أنا عربيتي فيرنا 2005 أوتوماتيك عاملة 65 ألف كيلو ولسه مغير كاوتشات أمامي كوري من حوالي 4 شهور كده ولكن منذ شهر تقريباً وأنا لما بعدي سرعة 90 كم بيحصل إهتزاز عجلة الدريكسيون وبيزيد لما بزود السرعة .. هل كده يبقى العجل عايز ترصيص ولا إيه .. (ملحوظة : زوايا وإتزان العجل مضبطين والعربية ما بتحودش) ..أرجو الإفادة وشكراً لمساعدتكم الفعالة ..وأرجو لكم المزيد من التفوق
ترصيص
ترصيص موتوسيكل او حصان يضبط بأذن الله
لو في ال80 و ال90 مفيش هزة و بتبدأ من 100 110 يبقى ترصص ورا و تجرب لو مارحتش يبقى ترصص قدام
فعلا محتاجه ترصيص عند حد كويس و المشكله هتختفى ان شاء الله
ممكن تشيك على الطنابير ممكن تكون عاملة شفه وحتعمل رجرجه مع السرعه فوق 90
ترصيص انا كانت عندي لما كنت بعدي ال90 وروحت رصرصت وراحت بعديها
لو الطنابير كانت الطاره حترتعش لما يدوس فرامل
فى المقام الاول ترصيص
بس انا عاوز اوضح حاجه مهمه حصلت معايا شخصيا فى سيارتى السابقه
كنت مركب اربع فرد جداد كومهو سرعات عاليه وكان بيحصل معايا مجرد مااعدى ال90 العربيه تغربل وطاره الدريكسون ترعش وبيتزيد اما ازود السرعه
روحت رصصت من جديد عن واحد تانى وكانت المشكله كما هى ولم تحل الا لما غيرت الكاوتش
هذا للعلم
مع الشكر
المشكلة لو بتحصل من غير ما تدوش فرامل يبقى ترصيص بس هل كانت تمام قبل الكاوتش الجديد !!!