صنى 2007 حله نظيفه تعمل كام

**mtolaymat** · 28-12-2012 10:05 AM

العربيه الصنى الى ادامى عامله 85 الف كيلو .. فول اوبشن ... اوتوماتيك موديل 2007 انا شايفها نظيفه بس طبعا من بره بس و مالكها زميلى بالعمل من 3 سنوات و عمره ما شكا منها و انا عارف انه عايز يغير عشان يجيب حاجه اعلى بكتير و ممكن تخلص على 67 الف
ممكن اعرف ايه اقرب توكيل ليه انا ساكن فى مدينه نصر و لما اخدها للتوكيل اقوله ايه و حاجه تانيه الموضوع ده بيكلف كام فى التوكيل و ايه هيه العيوب الى تخلينى ارفض العربيه تماما و ايه هيه العيوب الى تعدى
انا اسف على الاطاله انا فعلا جديد على الموضوع ده و اسف ان فعلا بعض الاسئله ساذجه جدا بس ولله عن جهل

**kliken** · 28-12-2012 02:12 PM

العربيه سعرها ممتاز اسعار السوق شاده مش عارف ليه

**Youssef.Awad** · 28-12-2012 08:53 PM

مبدئيا ممكن تخلصها على 65 الف
اقرب توكيل ليك فى مدينة نصر ؟
مممممممم ... مفيش موثوق فيه غير السبع المعادى او تطلع على اتوايجيبت ابو رواش والكشف كامل مش هايعدى 300 ج
والحاجات اللى تخليك ما تاخدهاش ان العربية تكون محتاجة تغير حاجات فى العفشة زى مساعدين ومقصات وكبالن او مشاكل بالفتيس مثلا خاصة اذا كانت اتوماتيك او بالموتور مثلا واخيرا - لا قدر الله - لو كانت عاملة حادثة ومسمعة فى الشاسيه

**miceg** · 28-12-2012 10:22 PM

انا شايف ان سعرها ممتاز اذا كانت حالتها كويسه
انا كنت فالحوار ده من شهر وشوية
كنت شايف ال 2007 وال 2008 سعرهم بيوصل 70 ألف
وكان بيبقا في مشاكل مثلا فالدهان والكلام ده
لو العربية كان صاحبها مقتني بيها وايده فيها باستمرار وده ممكن تعرفه بحكم معرفتك بيه
يبقا توكل على الله وفهمه انك هترفع العربية للطمانينة وكده
مع العلم الالفين جنيه اللي بتنزلهم او اللي بيغلو ثمن العربية
ممكن تدفعه وانت مقتنع عشان ساعات بتشتري عربيه بسعر كويس وفالاخر بتلاقي نفسك وقعت فأكثر من حاجه
نصيحتي ليك تبص عالاتي
الفرش بتاع العربية : هل هو فارش العربية وفارش الارضيات ولا لا
ولو فارش حاول تبص تحت الفرش ايه اخبار العربية وفرش الارضية عامل ازاي
نفس الموضوع لما تروح التوكيل خليه يكشفلك على كل حاجه هل هيلزمك تغيير سيور وبوجيهات وتيل فرامل وكده..............الخ ولا هو كان ايده أول بأول ؟
ثانيا :- حالة الكاوتش: هل هو مغير الكاوتش ولا لغايت المسافة دي كان معتمد على الكاوتش بتاع العربية
عشان حط فدماغك انك هتغير طقم كاوتشات فحدود 2000 جنيه
يعني حالة العربية ممكن تبقا روعه بدون اي جنيه
وممكن شوية الحاجات اللي ذكرتها تكلفك مش أقل من 3 الاف جنيه
فمتفرحش بالسعر على اد ماتشوف الحالة
دي نصيحتي ليك

**mtolaymat** · 29-12-2012 01:35 AM

الف الف الف شكر يا جماعه فعلا معلومات قيمه ,ربنا يبارك فيكم ... انا انشاء الله حروح على التوكبل اكشف عليها و حجيب تقرير بحاله العربيه و الحاجات الى عايزه تتغير - وربنا يهدينى للصواب

**حماده المصري** · 29-12-2012 12:38 PM

الرجاله كفت ووفت

ضمنت عربيه من شخص محترم

فيه حاجات تانيه المفروض تبص عليها هو ممكن لو ملوش في العربيات تلاقيه مش فاهم فيها عشان كده الكشف مهم

وهي العفشه لان الصني بالذات عفشتها غاليه والكاوتشات لانهم برضو غالينن

والعفشه متقلقش من المساعدين اوي موجوين برا التوكيل باسعار ارخص انما المقصات الاصلي نفس السعر تقريبا برا التوكيل وفي منهم تيواني برضو