صوت فى نيو صنى هيجننى

**bebo382** · 31-12-2012 09:09 PM

روح خاليهم يحطوا كاويتش (هما عارفينه ).. ده متاح الان بعد ما جابوه من بره !!

**the_air_devil** · 31-12-2012 09:14 PM

حاجة مفكوكة وبتعمل صوت قدام ... الحاجات اللي في الموتور وتحت الكبوت مش هاتعمل صوت لو مفكوكة غالباً ...

1- اتأكد ان نمرة العربية الأمامية مربوطة كويس

2- اتأكد ان الشبكة الأمامية مربوطة كويس

3- حد سند جامد على الكبوت وطبق حتة من قدام أو خلى فيه رواحة بين مفتاح الكبوت والكبوت

4- شوف كاوتش البربريز الأمامي مقفل كويس ولا لأ علشان ده عيب عام في الكاوتش المصري

5- اتأكد ان الكبوت من جوة مافيهوش حتة مفكوكة تعمللك صوت

6- شيك على كل غطيان الزيت , الفرامل, قربة الرادياتير , قربة مياه المساحات, شوفهم لو مفكوكين ممكن يعملولك صوت بس ده هايكون خفيف, وكذلك على وضع مقاس الزيت

7- شيك على ان كل حاجة متصلة بالموتور مربوطة صح , هزها بإيدك وشوف لما تضغط على العربية والكبوت مفتوح هايجيلك صوت منين.... ممكن تكون جسم غريب دخل غرفة المحرك وبيعمل الصوت ... انا مرة لقيت مشبك غسيل !!!

ان شاء الله ماتلاقيش حاجة كبيرة هاتكون بسيطة بإذن الله , وياريت تطمنا لما تعرف

**Dr.M_baz** · 31-12-2012 10:13 PM

غالبا الصوت ده هيطلع تيل الفرامل بيلق في مكانه نتيجة ضعف في الكاليبر إللي ماسكه أو التيل خفيف.
عشان تتأكد شوف في المطبات و أنت دايس فرامل لو الصوت بيختفي أو بيقل يبقى هي أكيد لو فضل زي ما هو يبقى حاجه تانيه.

**malta** · 31-12-2012 10:48 PM

متشكر اوى على الردود و الاقتراحات ان شاء الله هاشوف الحاجات اللى قولتولى عليها و اقولكم ان شاء الله بس بمناسبة تيل الفرامل انا من يومين كدة و انا دايس على الفرامل و برجع لورا حسيت بالدواسة سايبه يعنى دايس على الاخر و مفيش مقاومة و بعدين مسكت تانى الحكاية دى حصلت مرتين فى نفس اليوم ممكن يكون لها علاقة بالصوت ده ولا ايه معلش تعبتكوا معايا بس الاعتماد الحقيقى على الله و عليكم بجد

**د. علاء ابراهيم** · 01-01-2013 03:33 PM

اعتقد العفشة ما اتربطتش كويس

فى صيانة ال 5000 حسيت بشىء مشابه و راح بعد التربيط الجيد و بعد الفين كيلو بدا يرجع تانى

**limo81** · 01-01-2013 03:46 PM

بص تحت الكراسي و شيل كل حاجه من التابلوه

+11111

**bebo382** · 07-02-2013 02:28 PM

في حاجة اسمها كاوتشة المساعدين

**lover424348** · 11-02-2013 04:07 PM

شوف جهاز الفرامل ممكن يكون مش متثبت كويس و يعملك احلا خبط تجط

**malta** · 11-02-2013 09:36 PM

ما المقصود بجهاز الفرامل؟

**mohamed halim** · 13-02-2013 12:37 PM

سلاموا عليكم انا كنت عامل مشاركة بخصوص تزيق الفرامل علي الهادي ممكن تتدخل علي اللينك
http://www.nilemotors.net/Nile/33171...post3874767672

الموضوع: صوت فى نيو صنى هيجننى

LinkBack

أدوات الموضوع

عرض

-

-

-

المواضيع المتشابهه

التكييف هيجننى

سؤال هيجننى؟؟؟

الهوا هيجننى

صوت طقه هيجننى فى الالنترا

الكلمات الدلالية لهذا الموضوع

المفضلات

المفضلات

ضوابط المشاركة