يا استاذ مصطفي انت مش فاهم قصدي انا مش بتكلم عن صياناتك الدورية في التوكيل دي عادي
انا بتكلم عن عيوب الصناعة هنا بيظهر الضمان - انا الضمان مش بيضمن لي العربية من سوء استعمالي ده بيضمنها لي من سوء الصناعة يعني بحاجة مش بأرادتي
يعني لما تيجي تلاقي جلد التارة بيتقشر لوحده - تلاقي مثلا الفتيس فيه مشاكل - في صوت غريب في العربية - ظهرت لك رسالة الـbreak على شاشة كمبيوتر العربية في مرحلة الفحص قبل التشغيل
يعني لما تظهر لك مشكلة جوهرية سببها عيب صناعة مش صيانة دورية - ده اللي انا بتكلم عليه الصيانة الدورية مسموح لاي عربية كيا تدخل التوكيل ويتعمل لها صيانه وبتدفع فرق صغير في الفلوس
انما انا وانت مثلاً احنا الاتنين ظهرت عندنا في نفس التوقيت عيب صناعة وليكن مثلاً تقشير التارة
انا هروح التوكيل وانا معايا الضمان بتاعي هنا التوكيل هيغيرها لي لانه عيب صناعة بالمجان
انت هتروح التوكيل هيقول لك حاجة من الاتنين :
1- تشتري القطعة على حسابك ونركبها لك في التوكيل مع 10% ضريبة و 200 جنية مصنعية
2- تروح ترجع بالعربية يا فندم من البلد اللي انت جبتها منها - طيب يا استاذ ازاي هرجع بيها هيقول لك العربية خارج ضمان شركة EIT مصر ودي شركة كيا في مصر
بصراحة ليهم الحق وانت كده بتضيع ضمان من افضل توكيلات مصر لان ضمان كيا في مصر معروف عنه انه ممتاز جداً