الموضوع: إستشارة فى بطارية

المشاركة الأصلية كتبت بواسطة mesaharaty

لقد عقدنا العزم والنية بحول الله وقوته على تغيير البطارية
والآن لدى بعض الأسئلة البسيطة بس إجابتها ضرورية :
1- لو متاح قدامى نوع بطارية بوش ألمانى 45 أمبير أركبها عادى (لأن بطاريتنا 40 أمبير بس) فهل فرق الـ 5 أمبير يعمل لنا مشكلة ؟
2- هل لو قمت أنا بخلع البطارية وتوجهت بها للمحل للشراء فيه مشكلة ولا لازم أكون رايح بالعربية ؟
3- إيه هى الطريقة الصح لنزع قطبى البطارية اللى راكبة حاليا ؟
وإن شاء الله أنا طبعا اليومين دول شغال أسعار وماركات وحاعمل لكم جدول بيها بعد ما أشترى الجديدة وأعرفكم جبت إيه وأى معلومات تفيد إن شاء الله .

موضوع تركيب بطارية امبير اعلي ممكن و طبعا بيدي وقت اطول في التفريغ
لكن يعتمد ع حاجتين اولهما مكان البطارية في الحوض
و ثانيهما و الاهم الدينامو و قدرته ع شحن ع امبير اعلي فعشان تزود لازم تعرف قدرة الدينامو و اعتقد عندكم 45 امبير و لكن الأفضل تخليك في اللي بينزل في العربية لأن لما نزلوا العربية ببطارية امبير محدد منزلتش منظر اكيد الموضوع محسوب و عارفين هم بيعلموا ايه :)

و الأفضل تروح بالعربية عشان يقيس الشحن و يكونوا مسئوليين عن البطارية من ساعة التركيب

اما عن طريقة فك البطارية بشكل آمن فك الطرف السالب اولا ثم الموجب و التركيب العكس الموجب ثم السالب لأن لو عكست او ركبت غلط في حالتك ممكن يضيع الضفيرة و الدينامو
و في العربيات الحديثة ممكن يضرب كومبيوتر العربية و الدينامو روح بالعربية احسن

و اخيرا خليك في هانكوك او فارتا او ديلكو لأن للأسف هنا ساعات بينزلوا قطع بووش مضروبة و اقربها البوجيهات :( بالرغم ان بوش صناعتها محترمة و اتمني اجد بوجيهات بوش أصلية لكن هنعمل ايه في جشع التجار و دايما خليك في التوكيل اللي هتشتريه

و في انتظار قائمة الاسعار