عربية فى حدود 15 الف جنيه

**Mohamed_Hamid** · 28-12-2012 02:55 PM

السلام عليكم ورحمة الله وبركاته
ازيكم جميعا اخوانى الأعزاء
انا محتاج نصيحة لأنى محتار اعمل ايه
دلوقت انا لسه عايز اتعلم سواقة ومحتاج اجيب عربية اتعلم عليها وطبعا هجيب حاجة اخبط فيها براحتى وتبقى الخسائر بسيطة ان شاء الله. ومش عايز اجيب حاجة تعدى ال 15 الف لأنى كمان داخل على جواز ان شاء الله ( عقبال اللى متجوزش واللى اتجوز كمان :) ) ويهمنى ان العربية تسافر لأنى هروح بيها المنصورة مرة كدة كل اسبوعين. تنصحونى بايه الله يكرمكم لأنى محتار!!! ناس تقول هات 128 وناس تقوللى مش هتسافر معاك وناس تقوللى خليك فى الماروتى وناس تقول لآ مش هتسد. وناس تقول لادا وناس تقول هتكرهك فى السواقة وانت لسه بتتعلم!!! مش عارف اعمل ايه

**amrelsha3er** · 28-12-2012 06:09 PM

فيورا 127

**Mohamed_Hamid** · 28-12-2012 06:27 PM

تفتكر دى هتسد فى السفر؟

**M I D O** · 28-12-2012 07:17 PM

انت كدة جبت من الاخر فيات 132 عربية واسعة و قوية جداااا خش بيها في دبابة الدبابة هية الي هتطبق هههههههههه بس هاتها 1600 عشان ال 2000 بتبلع بنزين ولو تعرف تجيبها 2000 كداب يعني موتور 1600 بس العربية نفس شكل ال 2000 و فيها الباور و الزجاج كهرباء وقطع غيارها رخيصة و اي حلواني يشتغل فيها و تسد معاك في السفر بس اختار حالة نضيفة لان اغلب الي في السوق حاليا حالات تعبانة والحالة النضيفة هتعمل من 17 لحد 20 الف وربنا يوفقك يا باشا و يتمملك علي خير ويكون جواز الهنا و السعد عليك ان شاء الله

**yoyhmh** · 28-12-2012 11:32 PM

فعلا ال 127 اختيار مناسب بس اهم شىء الحالة-اقتصادية فى كل شىء
132 غير اقتصادية فى البنزين اعطالها كتير-
ايضا الادا مش وحشة بس عيبها الخشونة-الدريكسيون تقيل فى الموديلات القديمة ولكنها قوية واقتصادية
125 قوية و اقتصادية بس الحالة اهم شىء
البولونيز هى نفس 125 بس هيبقى صعب تبيعها ولكنها ممتازة كعربية و تستحمل
قدامك اختيارات و انت الى تقرر و ربنا يوفقك..............

**Sehsss** · 30-12-2012 05:10 PM

فيات 131

**sfgtrehk** · 31-12-2012 09:50 PM

المشاركة الأصلية كتبت بواسطة bero0o0o0

ممكن حضرتك تشوف بيجو 305 بالسعر ده هتبقى حلوة
عربية خدمة شاقة و اي حد بيشتغل فيها بس هي قطع غيارها بدأت تبقى غالية شوية بس مش الفظيعة يعني على قد الايد برده و ال 132 برده ممتازة كاختيار تاني
ممكن برده سيتروين ax عربية ثباتها ممتاز و موفرة في البنزين بس قطع غيارها هتبقى زي البيجو كده

لغاية وقت قريب انا كنت بسافر بلا توقف الا للتموين بالبنزين فقط للغردقة مرتين فى الشهر
ب
128
موديل 1980
والحمد لله عمرها مشتكت و 110كم دا متوسط السرعة
المهم
انى مبحطش غير قطعة الغيار الاصلية مع كاوتش h ماركة كومهو

اتواصل معايا لو حبيت لاى مساعدة

**mohamed_mesho3** · 03-01-2013 01:44 PM

اى عربية فى الفئة اللى تحت ال 20 الف هتصرف قد تمنها مرة و نص تصليحات لانها عربيات بقت عجوزة اوى كلها ,,, انا بقول الماروتى هى الافضل و هى معايا و مطلع عينيها مشاوير و سفر و عربية زى الفل و حاول تعلى المبلغ اللى معاك ,, لان المبلغ دا لو جبت بيه عربية هتلاقيك صارف قده و اكتر عليها !!