المشاركة الأصلية كتبت بواسطة hazoom2006
لو بتدخن مش هيكفوك لو مابتدخنش هيكفوك ولو احتاجت فلوس ممكن تطلب من حد من اهلك (فى زياره كل يوم جمعه )
بص يا باشمهندس هتلاقى فى الجيش ناس كتير فرافير كدة وناس بتهرب من مركز التدريب جمد قلبك وكل اكل ميرى مايهمكش كله بياكل منه ومحدش بيموت من الاكل الميرى وفى فيران فى الجيش فيران متربيه على الغالى دى بقا هتلاقيها فى كل حته ممكن تروح البيت تلاقى اتنين معاك فى الشنطة
فى حكمة فى الجيش يقولك مايضرش العسكرى الا الجزاء
سيبك من اللى يقولك الجيش نظام وانضباط لا الجيش كله بيمثل على كله انه نفذ الاوامر
هتعرف شوية مصطلحات فى الجيش جديده
هيه تجربة جميلة هتعمل منك راجل فى حياتك بعد كدة هتتحمل اسوأ الظروف وهتكون بالنسبالك عادى
هيجيلك وقت تكره الجيش والعساكر وكل حاجة بس لما تخلص جيش وتفتكرها هتقول كانت ايام حلوة
ربنا معاك ويعدى ايامك على خير اهم حاجة تجمد قلبك وماتخافش