رقم العضوية : 90450
تاريخ التسجيل : 05Mar2011
المشاركات : 143
النوع : ذكر
الاقامة : جدة
السيارة: سيراتو
السيارة[2]: سوزوكي
دراجة بخارية: مفيش
الحالة :
شوف ياباشا انا صورتلك الكتالوج اهو عشان ميبقاش في مجال للشك
طبعا انا مش فاهم تنوع المعايير ده يعني ايه بس المهم ان ال 5-30 موجود فيه
وبالفعل انا اشتريت كرتونة خلاص ب 270 ريال يعنى العلبة واقفة ب 22.5 ريال وكنت شاري فلتر اصلي من الوكالة ب 14 ريال وبكرة ان شاء الله هعلن انضمامي لقافلة الكاسترول مجنتك
بالنسبة للصيانات انا فعلا عامل عندهم كل الصيانات لحد عشرين الف وبعدها نفضت وناوي فعلا اعمل الاربعين عندهم وساعتها هاخد الدفتر واقولة اختمهولي
وربنا يسمع منك ويسحبو منه الوكاله فعلا .. ياراجل دة انا كنت بصلي الفجر واروح اقف قدام الباب بتاع الوكالة واكمل نوم لحد ما يفتحو عشان يرضو يعملولي الصيانة واستلمها وانا واقف ودة لاني صعب اروح شغلي من غيرها وصعب اكتر اخد اجازة
فين ايام عبد اللطيف جميل كان الواحد بيحجز من على النت ويروح يقعد على كرسي المساج ويشرب نسكافية وتجيلك العربية مغسولة ومتظبطة وتاني يوم يتصل واحد يقولك حضرتك راضي عن الخدمة ولا لاء
بشكر حضرتك جدااااااااااا وربنا يوفقك ويكرمك ويرزقك باللي تتمناه ان شاء الله
رقم العضوية : 42730
تاريخ التسجيل : 19Jun2009
المشاركات : 6,353
النوع : ذكر
الاقامة : Riyadh - KSA // Banha - Egypt
السيارة: NISSAN ALTIMA 2.5 SL '13
السيارة[2]: FSO Polonez '88 - NISSAN SUNNY EX Saloon '10
دراجة بخارية: 000
الحالة :
كده تمام يا زعيم نفس اللى عندى وينفع 5w30
1000 مبروك على الكرتونة واعمل حسابك لو احتجت منك ولا حاجة هاكلمك تبعتلى هههههههههههههههه
حاول تروح اليومين دول تختم اللى فاتك ضرورى عشان دى عالم باردة وممكن يماطلوا معاك واهو تطمن من دلوقت احسن
وبعدين لما تروحلهم فى ال40 الف يبقى يحلها الف حلال
صحيح البلد دى عاوزة تويوتا وبس .. اخرهم كده بصراحة رغم انها عربيات فقيرة وفاضية لكن بتمسك فلوس عند البيع وكمان اسرع فى البيع .. عقليات متحجرة نعمل ايه بقى !!!!
وبمناسبة الفجر .. واحد فى اخر مرة كنت هناك داخل بسيراتو مصرى برضه شغال ليل ونهار عاوز يعمل صيانة ال5000 كم اول صيانة وراح الاخ قاله بكرة الصباح ان شاء الله
راح خرج عن شعوره وقاله العربية دلوقت عاملة 9000 كم !!! ومش ماشى من هنا غير لما تغير الزيت والفلتر هههههههههههههههههههههه
انا كمان عملت ال5 الاف عند 5950 كم بسبب الهبل ده وفى ال10 الاف عملتها عند 12000 كم وبعدها قولت كفاية عليهم كده
صحيح نسيت اقولك والعربية بتعمل اى صيانة فى الجبر حاول تروح مركز من اللى فى بنزينة دول وتقف على دماغ العامل تتفرج بيعمل ايه .. هاتتبسط اوووووووووووووووووى ههههههههههههههه
Y2Y1500 سابقا
المفضلات