهاز كشف اعطال و خليه يكشفلك على العربية بنضافه

ده احسن حل فعلا وبلاش غسيل الماتور بالمايه غلط جدااا ممكن فوطه زفره او حتي فوطة عادية هيبقي زي الفل واتمني انها تكون مشكله بسيطه ان شاء الله وتبعد عن الرشاشات

**ysamerlabib** · 27-12-2012 03:32 PM

المشاركة الأصلية كتبت بواسطة mohamedrabia

ده احسن حل فعلا وبلاش غسيل الماتور بالمايه غلط جدااا ممكن فوطه زفره او حتي فوطة عادية هيبقي زي الفل واتمني انها تكون مشكله بسيطه ان شاء الله وتبعد عن الرشاشات

متشكر ليكوا جدا بس انا رحت لمركز متخصص ( سبيد سيرفيس) وكشف عليها وقالي مفيش اعطال

انا خايف اروح ادور العربية دلوقتي تعملها معايا تاني

**ysamerlabib** · 27-12-2012 11:59 PM

الحمد لله وانا مروح معملتهاش معايا ...
بس برضة انا قلقان
لو حد يعرف مكان كويس قريب من مصر الجديدة (بس مش منصور) لاني سامع عليه سمع خير ... لو في حد متخصص اكون شاكر لبكم جدا