الموضوع: رسيفر اتش دي :)

انت كده هتكلف قد تكلفه التليفزيون نفسه. عشان تشوف صوره محترمه هتحتاج

1- قنوات HD زي باقات OSN مثلا

2- ريسيفر HD محترم في الغالب هيوماكس وفيه واحد متخصص بثق في رأيه جدا شكر في التكنوسات برضه.

3- كابل HDMI محترم ماركه Monster وأي حاجه تحت 400 جنيه هتبقى عاديه لكن فوق ال 400 هتلاقي كابلات محترمه وأنا متابعتش موديلات الكابلات دي من سنتين والا كنت نصحتك بموديل معين بس متخرجش عن المونستر لو عايز صوره ممتازه.

طبعا كابل الدش ممكن يفرق برضه يعني لو تجيبه من كابلات السويدي مثلا.

المشاركة الأصلية كتبت بواسطة deshahcoka

هههههههه الله يكرمك و يخليك يا باشا كلك ذوق والله

بص انا مش لازم اشوف صورة معدية يعني بس عاوزها احسن من المخروشة القديمة ديه

انا عندي كيبل hdmi فلبس مش وحش يعني شغال :)

باقات فكك من الموضوع ده :)

الرسيفر هوا فعلا الهيوماكس بس اعتقد دع غالي طحن ! مفيش حاجة مناسبة يعني معقولة ؟

و الكيبل الدش هوا في منه انواع كمان ؟ هوا اللفة بتبقى بكام اصلا ؟

ماهو خد بالك لو القنوات مش hd يبقى ملهاش لازمه المصاريف عشان مش هتغير حاجه لأن أصل الصوره نفسه مش قوي بس خد بالك فيه قنوات مش hd بس صورتها ممتازه زي سي بي سي والنهار وام بي سي كلها.

مش فاكر سعر الكابل بتاع السويدي بصراحه عشان شاريه من 6 شهور كده مع حاجات تانيه فالسعر جاي على بالي دلوقتي.

كنت في نفس موقفك كده من حوالي شهر والحمد لله ربنا وفقني واشتريت رسيفر اسمه ستارسات 2000 اتش دي
السعر حوالي 500 جنيه من محلات باب اللوق

الرسيفر فيه اتنين يو اس بي
واحدة بتحط فيها فلاشة والتانية بتحط فيها واي فاي أو يو اس بي مودم
ومن خلال اتصاله بالنت بيفتح باقات القنوات المشفرة كلها ماعدا الشو تايم لمدة سنة من تاريخ اول تشغيل
الجهاز طبعا فول اتش دي ومعاه الكابل بتاعه والحمد لله شغال عندي زي الفل عرض وتسجيل وكل حاجة
الظريف كمان اني موصل عليه هارد اكسترنال 640 جيجا مليان افلام وشغال زي الفل وبيفتح كل أنواع ملفات الفيديو وبيقرا ملفات الترجمة العربي كمان..

من وجهة نظري الجهاز ده صفقة ممتازة لأصحاب الميزانيات المحدودة أو اللي مش مهتمين بالفرجة عالتلفزيون أوي لدرجة انهم يدفعوا اشتراك شهري يعني.. :)

المشاركة الأصلية كتبت بواسطة Salamonti

كنت في نفس موقفك كده من حوالي شهر والحمد لله ربنا وفقني واشتريت رسيفر اسمه ستارسات 2000 اتش دي
السعر حوالي 500 جنيه من محلات باب اللوق

الرسيفر فيه اتنين يو اس بي
واحدة بتحط فيها فلاشة والتانية بتحط فيها واي فاي أو يو اس بي مودم
ومن خلال اتصاله بالنت بيفتح باقات القنوات المشفرة كلها ماعدا الشو تايم لمدة سنة من تاريخ اول تشغيل
الجهاز طبعا فول اتش دي ومعاه الكابل بتاعه والحمد لله شغال عندي زي الفل عرض وتسجيل وكل حاجة
الظريف كمان اني موصل عليه هارد اكسترنال 640 جيجا مليان افلام وشغال زي الفل وبيفتح كل أنواع ملفات الفيديو وبيقرا ملفات الترجمة العربي كمان..

من وجهة نظري الجهاز ده صفقة ممتازة لأصحاب الميزانيات المحدودة أو اللي مش مهتمين بالفرجة عالتلفزيون أوي لدرجة انهم يدفعوا اشتراك شهري يعني.. :)

حضرتك تقصد انه بيفتح الجزيره كلها و ART كلها لمده سنه وبعد كده لاء؟ طب اشمعنا سنه يعني بما انه كده كده بيفتحها بشكل غير قانوني؟ ياريت توضحلي الحته دي لو سمحت عشان مستغربها شويه وشكرا