المشاركة الأصلية كتبت بواسطة arwah
الف شكر لاخواني الاعزاء على الردود اللي حاسس فيها الحرص على النصيحه وفعلا انا قربت ارجع في كلامي واشتري الكارته وربما عدلت عن حتى شراء الكارته واهي العربيه شغاله والكارته الحمد لله مش بتحتاج لتسخين زي كارتة العربيه الاصلي في الشتاء زي ما سمعت في موضوع وردوده قبل كده في المنتدى ده وانا بصدد الان عمل اصلاح للعفشه والنهارده حنزل اجيب مع العفشجي اسكاترا لانها تقيله جدا واكتشفت انه كان معمولها اصلاح قبل كده وربما تكون السبب في تقل الباور او افساده بالكليه وحاجيب مع الاسكاترا جوز مساعدين قدام وبطاحاتهم وجوز مقصات افضل من اني اعمل الجلب لاني كنت عاملهم جلب قبل كده وساوافيكم لاحقا بالاسعار والمصنعيه .....لكن يبقى سؤال لاخي العزيز هوجان والاخوه الكرام..الا وهو موتور الجولف 3 هل بييجي كامل بمشتملاته وخاصة طرمبة الباور وهل بيكون معاه ضفيرته والكنترول وهل هو انجكشن ولا لأ وكم صباب وكامه ولا اتنين وسعره في حدود كام وحدود كام مصنعية تسقيطه....معلهش انا طولت عليك في الاسئله بس انا مش حبيع العربيه لاني حاببها فميهمنيش تغيير الموتور المهم مصلحة العربيه.. ولو تعرف حد عمل كده ياريت تسالهولي العربيه كعربيه كشغل وسفر مش كتجاره كسبت ولا خسرت يعني العربيه احسن ولا اسوا ويبقى ربنا يرضى عنكم لو جمعتم المعلومات دي قبل الفحص في شهر 8 /2013