أنا محتار والله لإني عندي أسرة صغيرة بنت و ولد في الإعدادي و الإبتدائي , ومحتار علشان العربية لازم تكون عائلية و أتوماتيك وقوة الموتور 1600 وفي حدود 90000 جنيه إن شاء الله . وأنا عايش بره وراجع كمان أسبوع . ومن إمبارح ومن ساعة ما إتعرفت على موقعكم الجميل ده و أنا في حيرة من كثرة القراءة . نيسان ولا لانسر ولا إلنترا أرجوكم الوقت قرب جدا على الشراء . أتمنى أن يلقى سؤالي هذا إستحسانكم .
لانسر وانت مغمض طبعاً ومش هاتندم إن شاء الله
يليها الصني (فقط بسبب التقفيل المصري)
أما الإلنترا دي المفروض ماتتحطش مع اللانسر والصني في مقارنة
زي ما الاخ الكريم وائل عطيه قال لانسر بس متهيالي ال 1600 ازيد من 90 الف!! عموما ححاول اسالك
هيا انا شايف حاجه في اللانسر ممكن تكون ميزه و عيب في نفس الوقت
الانتتشار الرهيب دا ميزه في قطع الغيار و سهوله الصيانه لكن عيبها انها بقت كتير اوي و اي حد بيركبها مع احترامي لكل الاخوه لكن بحس انها بقت زياده اوي
مغمض مفتح الصح طبعا هو الانسراقتباس:
لو شريف المصري سمعك هتبقى مشكلهاقتباس:
أما الإلنترا دي المفروض ماتتحطش مع اللانسر والصني في مقارن
لانسر وانت مغمض طبعاً ومش هاتندم إن شاء الله
اقتباس:
الانتتشار الرهيب دا ميزه في قطع الغيار و سهوله الصيانه لكن عيبها انها بقت كتير اوي و اي حد بيركبها مع احترامي لكل الاخوه لكن بحس انها بقت زياده اوي
الانتشار ده أكبر شهاده نجاح لجوده وقوة العربية ومدى إعجاب الناس بيها ومدى وضوح إن العربية (بالنسبة ليا ) ملهاش حل اتكل على الله وصدقنى مع الانسر مش هتقدر تغمض عنيك
كريم منير بيقول لو رحت جبت لانسر خليجى من ناشيونال موتورز على 92الف
اتأكد منه من المعلومة
يا اخ اسلام انا ما شككتش بقدره العربيه لا سمح الله و لا قولت عليها حاجه وحشه بس الانتشار دا فعلا مشكله بالنسبالي يعني لو حجيبها حغير في شكلها جامد علشان تبقي مميزه .
يا حازم أنا ماقلتش إن شككت في قدراتها لأن مينفعش حد يقول عليها كده مش عشان حاجه عشان هيا عربية فعلا مالهاش حل (برضه بالنسبة ليا ) وأعتقد لكل اللي راكبينها وبعدين الواحد مابيجيبش عربيه علشان يبقى مميز إلا لو هيركب مرسيدس أو بي إم أو حاجه تانيه غير منتشره المهم عربيه أصيله وجامده وتستحمل ، وفعلا الانسر دلوقتي هي رقم 1 .
أستاذ ...وائل ... مع أحترامي لحضرتك ... حضرتك ركبت الألنترا الجديدة ... طيب ممكن تكون ركبتها ... سوقتها ...اقتباس:
أما الإلنترا دي المفروض ماتتحطش مع اللانسر والصني في مقارنة
فى الحالة دى بس هأقبل كلامك ... أما لو سيادتك ماركبتهاش ... ومسوقتهاش ... يبقى حاول تغيير ردك اللي أنت كاتبه ... يا سيدى الفاضل ... أنا ركبت الانسر حوالي 10 مرات وسوقتها مرتين(الأتوماتيك) .... ومعايا حالياً الالنترا الجديدة عامل بيها 1250 km ... حتى كتابة هذه السطور احب أقولك .... ما فيش فعلاً ... وجه للمقارنة بينها وبين أى عربية اتوماتيك أنا ركبتها... من حيث الأتي :
التسارع ... السحب ... الثبات على السرعات العالية علشان المبالغة أن جيبت 135 km/hr وما عرفتش أزود أكثر من كده علشان كان معايا المدام وبنتي ( العربية ما تهزتش مني) ... الباور بتاع الدركسييون EPS ... التكييف وتأثيرة على سحب العربية ...
على فكرة أستاذ معتز سليم ... معاه المانيوال ... وجاب بيها 170 ... وبردة منتهى الثبات ... وأنا اسف يا معتز ان كنت قولت المعلومة دى علشان تخصك ... بس بصراحة مداخلة أستاذ وائل ... أجبرتني على الرد ...
بصراحة عربية ما فيهاش غلطة ... بالأضافة للتقفيل الشيك أوى أوى ... ووسع الصالون ... مع حجم شنطة مثالي لعائلة مكونة من 4 أفراد ... وده بقى رد عن تجربة ...
وكفاية كدة ... علشان ما يحسد المال إلا أصحابه ... :D :D :D
تحياتي للجميع ....
م / حسام منير
سوء النيسان صنى او الانسر من المفترض ان الاشكال الجديدة نازلة مصر النيسان صنى الشكل الجديد 2008 موجودة خليجى فى معارض كتيير اما الانسرلسة مانزلتش بس على وشك غير ان سحبة الانسر الاوتوماتيك مش اد كدة. الالنترا شكل جديد وعربية واسعة ومريحة غير موتور 1600 121 حصان
أنا رأي اللانسر 1600
بص هي الأنترا حلوة بس سعرها الجديد مبالغ فيه جدا فأحسن حل هو الانسر
هات الأكثر إمكانيات والأقل سعراً صدقنى أى عربيه زيرو هتريحك .. وفر فلوسك الفروق قليله . :wink: :wink:
Lancer akeeeeeeeeeeeeeeed
then Elantra
we balash tefakar fe el sunny
الانترا طبعا و بدون تحيز و الله
http://www.nilemotors.net/Forum/view...er=asc&start=0
الترتيب من وجهة نظري
-لانسر و انت مغمض
2- الصني موتور احسن - بس تقفيل مصري و ده عيوبه كتيره
3-الالنترا عربيه ممتازه لأن السرعه و الثبات مش كل حاجه ان بقيم العربيه بصور عامه (استهلاك بنزين - قطع غيار - الدوام - سعر اعاده البيع - التوكيل )
لانسر بلا شك ....انا ممكن ادلك تجيب الخليجى 1600ب89 الف وضمان سنتين.....1300 بلاش منها خالص...
وبعدين الالنترا..... واخر حاجة الصنى المصرى(ابعد عن التقفيل المحلى).....
90 ألف يبقى لا تفكير فى النترا أساسا
يبقى الحل لانسر
ونستبعد النيسان
لكن لو الالنترا سعرها مثل سعر الانسر هتردد جدا لو كنت مكانك.
Lancer 2007 very good :mrgreen:
لانسر 1600 افضل
وبعد كدا الالنترا وبعد كدا الصني
يا باشمهندس حساماقتباس:
أستاذ ...وائل ... مع أحترامي لحضرتك ... حضرتك ركبت الألنترا الجديدة ... طيب ممكن تكون ركبتها ... سوقتها ...
فى الحالة دى بس هأقبل كلامك ... أما لو سيادتك ماركبتهاش ... ومسوقتهاش ... يبقى حاول تغيير ردك اللي أنت كاتبه ... يا سيدى الفاضل ... أنا ركبت الانسر حوالي 10 مرات وسوقتها مرتين(الأتوماتيك) .... ومعايا حالياً الالنترا الجديدة عامل بيها 1250 km ... حتى كتابة هذه السطور احب أقولك .... ما فيش فعلاً ... وجه للمقارنة بينها وبين أى عربية اتوماتيك أنا ركبتها... من حيث الأتي :
التسارع ... السحب ... الثبات على السرعات العالية علشان المبالغة أن جيبت 135 km/hr وما عرفتش أزود أكثر من كده علشان كان معايا المدام وبنتي ( العربية ما تهزتش مني) ... الباور بتاع الدركسييون EPS ... التكييف وتأثيرة على سحب العربية ...
على فكرة أستاذ معتز سليم ... معاه المانيوال ... وجاب بيها 170 ... وبردة منتهى الثبات ... وأنا اسف يا معتز ان كنت قولت المعلومة دى علشان تخصك ... بس بصراحة مداخلة أستاذ وائل ... أجبرتني على الرد ...
بصراحة عربية ما فيهاش غلطة ... بالأضافة للتقفيل الشيك أوى أوى ... ووسع الصالون ... مع حجم شنطة مثالي لعائلة مكونة من 4 أفراد ... وده بقى رد عن تجربة ...
وكفاية كدة ... علشان ما يحسد المال إلا أصحابه ...
تحياتي للجميع ....
م / حسام منير
دي آراء ووجهات نظر ولابد من الاختلاف والتباين فيها ..دا مش عيب أبداً
وعلى فكرة لو حضرتك راجعت الردود هاتلاقي الأغلبية كانت من رأيي وكل الناس رجحت اللانسر لأنها ماشاء الله وربنا يبارك لأصحابها فيها أصبحت زي الجنيه الدهب (طبعاً في السوق المصرية بس)
وبعدين سبب استبعادي للإلنترا هو إني لا أثق في شركة هيونداي بناءً على الفضيحة التي نُشرت عنهم بسبب التزوير في مواصفات موديلاتها وخصوصاً قوة المحرك لرفع قيمة البيع
انا بصراحة بقيت احس انا لما حد يسال على عربية اول ناس المفروض ميدخلوش الموضوع ده اللى معاهم العربية دى (مع ان المفروض العكس)
الراجل داخل يسال على عربية الافضل ليه حندخل فى خناقة بين مؤيدى اللانسر والالنترا والراجل حيتوه فى النص
الراجل عنده ظروف معينة نعرفها ونرد على اساسها يعنى لو مثلا (بقول مثلا علشان مدخلش فى جدال) لو اللالنترا اكثر ثبات على السرعات العالية ممكن متكونش حاجة مهمة بالنسبة له لانه مش حيسوق على سرعات عالية اصلا (معاه اولاد واكيد سنه مش صغير)
ممكن تكون حتفرق معاه سعر اعادة البيع مثلا اكتر (يبقى الالنترا باى باى)
ممكن متكونش بتفرق معاه الشكل والتميز اوى
ممكن ميكونش بيفرق معاه التوكيل
حسب ظروفه هو ايه مش حسب انا معايا عربية ايه (ونقولك من غير تحيز أومال تعريف التحيز ايه لما ده ميبقاش تحيز)
وعلشان نريح نفسينا
يجماعة الالنترا احسن عربية فى العالم كله
يجماعة التانيين اللانسر احسن عربية فى العالم
ولو فى جماعة تالتين مويدين للصنى فالصنى احسن عربية فى العالم
برافو- يا استاذ احمد رد فعلا يعبر عن الواقع الموجود (مع الاسف )
الراجل فعلا بيسال سؤال لأنه ( محتاااااااااااااااااااااا ااااااااار ) المفروض نساعدة مش نخليه محتار اكثر - حرام عليكم انا كنت زيه كده من ايام والحمد لله ربنا وفقنى للاختيار المناسب والحمد لله سعيد بيه :lol: :lol: :lol:
وياريت محدش يزعل منى :D
واضح يا أستاذ أحمد إنك لم تقرأ الموضوع كويساقتباس:
انا بصراحة بقيت احس انا لما حد يسال على عربية اول ناس المفروض ميدخلوش الموضوع ده اللى معاهم العربية دى (مع ان المفروض العكس)
أنا أعطيت رأيي وأنا مش من أصحاب أي نوع من التلاتة اللي الأخ صاحب الموضوع بيفاضل بينهم
يا أستاذ وائل ... الأختلاف فى الرأى لا يفسد للود قضية ... سيادتك تقول الألنترا أنا جربتها ولقيتها عربية وحشة ... نقول ماش رأيه ... لكن أنا أعتراضي ... كان أن الرأى جة بطريقة مستفزة ... وبدون تجربة ... يعني لما حبيت أقيم الأسبيرانزا ... مع كل اللي أحنا سامعينة من مشاكل ... لم أشترك ولم أتدخل فى تقييمي لهذه السيارة ... إلا بعد ما ركبتها فعلياً ... يعني أزاى أقييم عربية أنا شفتها ماشية فى الشارع ... أو أتفرجت على صالونها من برة وهيا راكنة ... لكن بعد ما ركبتها عملت تقييم عنها وحطيته - لو سيادتك كنت قريته - فى منتدى الاسبيرنزا .... وكان تقييم عادل من وجهة نظري ... مع اعتبار أني عندى شوية خبرة على قدى في مجال السيارات .... هوه ده اللي زعلني ...اقتباس:
دي آراء ووجهات نظر ولابد من الاختلاف والتباين فيها ..دا مش عيب أبداً
مع العلم لو سيادتك تأخد بقالك ... أنا لم أقول ... أنا الانسر عربية وحشة ... بل على العكس ... أنا بأقول أن الانسر ال 1600cc عربية فوق الممتازة ... وأنا سوقتها مرتين ... ولكن حبيت أوضح أن الالنترا لا تقل عنها كفاءة ... وكمان شكل أحسن من الانسر وأجدد ... وهو ده اللي انا بناءاً عليه اخترتها ... وكان أمامي الانسر أعلى موديل ال SAM واللون اللي أنا عايزة ... وتقريباً بنفس السعر بتاع الألنترا ... وأخترت الأنترا عن أقتناع ... أن هيا دى العربية اللي تناسب متطالباتي ...
أسف للأطالة ... وتحياتي للجميع ...
م / حسام منير
يعني إيه حرام عليكوا هو المفروض مش طلب النصيحه إحنا كل واحد قال رأيه من واقع العربية اللي هو راكبها علشان جربها فقال رأيه وخلاص وصاحب الموضوع حر يختار اللي هو عايزه هو حد فينا هيزيد ولا هيقل لما يركب زي عربيتي مثلا ؟ ديه أراء شخصية هو طلبها مننا وقلنا وخلاص والقرار ليه هو المفروض إنه ينزل يجرب ديه وديه وغيرها لغايه لما يقتنع .اقتباس:
المفروض نساعدة مش نخليه محتار اكثر - حرام عليكم انا كنت زيه كده من ايام والحمد لله ربنا وفقنى للاختيار المناسب والحمد لله سعيد بيه
وياريت محدش يزعل منى
أشكرك على هذااقتباس:
كان أن الرأى جة بطريقة مستفزة ... وبدون تجربة
لا إله إلا أنت سبحانك إني كنت من الظالمين
أستاذ tarek3elmasry
لن أطيل عليك فى كلامى لأننى بالطبع سأكون متحيز للألنترا لأنها معى منذ ديسمبر 2006 و على فكره أنا كنت فى نفس حيرتك ... بس الحمد لله ربنا وفقنى للألنترا ...
أرجوا منك قراءة الموضوع التالى كتبه أخى حسام
مقارنه بين الإلنترا و اللانسر
أخىحسامدىعربيتكوأنتتقولعنهااللىأنتعايزه
ياعم وائل انا مقصدش حد معين ولا حتى اقصد الموضوع ده بالذات علشان محدش يزعل
انا بتكلم على حاجة عامة الواحد ملاحظها
التعصب بقى جامد جدا وقليلين جدا جدا جدا اللى بيبعدوا عن التحيز
دا انا بقت ملاحظ ان التعصب مبقاش للماركة بس لا ده بقى للصناعة كلها
يعنى ناس متعصبة لليابانى فتدخل تنقض العربية فقط لانها كورى
يقوم ناس تانية تدافع عن العربية وخلاص مع انهم ميعروفهاش ولا جربوها لكن بس معاهم كورى بس ماركة تانية وهكذا دواليبك دواليك
ايون يا معاذ متاكد من المعلومةاقتباس:
المشاركة الأصلية كتبت بواسطة معاذ الشرباصى
لانسر اتوماتيك كلاسيك ب 92 الف
ومانيوال 89 الف-كلاسيك بدون افتكاسات
فتحة سقف وعتب وجنوط ووووووو
اي حاجة من دول بتزودها فلوس
لكن فول اوبشن تكييف وباور وسنتر وريموت والكماليات المعتادة
واهم حاجة عند ناشيونا ضمان 3 سنين ضد عيوب الصناعة
===========اقتباس:
المشاركة الأصلية كتبت بواسطة karim_monir
استاذ طارق انت محتار
لكن رايي انت اللي هاتحدد بناء علي متطلباتك
لو عايز وسع يبقي الترتيب كالاتي : النترا-لانسر-صني
لو موتور وتسارع وثبات علي السرعات(اتوماتيك) :النترا-صني-لانسر
لو جودة تقفيل وخامات : لانسر-النترا-صني
لوسعر اعادة بيع: لانسر-صني-النترا
لو عمر افتراضي : صني-لانسر-النترا
لو شياكة وشكل حديث : النترا- (مرتبة واحدة للصني واللانسر)
لو توكيل يبقي: صني -لانسر-النترا
لو سعر قطع غيار(مش بتكلم في معمرة ولا لاء): لانسر-النترا-صني
دول ثماني نقاط اختار ترتيب الافضلية حسب اولوياتك
لكن نصيحة لو مش هاتبيع قريب لازم تحط الدايهاتسو الماتيريا في الحسبان لانها رائعة كما وكيف وسعرا وتوكيلا واداءا
ولا يعيبها سوي شكلها الجديد الجريئ حبتين
ربنا يوفقك
كل كلام كريم ممتاز, ممكن اختلف بس في سعر قطع الغيار لان الصني ارخصهم مش العكس
او انا فهمت الترتيب غلط
انا كنت في نفس الحيرة مع بابا
و شفنا و ركبنا كله
و الحمد لله استقرينا على الصني
الصني تديني ايه
برستيج و شكلها عاجب بابا اكتر من الالنترا (عيالي من وجهة نظره)و اللانسر (مرطرطة)
موتور قوي و ناجح و جير بوكس ناعم و ممتاز
ثبات افضل من اللانسر و يوازي الالانترا
ارخص من الجوز ب 8 او 10 الاف
التقفيل الخارجي ممتاز فعلا
الداخلي فيه عيوب بس لا توازي ال 8 الاف دول و الدنيا حسابات طبعا
يعني بلاستك التابلوه مش نمرة واحد و الكاسيت عيان شوية هو و السماعات
غير كده كله في المعقول
الصاج .... احسنهم
قطع الغيار ارخصهم زي مانا قلت
العربية عليها سحب رهيب من يوم ما نزلو الاسعار شوية
وقفت نص اللي سايقينها شكرو فيها
العيب الوحيد الممل هو انها واطية
و بتحك في المطبات
بس ده مش بعيد اوي عن اللانسر
و يمكن الالانترا تكسب هنا
بس كده
بصوا ياجماعة كريم عمل أيه ...
كل"لو" من بتاعت كريم هنعتبر الأجابة الأولى عليها ب 3 نقاط ، والأجابة الثانية ب 2 نقطة والأجابة الثالثة ب نقطة واحدة فقط ...
هو حط ثمانية "لو" وجاءات الأجابات كالتالي :
(1)
اقتباس:
لو عايز وسع يبقي الترتيب كالاتي : النترا-لانسر-صني
الألنترا =3 ... لانسر =2 ... صني =1
(2)
اقتباس:
لو موتور وتسارع وثبات علي السرعات(اتوماتيك) :النترا-صني-لانسر
الالنترا=3 ... صني =2 ... لانسر =1
(3)
اقتباس:
لو جودة تقفيل وخامات : لانسر-النترا-صني
لانسر =3 ... الالنترا =2 ... صني =1
(4)
اقتباس:
لوسعر اعادة بيع: لانسر-صني-النترا
لانسر =3 ... صني =2 ...الالنترا =1
(5)
اقتباس:
لو عمر افتراضي : صني-لانسر-النترا
صني =3 ... لانسر =2 ... الالتنرا =1
(6)
اقتباس:
لو شياكة وشكل حديث : النترا- (مرتبة واحدة للصني واللانسر)
الالنترا =3 ... صني =2 ... لانسر =2
(7)
اقتباس:
لو توكيل يبقي: صني -لانسر-النترا
صني =3 ... لانسر =2 ... الالنترا =1
(8
اقتباس:
لو سعر قطع غيار(مش بتكلم في معمرة ولا لاء): لانسر-النترا-صني
لانسر =3 ... الالنترا =2 ... صني =1
وتكون النتيجة كالأتي :
1- الانسر تحصل على 18 نقطة من 24
2- الالنترا تحصل على 16 نقطة من 24
3- الصني تحصل على 15 نقطة من 24
وعلشان كده طبعاً كريم جاب... تويوتا كرولا .... :wink: :wink:
بجد ... كدة الانسر تفوز بحسبة كريم ... بس أحب أيضاً أسجل أعتراضي على الأتي :
"لو" رقم (3) ... فى جودة التقفيل ... الانسر زى الالنترا بالضبط ...
"لو" رقم (7) ... غبور توكيل مش وحش وأتظلم لما أتحط فى الأخر (ذيل القائمة) وهو بيبيع فى السنة 28 % من حجم مبيعات السيارات فى مصر والسنة اللي فاتت بايع 30% من حجم السوق ...
وكل مسابقة كريمية ( نسبة إلى كريم منير) وانتوا طيبين ...بس كريم نسي يقول على الجوايز .... هو يقولكم بقى ...
ألف مبروك يا كريم مرة تانية على الكرولا ...
تحياتي للجميع ...
م/ حسام منير
Driver.....says...Lancer
اقتباس:
وتكون النتيجة كالأتي :
1- الانسر تحصل على 18 نقطة من 24
2- الالنترا تحصل على 16 نقطة من 24
3- الصني تحصل على 15 نقطة من 24
يا ريت يا باشمهندس كريم تنقل المشاركة إلى المنتدى العام ... علشان أكيد المنتدى الأجتماعي ليس مكانها المناسب ...
تحياتي للجميع ...
م/ حسام منير
انا ما ظلمتش الالنترا والله يا حسام لاني في حاجات في تقفيلها معجبتنيشاقتباس:
المشاركة الأصلية كتبت بواسطة Hossam Mounir
وتصدق بقي ان في حاجات في تقفيل الكرولا ماعجبتنيشمنهم شطفة الباب من فوق
بس انا لما قولت التشطيب كان عشان كذا نقطة وخاصة لما تشيل فرش الشنطة وشوية حاجات كدة بس الالنترا تكسب مثلا في شياكة وتقفيل الحوض بس دي ماتهمش المستهلك كتير
اما غبور بقي انا شوفت منه الامرين فعلا فعي عربيتين يخصوني وحوالي 10 بتوع اصحابي
لدرجة انهم كنوا بيخادوني معاهم كل صيانة عشان اتخانقلهم لو مارضيوش يركبوا حاجات في الصيانة
انا مش بقول وحش قوي بس المركزية وحشة قوي قوي
لازم اي تغيير يبقي في قليوب او ابو رواش مش عند مراكز الصيانة المعتمدة
وطبعا انا حكيت قبل كدة عن العربية اللي بعد ما خرجت من الضمان لقيناها مفيهاش فلتر تكييف وهما كانوا بياوحو معانا انها فيها
اما عن الكرولا هيا حاجة تانية يا حسام بس سحبها طبعا مش عاجبني خاصة ان الريو كان سحبها طلقة
بس تكييف ووسع واعادة بيع وشوية حاجات خلاها تعدي ال 20 في الاسكور
وانا مرضيتش اكتب الاسكور دي احسن حد يقولي احنا تهنا
بس الله ينور عليك
اما الجايزة بقي ان احنا شوفناك منورنا في المشاركة دي
:) :) :) [/
===========
تم النقل للمنتدي العام بمعرفتي لعدم مناسبتة للمنتدي الاجتماعي
منتهى الأمانة ... والموضوعية ...اقتباس:
وتصدق بقي ان في حاجات في تقفيل الكرولا ماعجبتنيشمنهم شطفة الباب من فوق
أشكرك على الإطراء ... وأشكرك على أستجابتك لنقل المشاركة من الأجتماعي إلى العام ...اقتباس:
اما الجايزة بقي ان احنا شوفناك منورنا في المشاركة دي
والمنتدى منور بأصحابه ...
تحياتي للجميع ...
م/ حسام منير
استاذ طارق زي ما انت شايف كل واحد له راي مختلف عن الاخر البعض يستدل بالارقام والاسلوب العلمي في ابداء رايه الخاص والبعض الاخر يستند الي واقع السوق و قوه او ضعف الطلب علي سياره ليرشحها اما البعض الاخر فانه مع الاغلبيه ان قالوا لانسر فهو منهم وان هتفو للالنترا فلا باس عموما ياسيدي مش هتلاقي واحد عنده لانسر وبيقول لك اشتري صني او العكس لان كل واحد فينا مقتنع تماما ان السياره اللي معاه ما فيش احسن منها والا ما كنش اشتراها انا هاكلمك عن نفسي وبالمناسبه انا مغترب زيك انا عندي كورولا 2007 1800 سي سي فول اوبشن ومع ذلك عجبتني جدا الالنترا لما ركبتها من جميع النواحي وبالفعل اشتريتها من كام يوم ومش عاوز اقولك اني باستريح في صالونها وقيادتها اكتر من الكورولا مع العلم انهم الاتنين اوتوماتيك في نفس الوقت انا ركبت الصني واللانسر وبصراحه عربيات هايله برده.فبالاضافه للي قالوه الاخوه الافاضل من محدداتك لشراء سياره كسعر قطع الغيار ومعدل استهلاك الوقود وسهوله اعاده البيع وامكانيات السياره الفنيه يبقي جانب نفسي زي ساعات ما تشوف واحده وتعجبك وتفضلها غلي غيرها من البنات رغم انها مش الاحلي وتقرر ترتبط بها اهي العربيات كده بالظبط.......... توكل علي الله واشتري دايهاتسو .......تحياتي