السلام عليكم ورحمة الله وبركاته
كل عام والجميع بألف صحة وسعادة

امبارح جيت أدور العربية - بعد حوالى 3 ايام ركنة من غير تدوير - مارضيتش تدور وبقيت سامع المارش بيحاول يلقط ولكن فشلت لأكثر من 10 مرات مثلا (أدوس بنزين مع التدوير ، أفتح الشفاط برضه مافيش فايدة) وبعد كده اضطريت أستعمل طريقة الزق ودارت الحمد لله وبعد كده برضه لسه فيه تعتيله عند التدوير وممكن ما تدورش من أول مرة وحالة التهييس دى بقالها فترة .
حالة البطارية :
بطارية الفابريكا منذ 2009 - البطارية طبعا مش جافة وساعات بيبقى موجود فوران من فتحات البطارية والموضوع ده بقاله زمان .

أولا : فى حالة الحكم على الموضوع بأنه بطارية هل ممكن أشترى البطارية وأركبها عند حد قريب من البيت ولا لازم العربية (علشان مقاس الدينامو) لأن صراحة كل المحلات اللى بتبيع بطاريات جنبى غير موثوق فيها .
ثانيا : هل فيه حد سمع عن ماركة باناسونيك تايلاندى كبطارية للماروتى ورأيكم فيها إيه ؟
مع الشكر الجزييييييييل للجميع