المشاركة الأصلية كتبت بواسطة Ahmed A.Maksoud
أنا عن نفسي مش معترض على رفع الدعم عن الوقود بس بشروط
1- رفع الجمارك عن العربيات..............يعني العربية سعرها برة 100 ألف جم أشتريها ب 100 ألف جم مش ب 200 أو 250 ألف.............لأن السبب الرئيسي لفرض جمارك عالية على العربيات هو أن الوقود مدعم..............هتشيلوا الدعم..............شيلوا الجمارك........مش دى برضه عدالة المفروض تحقيقها ؟
2- أشوف نتيجة لرفع الدعم فى مختلف الخدمات من تعليم و صحة و مرافق الخ...........مش الدعم يترفع و نفضل زي ما أحنا.........و مش عاوز أشوف نتيجة قريب..........خلال 3 أو 4 سنين......بس يكون فيه مؤشرات برضه.
3- عاوز أمشي فى الشارع مطمن أني مش هلبس مطب ولا حفرة تخليني أدفع دم قلبي فى تصليح العربية..........مش هبقى بدفع جمارك و بنزين غير مدعم و بصلح العربية علشان الشوارع الزبالة.
4- عاوز أعانة بطالة للناس اللى مش لاقية شغل............زي أغلب الدول المحترمة.
5- و أخيراً عاوز لما أروح مشوار ملاقيش الطريق واقف و يخليني أستهلك بنزين أضعاف اللى أنا المفروض أستهلكة و بدفع فلوسه من جيبي و بدون دعم.
مش عاوز كل الحاجات دي أشوفها دلوقتي.........بس على الأقل أحس أن فيه تغيير جاي.