سيارة فى حدود 110 الف

**mabxx** · 30-12-2012 01:15 PM

بسم الله الرحمن الرحيم ... السلام عليكم يا وحوووش Nile motors

>
>
>
انا ان شاء الله مقبل على سيارة حلوة كدة ومحندقة على قدي تكون زيرو ...

وناوي على حاجة تكون نضيفة وجودة تقفيل وقطع غيار وقوة وسرعة ((لزوم الشد

))
وتستحمل جاامد علشان مشوار الجامعة بعيد شوية ... ومش فارقة مانيوال ولا اوتو ... والكماليات تكون متوفرة قدر الامكان (( زي airbag و abs و اخوه التاني ده بتاع الفرامل بردة ... الخ .... )) علما ان العربية هتقعد معايا فترة مش اقل من 10 سنين كلها فحت وبهدلة...

وبحاول على قد ما اقدر مش اعدي 110 الف... ولو في حاجة اكتر من كدة ببسييييط مش مشكلة

.
.
.
وفي الأول كنت مقرر على الــ Gen 2 بس سمعت مشاكل كتيييير عنها وخصوصا الفرامل!!!
((ولو ان موضوع التقفيل ده مش مقلقني كتير اوي يعني)) بس هيا عربية قوية جدااا
...
وبعد كدة ظهرت العربية الجميلة Sandero Stepway وزادت الحيرة عليا

بس هيا لسة جديدة في السوق المصري ... ولسة عيوبها مظهرتش... وحاسس ان ماتورها ضعيف شوية
((90 حصان بس ... الجين 2 110 حصان))
...
وفي كمان الكيا ريو الجديدة ... ونيو اكسنت RB ... والعربيتين حلوين بس فيهم مشاكل
(( الأولى بيقولو انها بتاكل بنزين ووسائل الأمان مش ولابد الا في الفئات العالية منها ... والتانية صاجها ضعيف وقوتها مش تمام أوي وسمعت انها بتسخن!!!))
...
وياريييت لو حد عندة فكرة عن عربية تانية شديييدة يضيفها معاهم دون أي تردد مع توضيح الفروق والمقارنات بينهم..
...
...
وألف شكر مقدما...

**mohamed_mesho3** · 30-12-2012 02:15 PM

الافضل فى الفئة دى كلها البرتون بيرسونا بس مع الاسف توكيلها هاينها اهانة جامدة اوى
انا لو مكانك و بالنسبة ل احتياجاتك هجيب الصنى الجديدة و هضتطر اتغاضى عن شكلها الخارجى

**egyptiandiver** · 30-12-2012 02:20 PM

Toyota Yaris 2013 - 109,000 pounds

**mabxx** · 30-12-2012 04:30 PM

المشاركة الأصلية كتبت بواسطة mohamed_mesho3

الافضل فى الفئة دى كلها البرتون بيرسونا بس مع الاسف توكيلها هاينها اهانة جامدة اوى
انا لو مكانك و بالنسبة ل احتياجاتك هجيب الصنى الجديدة و هضتطر اتغاضى عن شكلها الخارجى

ألأف شكر ليك يا باشا .... بس المشكلة ان الصيني صييني مشاكله وعيوبة مش بتنتهي...

**mabxx** · 30-12-2012 04:37 PM

المشاركة الأصلية كتبت بواسطة egyptiandiver

Toyota Yaris 2013 - 109,000 pounds

ألف شكر ليك ... أنا في فترة من حياتي قضتها في السعودية .... وجربت اغلب انواع العربيات اللي هناك
بما فيهم الياريس ... العربية كفرش داخلي حاجة فخيمة ... الماتور 1300 cc حلو بالنسبة لوزنها... المشكلة بقى انها خفيفة قوي ع الطريق ... بعد 120 بتبتدي تحدف شوية بسيطة... وواطية شوية مش ملائمة لمصر ...
ولو ركب فيها اتنين كبار ورا هتنزل شوية ... دا غير انهم مش هيحسو بالراحة أوي...مع العلم ان مواصفات الخليجي مختلفة عن المواصفات اللي بتنزل مصر ... غير كدة العربية جميييلة وتكييف روعة وابداع تويوتا ظاهر فيها وألف شكر ليك مره تانية

**Sehsss** · 30-12-2012 04:59 PM

نيسان تيدا، بس هاتزود من 5 إلى آلاف تقريبا

**mabxx** · 30-12-2012 09:25 PM

معقوووووووول 90 مشاهدة والردود قليلة ............. فين الردوووود
أفيدوني أفادكم الله

**Land_Cruiser** · 30-12-2012 09:58 PM

المشاركة الأصلية كتبت بواسطة Sehsss

نيسان تيدا، بس هاتزود من 5 إلى آلاف تقريبا

فعلا اختيار ممتاز

**Sehsss** · 31-12-2012 12:09 AM

المشاركة الأصلية كتبت بواسطة mabxx

مش معقول!!!... استاذ سحس بنفسه بيرد على موضوعي:e_braces[1]:
...
انا بشكرك على ردك ... والعربية فعلا حلوة وجبارة ... وياريت حضرتك مقارنة خفيفة توضح الاختلافات بينها وبين العربيات التانية من فئتها... ولو ان شكلها مش حلو اوي ((مجرد رأي))

يا حبيبي ربنا يباركلك.. وأنا معاك في إن شكل التيدا مش كويس، لكن أنا هاعددلك مميزاتها، "عربية واسعة جداااااااااا، مرتفعة عن الأرض، شنطتها واسعة، تقفيل محترم حتى المكسيكي، تابلوه شيك، قعدة جميلة جدا ومريحة، موتور جباااااار، فرامل جيدة جدا وإن كانت ليست بنفس قوة فرامل الصني ولكنها جيدة وبتسعف، قطع غيارها معمرة، تكييف راااااائع بمعنى الكلمة وغير مؤثر على تسارع الموتور نهائيا، باور كهرباء وبيفصل على السرعات العالية، طبعا بالإضافة إلى التوكيل المحترم"، عيبها الوحيد "إنها ثابتة لحد 140 أو 150 كيلو متر"، ورأيي الشخصي أنها الأفضل في الفئة السعرية اللي حضرتك كاتبها "طبعا دا لو تقبلت شكلها".. تحياتي، وبالتوفيق إن شاء الله