أنا شخصيا معنديش أى خلفية بخصوص الأسعار ف الحالتين ... ولكن رأيي الشخصى هو إنك تجيب الجزء اللى محتاج يتغير ده مهما كان سعره وتحتفظ بموتور العربية الأصلي خصوصا إن تغيير الموتور بالكامل هيدخلك ف متاهات عديدة زي مثلا إختيار موتور كويس وحالته ممتازة كخطوة أولى - خطوة تسقيط الموتور عند الميكانيكي وطبعا بعد التشغيل هيكتشف بعض الأجزاء قد تكون ناقصة أو محتاجة تغيير + عمل طقم سرفيس للموتور الجديد من زيوت وسيور وخلافه - وبعد كده اثبات الموتور ع الرخصة فيما بعد - وفى النهاية عند بيع العربية هتخسر خسارتين ... خسارة سعر الموتور نفسه لما اشتريته + خسارة نزول سعر السيارة لإنها ببساطة مغيرة موتور مش بتاعها كمان !!!!!
أنا شايف إنك تتجنب كل الخساير دي وتجيب الجزء اللى بتقول عليه وتمشي بموتورك لحد ما يجيب جاااااااااااااز ... ساعتها خسارتك لا تقارن بخسارة الطرق التاني ... ف النهاية دي مجرد وجهة نظري الشخصية النابعة من تجربتي لتغيير موتور سيارتي السابقة النوبيرا اللى كلفني حوالي 6000 جنيه من مصاريف مصنعية وسرفيس وأجزاء ناقصة وسعر الموتور نفسه إستيراد وكمان المشاوير من الصنايعي لتاجر المواتير الإستيراد عشان نستبدل أجزاء تالفة او مكسورة ... الخلاصة إن الموضوع كله كان واقف بخساااااااااارة ... عشان كده أنا بقولك تتكل ع الله وخليك ف الطريق الأولاني :)
المفضلات