المشاركة الأصلية كتبت بواسطة hesham ahmed
ياااااااه ربنا معاك ... انا لسه مخلص جيش 1/12/2012
كنت سلاح مهندسين ...و انا اصلا مهندس مكانيكا .. فكنت شغال في معدات و كده و استفدت جامد
المهم بقي... روح المكان اللي فيه واسطتك ... مش المكان الكويس ...بس انسي الواسطه و خليها للطواري بس مش كل شويه عمال علي بطال حتي عشان تحس انك استفدت من الجيش
و فعلا اهم حاجه ...انسي انك مهندس او جامعي ... و تعامل مع الناس ال3 سنين باسلوبهم و قاوح و اتخانق و صالح و تعامل مع اي حد ... .. و هزر و اضحك و هتلاقي الدنيا مشيت والله انا كنت بكره الفتره اللي بنزلها اجازه من الجيش عشان في الجيش مقضينها ضحك
و بارضو بنقرا قران
و اجمل حاجه لما تقوموا في الفجر تتوضوا و تصلو جماعه .. و انتوا بتترعشوا من الساقعه و حاسس برعشه اللي بيصلي جمبك
او تقفوا في الشمس طول اليوم في رمضان ....بيبقي احساس جميل اوي لما كلكوا تتلموا في المغرب تفطروا ... و الاجمل انك قدرت تستحمل المشقه دي كلها ... و كله بثوابه بقي
خد الجيش انها فتره هتعمل من اي انسان متبهدلش في حيانه ... لواحد عنده صبر مهول اي حاجه بالنسبه له سهله
....
من الاخر خليك حاطط في دماغك و انت داخل الجيش ... انك هتقدر تتحمل اي بهدل هتشوفها
و تابعنا باخبارك اول باول ان شاء الله