تقريرى الحصرى المصــور لشيفرولية كــروز هاى لاين 2013 (فيس ليفت) من ارض مصر

[gdwl]السلام عليكم ورحمة الله وبركاته[/gdwl]

[gdwl]تقريرى الحصرى المصــور لشيفرولية كــروز هاى لاين 2013 (فيس ليفت) من ارض مصر على الواقع[/gdwl]

http://nileup.com/up/uploads/nilemotors_13567715671.jpg

كنت فى زياره امبارح لموزع شيفروليه البلال موتورز اسكندريه وفوجئت بوجود ونزول الشيفروليه كروز بالتعديلات الجديده .. رغم ان كنت سألت قبل كده من اسبوع ادارة مبيعات شيفروليه واكدو ان التغيير فى الموتور بس ولكن التعديلات شملت كل ماهو آت ... (وده بيدل على ادارة المبيعات فى جزر منعزله عن ادارة الشركة الرئيسيه )

واليكم تفاصيل التعديلات

تم تغيير الاكصدام الامامي والفوجات والشبكه وسحب الفانوس للخلف بخلاف الكروز 2012

http://nileup.com/up/uploads/nilemotors_13567697481.jpg

http://nileup.com/up/uploads/nilemotors_13567697493.jpg

http://nileup.com/up/uploads/nilemotors_13567697495.jpg

http://nileup.com/up/uploads/nilemotors_13567697496.jpg

وتم تغيير شكل الاكصدام الخلفى وشكله شيك جدا عن القديم ورسم العربيه من ورا بجد

http://nileup.com/up/uploads/nilemotors_13567697494.jpg

والمفاجئه الجميله جدا ... الجنوووووووووط 17 مقاس 17/215/50 نوعهم كومهو سيلس تقريبا

بس الاستبن جنط عادى

وعلى فكره العربيه ارتفاعها زاد الى 15 سم وكده اتعالجت جزئية انخفاض العربيه فى الموديل القديم وكانت الشكوى دائمه من انها بتحك فى اى مطب

والفرامل فى الفئه دى abs ديسكات ورا وقدام

http://nileup.com/up/uploads/nilemotors_13567697482.jpg

http://nileup.com/up/uploads/nilemotors_13567697497.jpg

http://nileup.com/up/uploads/nilemotors_13567697498.jpg


والتغيير الرئيسى هو الموتور الايكوتك 115 حصان وهو نسخة طبق الاصل بشكل دقيق لكل التفاصيل لحوض وموتور الاسترا 2013 مفيش اى تغيير اماكن كل حاجه فى الحوض هيا هيا حتى مكان فلتر الهوا ودخلات خراطيم التكييف نفس المكان بالزبط الاتنين كانو واقفين جنب بعض وقارنت بينهم على الطبيعه

http://nileup.com/up/uploads/nilemot...5676975010.jpg

http://nileup.com/up/uploads/nilemotors_13567697509.jpg

وهنا فيه عازل فى الكبوت

http://nileup.com/up/uploads/nilemotors_13567710846.jpg

وكمان فيه للشنطه بس نسيت اصوره


اما من الداخل وكانت المفاجئه وهى تغيير الطابلوه وشكله بقه اشيك وفيه شاشه خاصه بمشغل الاسطوانات والراديو ومشترك معاها وظايف التكييف ودى شبيهه بالتكييف الديجتال ولكنه يدوى

ودرج التابلوه بيتقفل بمفتاح

والعربيه فى الفئه دى فيه 2 ايرباج

http://nileup.com/up/uploads/nilemotors_13567710842.jpg

http://nileup.com/up/uploads/nilemotors_13567710843.jpg

شكل الطاره

http://nileup.com/up/uploads/nilemotors_13567710831.jpg

الفتيس استبترونيك ويقال انه مختلف عن موديل 2011

http://nileup.com/up/uploads/nilemotors_13567710844.jpg

الشنطه بسعة 450 لتر والعربيه بيجى معاها طقم دواسات اصلى

http://nileup.com/up/uploads/nilemotors_13567710845.jpg


العريبه شكلها اختلف للافضل وده من الواقع

شويه تفاصيل على الهامش

العربيه فيها ايموبلايزر

وكمان انذار ضد السرقه

والشنطه بتفتح من الريموت

والمفتاحين نسختين متطابقتين فى كل الوظايف (على شكل سلاح)

[gdwl]سعر العربيه 144000 للفئه الهاى لاين والفئه العاديه لم يتم تحديد سعرها ومنزلتش لحد دلوقتى فى المعارض (العهده على الراوى وهو صاحب المعرض) ويقال انها حتكون اقل 10000
[/gdwl]

[gdwl]الحاجات الى كنت بتمناها تكون موجوده[/gdwl]

بلوتوث

فتحة usb عشان فيها aux بس

مرايات ضم الالنترا مش احسن منها

نواكل فى مقابض الابواب لانهم كانو موجودين فى الفئه الهاى لاين 2012 ولكن اتشالو هنا وكانو بيدو شياكه للعربيه

مفيش مصفحه تحت الموتور وكنت اتمنى وجودها ومش عارف موجوده فى الموديل القديم ولا لا


وبعد انتهاء سرد التقرير

فى رأيكم العربيه دى وبعد الاضافات الجميله دى استردت مكانتها تانى فى السوق وحتسحب البساط من تحت الالنترا والسيراتو الشكل الجديد الى لسه منزلش والفلورنس الحاليه ولا لا ؟؟

وفى تقديركم هيا ولا الالنترا فى نفس الفئه السعريه مين يكسب لو انت بتشترى عشان انا بفكر فيها جدياًً


تحياتى للقسم والقائمين عليه

:36_7_7[1]:

الله عليك وعلى حصرياتك ياحسام باشا بجد تسلم ايدك

نسيت كمان اقول لكم ان نزول العربيه بموتور الايكوتيك بشرى لاصحاب الدايو لاستى كروز والى كانت مشكلتهم عدم توفر قطع غيار بسهوله

تحياتى

اقتباس:

---

المشاركة الأصلية كتبت بواسطة Hosam_Optrawy

الله عليك وعلى حصرياتك ياحسام باشا بجد تسلم ايدك

---

تسلم ياغالى

ايه رأيك جبتلك الخبر الاكيد :E_braces[1]:

بخصوص سؤالك هى ولا الالنترا انا شخصيا افضل الكروز خصوصا بعد ارتفاع سعر الالنترا المبالغ فيه

الكروز اول فئه المفروض هاتبقى ب 135 , والهاى لاين 143

ما شاء الله
تسلم ايدك تقرير رائع وبالتفصيل ..

جميييييييييييل جداااااااااا


دلوقتي تقدر تنافس خصوصا بموضوع المتور ده

ولو كمان الفتيس مختلف التسارع هيختلف للاحسن بشكل جميل جدا

لانه بوجود مواتير زي هيونداي وتويوتا وهوندا

صعب عربيه تنزل المتور الضعيف ده وتبيع

الله ينور يا باشا
العربيه فعلا بقت تحفه

تسلم علي التقرير الجميل

العربيه احلوت قوي عن الأول و لو نازله بالسعر دا و الأوبشنز دي معقوله قوي

اقتباس:

---

المشاركة الأصلية كتبت بواسطة hosam_optrawy

بخصوص سؤالك هى ولا الالنترا انا شخصيا افضل الكروز خصوصا بعد ارتفاع سعر الالنترا المبالغ فيه

الكروز اول فئه المفروض هاتبقى ب 135 , والهاى لاين 143

---

طيب هيا ولا السيراتو الشكل الجديد داخليا وخارجيا؟؟

مشكور يا باشا على التقرير
بس هى مش هتسحب البساط من حد لا جديد ولا قديم

اقتباس:

---

المشاركة الأصلية كتبت بواسطة yasserelsayad

مشكور يا باشا على التقرير
بس هى مش هتسحب البساط من حد لا جديد ولا قديم

---

ليه بتقول كده ؟؟:U_thin1[1]:

اقتباس:

---

المشاركة الأصلية كتبت بواسطة hossam_elwani

ليه بتقول كده ؟؟:u_thin1[1]:

---

يعنى هى مبتشدنيش ليها
حتى التابلوه الجديد دا بيحسسنى ان العربية موديل 2000 بالحتة اللى بتفتح من فوق دى زى الصنى كدا القديمة والشبكة الريش اللى فيها بالعرض دول خلوا العربية عجزت من قدام

تسلم ايديك بصراحة العربية ما شاء الله جامدة جداااا من ساعة ما نزلت
بس لازم التجربة برده عشان نقدر نقارن بينها و بين العربيات اللي في فئتها لكن في الشكل الخارجي بينها و بين الالنترا و السيراتو بالنسبة ليا هي تكسب ثم السيراتو
لكن المهم ع الأرض ايه اخبارها هو ده اللي يفرق

اقتباس:

---

المشاركة الأصلية كتبت بواسطة yasserelsayad

يعنى هى مبتشدنيش ليها
حتى التابلوه الجديد دا بيحسسنى ان العربية موديل 2000 بالحتة اللى بتفتح من فوق دى زى الصنى كدا القديمة والشبكة الريش اللى فيها بالعرض دول خلوا العربية عجزت من قدام

---

سبحان الله فعلا اذواق

انا انطباعى عكسك تماما

على فكره الواقع بيفرق بنسنه عن الصور

اقتباس:

---

المشاركة الأصلية كتبت بواسطة yasserelsayad

مشكور يا باشا على التقرير
بس هى مش هتسحب البساط من حد لا جديد ولا قديم

---

اقتباس:

---

المشاركة الأصلية كتبت بواسطة yasserelsayad

يعنى هى مبتشدنيش ليها
حتى التابلوه الجديد دا بيحسسنى ان العربية موديل 2000 بالحتة اللى بتفتح من فوق دى زى الصنى كدا القديمة والشبكة الريش اللى فيها بالعرض دول خلوا العربية عجزت من قدام

---

:S_thum1[1]:

اقتباس:

---

المشاركة الأصلية كتبت بواسطة hossam_elwani

طيب هيا ولا السيراتو الشكل الجديد داخليا وخارجيا؟؟

---

الشكل اذواق زى مانت عارف

السيراتو الجديده كان ممكن تبقى احسن من كدا شويه فى الفوانيس الاماميه وشكل الطاره مثلا , الكروز تقريبا هى هى والمفروض هاتتغير بعد سنتين تقريبا لكن السيراتو قدامها شويه

فى المجمل اختار سيراتو فى الشكل

تصحيح لمعلومه ذكرتها بخصوص ارتفاع العربيه

الارتفاع اصبح 16 سم زى الاوبترا مش 15 زى ما قولت

شكرا ياباشا عـ التقرير

بس أنا شايف ان العرية دى مالهاش حظ فـ مصر؟!!!

فـ الأول السيراتو سحبت منها السوق
وبعدين الإلنترا الجديدة

وحتى لما منصور نزلها بموتور الأسترا Eco-TEC 115hp
(وأحب أقول للى متوقع أداء وجرى زى الهيونداى-كيا.. مش هتلاقى لأن عربيات GM-Opel الجديدة كلها ثقيلة)..
متوقع بردو ان السيراتو K3 تاكلها تانى؟!! :B4_039:

لكن هى كـ عربية: ثبات وهاندلينج وفرامل.. أعلى من الإلنترا والسيراتو فعلا.
ولو عـ الجرى.. كل المواتير دى مش هتنفع؟!! لازم موتور تربو!!
مش هقول 1.6 EcoTEC Turbo زى بتاع الأسترا 180 حصان.. :angel10:

بس GM عندها موتور 1.4 تربو إسمه Range-Extender بيطلع 140 حصان، وبينزل عـ الكروز وحتى عـ السونيك..
أعتقد ده هيبقى أرخص كتيييييير من موتور الأسترا تربو؟!!!
وهيدخل العربية دى فـ منافسة جامدة مع الكورى واليابانى فـ مصر.

Rgds،

اقتباس:

---

المشاركة الأصلية كتبت بواسطة formulator

شكرا ياباشا عـ التقرير

بس أنا شايف ان العرية دى مالهاش حظ فـ مصر؟!!!

فـ الأول السيراتو سحبت منها السوق
وبعدين الإلنترا الجديدة

وحتى لما منصور نزلها بموتور الأسترا eco-tec 115hp
(وأحب أقول للى متوقع أداء وجرى زى الهيونداى-كيا.. مش هتلاقى لأن عربيات gm-opel الجديدة كلها ثقيلة)..
متوقع بردو ان السيراتو k3 تاكلها تانى؟!! :b4_039:

لكن هى كـ عربية: ثبات وهاندلينج وفرامل.. أعلى من الإلنترا والسيراتو فعلا.
ولو عـ الجرى.. كل المواتير دى مش هتنفع؟!! لازم موتور تربو!!
مش هقول 1.6 ecotec turbo زى بتاع الأسترا 180 حصان.. :angel10:

بس gm عندها موتور 1.4 تربو إسمه range-extender بيطلع 140 حصان، وبينزل عـ الكروز وحتى عـ السونيك..
أعتقد ده هيبقى أرخص كتيييييير من موتور الأسترا تربو؟!!!
وهيدخل العربية دى فـ منافسة جامدة مع الكورى واليابانى فـ مصر.

rgds،

---

كلامك سليم

ولكن بخصوص الموتور التربو تبقى المشكله الازليه بنزين 95

شكرا على التقرير لكن انا هتكلم بحيادية تامة

رأيى الشكل القديم احلى بكتير من الخارج و الداخل
الشبكة القديمة جميلة جدا و احلى من الجديدة اللى تحس انها معجزاها
الاكصدام الخلفى الحتة اللى تحت مش حلوة كان ممكن يتعمل سوكة واحدة تمشى بعرض الاكصدام بشياكة زى بتاعة لانسر سوبر اكشن كدا لكن دى محسساك انها متطبقة
التابلو القديم احلى بكتير و الحتة اللى زودوها دى مش عاطفية خالص
الموتور ضعيف جدا على البودى دا و العربية دى ميزتها انها اعرض قاعدة عجلات تقريبا 2700 او اكتر قليلا
السعر مقابل القيمة هتتفوق على الالنترا و السيراتو
كهاندلنج و ثبات عالطريق تتفوق على الالنترا و السيراتو
لكن اجمالا الالنترا و السيراتو يتفوقو من حيث الانتشار و قطع الغيار و الشكل برة و جوة و قوة الموتور و الاوبشنز الاكثر فى الهاى لاين لكن عيبهم دلوقتى انهم غاليين جدا جدا

تقبل تحياتى

اقتباس:

---

المشاركة الأصلية كتبت بواسطة rsarabia

شكرا على التقرير لكن انا هتكلم بحيادية تامة

رأيى الشكل القديم احلى بكتير من الخارج و الداخل
الشبكة القديمة جميلة جدا و احلى من الجديدة اللى تحس انها معجزاها
الاكصدام الخلفى الحتة اللى تحت مش حلوة كان ممكن يتعمل سوكة واحدة تمشى بعرض الاكصدام بشياكة زى بتاعة لانسر سوبر اكشن كدا لكن دى محسساك انها متطبقة
التابلو القديم احلى بكتير و الحتة اللى زودوها دى مش عاطفية خالص
الموتور ضعيف جدا على البودى دا و العربية دى ميزتها انها اعرض قاعدة عجلات تقريبا 2700 او اكتر قليلا
السعر مقابل القيمة هتتفوق على الالنترا و السيراتو
كهاندلنج و ثبات عالطريق تتفوق على الالنترا و السيراتو
لكن اجمالا الالنترا و السيراتو يتفوقو من حيث الانتشار و قطع الغيار و الشكل برة و جوة و قوة الموتور و الاوبشنز الاكثر فى الهاى لاين لكن عيبهم دلوقتى انهم غاليين جدا جدا

تقبل تحياتى

---

شكرا على ردك

بس ليا ملحوظه قاعد العجلات الخاصه بالالنترا اكبر من الكروز بـ 1.5 سم (الكروز 2.685 ) (الالنترا 2.700) لكن الكروز فى اجمالى طولها اطول من الالنترا بــ 6 سم

تحياتى

تقرير رائئئئئئئئئئئئئئئئئئئئئع جدااااااااااا...مجهود سباق ومتميز,,,وياريت الاسعار كمان

الموضوع اضرب على موقع تانى :(

* * * * * * * * * * *

تم حذف اللينك لمخالفة قواعد المنتدى

م ع 5

اقتباس:

---

المشاركة الأصلية كتبت بواسطة mido

الموضوع اضرب على موقع تانى :(

* * * * * * * * * * * * *

---

اصلا الموقع دا شغال نقل من نايل موتورز
حتى موضوع مرسيدس بتاعى عندهم :)

من بره حلوة بس من جوه مضحكة بالتابلوه ابو قبة من فوق

اقتباس:

---

المشاركة الأصلية كتبت بواسطة mido

الموضوع اضرب على موقع تانى :(

* * * * * * * * * * *

تم حذف اللينك لمخالفة قواعد المنتدى

م ع 5

---

كله فداء نايل موتورز .. هو بس المفروض الى ينقل بقول منقول لان المجهود مش مجهوده

اقتباس:

---

المشاركة الأصلية كتبت بواسطة mido

من بره حلوة بس من جوه مضحكة بالتابلوه ابو قبة من فوق

---

لو اتحط عليها gps هيبقى المكان مستغل وجميل

ليا ملحوظه كمان ان الفنيش فى حوض الموتور ممتاز جداااااا كل الخراطيم والاسلاك متربطه تمام مفيش شيكرتون يدوى باين شكله مش تمام زى عربيات كتير فى االسوق

تحياتى

تسلم عالخبر الحصرى ده
لكن انا ليا نقطين ضعف فى العربية دى
1. الجنوط ال17 مع بروفايل 50 وياريت تنزل ب16 يكون افضل مع بروفايل 60 على سبيل المثال
2. اسم وسمعة منصور فى السوق مش قد كده عند ناس كتير وكمان السعر شايفه عالى وكمان العربية ناقصها حاجات

على فكرة فى السعودية ودعوا موتور ال1600 ده من زمان وكل الكروز نازلة 1800 مع ان ده وقف حالهم مع المصريين اللى بيشتروها وينزلوها ههههههههه

اقتباس:

---

المشاركة الأصلية كتبت بواسطة Youssef.Awad

تسلم عالخبر الحصرى ده
لكن انا ليا نقطين ضعف فى العربية دى
1. الجنوط ال17 مع بروفايل 50 وياريت تنزل ب16 يكون افضل مع بروفايل 60 على سبيل المثال
2. اسم وسمعة منصور فى السوق مش قد كده عند ناس كتير وكمان السعر شايفه عالى وكمان العربية ناقصها حاجات

على فكرة فى السعودية ودعوا موتور ال1600 ده من زمان وكل الكروز نازلة 1800 مع ان ده وقف حالهم مع المصريين اللى بيشتروها وينزلوها ههههههههه

---

الله يكرمك ويعزك

هو فعلا البروفايل 60/215 قليل عشان هيا بتنزل بره اصلا 225/60 يعنى الارتفاع اكبر

وايه من وجهة نظرك ناقص فيها بخلاف البلوتوث والـ usb ودول بيتحلو بأى جهاز gps ب500 بالكتير فيه كل الحاجات دى + مريات الضم

اما بخصوص السعر خلاص الله يرحم ايام الرخص كل العربيات غليت دى الالنترا الفئه الى فيها جنوط و abs و ايرباج ومريات ضم يعنى نفس الفئه بتاعتها بالزبط بقت بــ 152000 :crying1:

وكمان عندك السيراتو الشكل القديم زادت 3000 وكمان كل عربيات رينو زادت 3000

دى الريو الى هيا تصنيفها عربيه صغيره الهاى لاين وصل لــ 133000

ولسه الله اعلم العربيات حتروح فين الاسعار بسبب الدولار وانخفاض الجنيه امامه

تعرف انا سنة 2001 كنت جايب نوبيرا زيرو 56000 جنيه ولما الجنيه اتعوم سنة 2004 ووصل مقابل الجنيه لــ 7.25 العربيه كانت بتتباع بسعر 89000 شايف الفرق قد ايه يعنى مش بعيد لو الجنيه واصل انخفاضه نلاقى العربيه دى بــ 155000 مثلا والله اعلم واتمنى مايحصلش كده :_Alshmokh22[1]:

تحياتى

اقتباس:

---

المشاركة الأصلية كتبت بواسطة hossam_elwani

تعرف انا سنة 2001 كنت جايب نوبيرا زيرو 56000 جنيه ولما الجنيه اتعوم سنة 2004 ووصل مقابل الجنيه لــ 7.25 العربيه كانت بتتباع بسعر 89000 شايف الفرق قد ايه يعنى مش بعيد لو الجنيه واصل انخفاضه نلاقى العربيه دى بــ 155000 مثلا والله اعلم واتمنى مايحصلش كده :_Alshmokh22[1]:

تحياتى

---

ما تفكرنيييييييييييييييييش :crying1::crying1::crying1::crying1::crying1:
فى 2001
كانت البيجو 406 ب120 الف ج
بى ام 318 ب145الف ج
مرسيدس سى 180 ب160 الف ج
فيات بونتو - فولكس بولو - اوبل كورسا - سكودا فيليشيا وفابيا .... الخ من الهاتشباك ب 40 الف ج
لانوس ب 42 الف ج
سيتروين اكسارا - اوبل استرا 1.2 سيدان - بيجو 206 هاتش 58800 ج
ماروتى ب 19 الف ج
اوبل فيكترا - سكودا A4 ب85 الف ج

حسبى الله ونعم الوكيل فيك يا عاطف يا عبيد .. الله يجحمك

اقتباس:

---

المشاركة الأصلية كتبت بواسطة Youssef.Awad

ما تفكرنيييييييييييييييييش :crying1::crying1::crying1::crying1::crying1:
فى 2001
كانت البيجو 406 ب120 الف ج
بى ام 318 ب145الف ج
مرسيدس سى 180 ب160 الف ج
فيات بونتو - فولكس بولو - اوبل كورسا - سكودا فيليشيا وفابيا .... الخ من الهاتشباك ب 40 الف ج
لانوس ب 42 الف ج
سيتروين اكسارا - اوبل استرا 1.2 سيدان - بيجو 206 هاتش 58800 ج
ماروتى ب 19 الف ج
اوبل فيكترا - سكودا A4 ب85 الف ج

حسبى الله ونعم الوكيل فيك يا عاطف يا عبيد .. الله يجحمك

---

كانت ايام ومش حنشوفها تانى :angel10:

بس على فكره الاوبل فكترا اعلى فئه ايامها كانت بأكتر من 120000

اقتباس:

---

المشاركة الأصلية كتبت بواسطة hossam_elwani

كانت ايام ومش حنشوفها تانى :angel10:

بس على فكره الاوبل فكترا اعلى فئه ايامها كانت بأكتر من 120000

---

اه كانت 2000 سى سى cdx

معاومه تانى على الماشى والمعلومه دى منقوله للامانه انا مكنتش عارفها

عفشة الكروز هى عفشة الأوبل استرا (على نفس الشاسيه) ودى تورشن+Z-link أو اللى بيسموها فى الأوبل Watt-Linkage
وده Setup أوروبى معتمد فى عربيات كتير... وبيدى ثبات+راحة وكمان تكاليف أقل من الملتى-لينك!

غير التورشن بتاع السيراتو/ ألنترا الجديدة خالص, ده setup سىء جدا اسمه Coupled Torsion Beam Axle... ماينفعش يركب عليه سوست ناعمة ولا Bushing أصغر ولا مساعدين بمشوار طويل.!!
فـ بالتالى لا بيحقق راحة الركوب, ولا الثبات العالى؟؟!!! عشان محدش يقول ثبات على حساب الراحة.. هى لا كده ولا كده

اقتباس:

---

المشاركة الأصلية كتبت بواسطة hossam_elwani

معاومه تانى على الماشى والمعلومه دى منقوله للامانه انا مكنتش عارفها

عفشة الكروز هى عفشة الأوبل استرا (على نفس الشاسيه) ودى تورشن+Z-link أو اللى بيسموها فى الأوبل Watt-Linkage
وده Setup أوروبى معتمد فى عربيات كتير... وبيدى ثبات+راحة وكمان تكاليف أقل من الملتى-لينك!

غير التورشن بتاع السيراتو/ ألنترا الجديدة خالص, ده setup سىء جدا اسمه Coupled Torsion Beam Axle... ماينفعش يركب عليه سوست ناعمة ولا Bushing أصغر ولا مساعدين بمشوار طويل.!!
فـ بالتالى لا بيحقق راحة الركوب, ولا الثبات العالى؟؟!!! عشان محدش يقول ثبات على حساب الراحة.. هى لا كده ولا كده

---

الكلام دا مش فى مصر دا فى امريكا وكندا بالموتور الـ 1.8 والـ 1.4 التربو
اللى هنا Torsion Beam عادى خالص

والسيراتو مفيهاش ولا سوست ناعمة ولا bushing اصغر ولا مساعدين مشوار طويل !!!

اقتباس:

---

المشاركة الأصلية كتبت بواسطة hossam_elwani

لو اتحط عليها gps هيبقى المكان مستغل وجميل

---

بس هيحجب الرؤية عشان التابلوه عالي

اقتباس:

---

المشاركة الأصلية كتبت بواسطة mido

بس هيحجب الرؤية عشان التابلوه عالي

---

هو فى العاده gps بيبقى ملزوق على الازاز فى العالى مش فارقه كتير

بس هو في التوب لاين ولا منزلتش والشاشه دي فيها اتحكم في كل شي زي القديمه

اقتباس:

---

المشاركة الأصلية كتبت بواسطة spidars

بس هو في التوب لاين ولا منزلتش والشاشه دي فيها اتحكم في كل شي زي القديمه

---

الى حد علمى والى الان مفيش توب لاين