الموضوع: 320 تجميع مصرى

مفتكرش ان شركة زى bm هيبقى فى تسيب فى التجميع و عدم رقابة زى الى بيحصل فى الفيرنا مثلا هتلاقى حد ادنى للمواصفات بتاعت اى حاجة بتتحط فى العربيه و فى الحاجات الى متأثرش على جوده العربيه ( الى هيه النسبة المحلية يعنى )

على فكره مش البى ام بس اللى بتتجمع فى مصر لكن خد عندك كمان المرسيدس و الرانجلر و الشيروكى تجميع مصرى بقالهم فتره و مؤخراً التويوتا الفورتشنر كمان يعنى لسه فى شركات كبيره بتثق فينا برضه و لا يوجد بهم عيوب تجميع و لا حاجه . بالمناسبه التجميع المصرى مش تعبان زى ما احنا فاكرين و العماله المصريه ماهره فعلا لكن ده ما يمنعش انه ممكن يبقى كارثه على الماركه طبعا إذا لم تتوافر عليه الرقابه الجامده بسبب ازمه غياب الضمير و ليس الجهل او قله الخبره زى بعض الدول التانيه و الماركات اللى انا قلت عليها دى طبعا بتحافظ على سمعتها قوى و كمان ماركات غاليه وده بيسمح انها تطبق آخر أساليب التكنولوجيا و الرقابه على الجوده و الاداره بيبقى جزء منها برضه به مدراء اجانب و دى نقطه مهمه علشان الخبره اللى نفتقدها فى المجال ده و بيبقى فيها كمان خبراء فنيين أجانب من بلادها فى المصانع بتشرف على جميع المراحل و ما بتفوتش حاجه و لا بتسيب حتى المكونات المصرى زى الزجاج و غيره تبقى تعبانه. و الله الواحد حزين و هو بيكتب الكلام ده بس مع الاسف ده الواقع و يارب يتغير و نرجع نشوف صناعه مصريه محترمه و كلمه صنع فى مصر اللى دلوقتى الواحد لما يشوفها على حاجه مع الاسف يخاف يشتريها و كأنه هيرمى فلوسه على الارض.

عن تجربه و كلام مؤكد :
كل سيارات مرسيدس و بى-ام المجمع فى مصر هو 100% مثل الالمانى فى جوده التقفيل و جوده المراقبه quality control .... و كمعلومه اضافيه الشركه الالمانى الام مشاركه فى التوكيلات و المصانع بنسب كبيره ... و دول المان و ماعندهومش هزار فى حاجه زى كده ...
تحياتى ...

المشاركة الأصلية كتبت بواسطة novo

لو قدامك ألماني يبقى أفضل طبعا
و مستحيل تيقى جودة المصري زي الألماني و الدليل لو أي حد من حضرتكوا قريب ليه عنده مرسيدس أو بي ام مجمعة محليا عدا على سنة انتاجها 10 سنوات هتلاقى الدهان ضرب....انما الألماني الدهان زي ماهوا ان شاالله عدت عشرين سنة و الدليل ال e36
طبعا المستورد أفضل

لو قدامك 320 / f30 استيراد المانى ... اعمل حسابك على 700 الف جم بالجمارك ... و الحسبه كالاتى : سعرها فى اوروبا 35 الف يورو مضروب فى 8.3 جم سعر العمله ( و طبعا حيعلى كل ما الدولار يزيد ) مضروب فى 82% جمارك مضروب فى 40% ض مبيعات .........
...
و لو على الدهان دى حاجه بسيطه ... قصاد توفير 300 الف جم :)
تحياتى ...