الغريب فعلا انه غير الى عندنا حتى فى التوب لاين 2011 غير ده وانا عربيتى 2013 وهاى لاين وبرضه غير الى فى الفيديو :fdsa:
ايه الوظايف المختلفه مابينهم بخلاف ان الشاشه هنا اكبر ؟؟
يا باشا ده زي اللي في الاسترا الجديدة بالظبط واسمه ( infotainment system ) >
وياريت تطمنا علي الاداء بالموتور الجديد السحب والفتيس وكده اخباره ايه لانه من مصدر موثوق منه ان الفتيس كمان اتغير مش الموتور بس .. وياريت لو بسرعة علشان انا كمان عايز اجيبها قبل الاسعار ماتنط تاني... ومبروك وربنا يباركلك فيها
بالنسبه للموتور والتسارع فى البدايه ولحد سرعة 60 وإن مكونتش ضاغط على الدواسه بزياده حتس انه ضعيف شويه ( وده راجع لوزن العربيه البالغ 1310كيلو ) بس بمجرد ما تعدى الــ 60 حتلاقى وحش تحت الكبوت ولما تطلبه يستجيب بسهوله وبقوه وتحس ان العربيه بتخطفك خطف الى الامام ... ولسه الحكم غير كامل لان العربيه لسه فى التليين وانا بخاف اتقل رجلى عليها
واستجابة الفتيس ممتازه وبيعرف انت عايز ايه
لا بلاش تقرص عليها براحتك خالص ..... ورأيك اتوكل علي الله فيها ولا ايه ..
حاجة تانية لو سمحت...... اخبار الفرامل ايه والعفشة والنظام الصوتي والعزل وصوت الموتور.. واسف للاطالة وهل فعلا العربية ارتفاعها عن الارض زاد .. لاني حامل هم الموضوع ده اوي... وشكرا
بالنسبه للنظام الصوتى والفرامل فوووووق الممتاز وخصوصا ان فيها abs وديسكات ورا وقدام
اما العفشه فهيا ناشفه شويه بسبب الجنط ال 17 لكن مقبوله وفى الثبات تحفه وعلى فكره انا لسه مزبطش هوا ويمكن حكمى يتغير بعد ضبط الهواء على 34
وبخصوص صوت الموتور فهو هااااااادى جدا والفتيس الست سرعات بيساعد على كده لان دايما الاربى ام مابيعديش 2.5 الا لو انت قارص على العربيه
والعزل مش محتاج كلام منى العزل فى العربيه دى بالذاات استثنائى للافضل
اما العلو من على الارض بجد مبهر لان ارتفاع العربيه بقى 16 سم (وده على النقيض تماما من موديل 2012 ) وده زى الاوبترا وانا اعتقد انها على الواقع اعلى منها كمان ومحكتش فى ولا مطب مهما على شأنه وانا ماشى على الطريق حاسس انى اعلى من كل العربيات الى فى نفس الفئه يعنى الالنترا مثلا او اللانسر بحس انهم على الارض وانا فوق شايف الطريق تمام
العربيه فى فئتها صفقه رابحه وخصوصا فى ظل ارتفاع الاسعار لكل الفئات المنافسه لها
عربيه فيها وسائل امان ايموبليزر وفرامل ديسكات و abs و 2 ايرباج وجنوط 17 وموتور نفسه الى فى الاسترا واستهلاك بنزين ممتاز يعنى الى الان تقريبا 250 فى الصفيحه وعربيه متينه صاجها محمل ومش ورق زى بعضهم وثبات فوق الوصف وشكل جبار داخليا وخارجيا
توكل على الله ومش حتندم
متشكر اوي علي سرعة الرد .... وانا صليت استخارة وتوكلت علي الله فيها
وان شاء الله قريبا احصلك علي رابطة ملاك الكروز
ليا سؤال آخر هل فيه كارتيره بتتباع استيراد لحماية الفتيس والموتور من تحت ؟؟
اعتقد ايوه لان الكارتيرة ديه تقريبا موجودة في 2011 و 2012
ودي كانت من اكتر الحاجات اللي عاجباني في الاسترا موضوع تصفيح اسفل السيارة ... يلا بقي ملناش نصيب
الخيرة فيما اختاره الله
انا معنديش كارتيره
2011
يا شباب العربية بتاخد 5 لتر زيت مش 4 او اربعة ونص زي العادي .
حضرتك متأكد من موضوع 5 لتر؟ أتأكدت أزاى؟ طب الفلتر صحيح انه مختلف عن 2012 ؟
ولو غيرت الزيت ايه أفضل نوع للكروز ؟ وشكرا للأهتمام
العربية الكروز جميلة انا عامل دلوقتى 360 كم بس حاسس ان العربية ثقيلة لغاية سرعة 60كم وبعد كده فيه استجابة للسرعة بعد 60 بس مش عايز اقرص على العربية فى البنزين لسه جديدة بتلين بس استهلاكها فى البنزين عالى يعنى انا لسه راكب العربية لوحدى ماحملتش عدد بيها ولا استخدمت التكييف حاسس ان استهلاكها فى البنزين عالى بحس ان العداد البنزين بينزل بسرعة يعنى المشوار الواحد ياكل عدد من الشرط فى تانك البنزين ياترى كل اللى معاهم الكروز موديل 2013 و2014 كده ولا ايه ولا لسه العربية جديدة بتاكل بنزين وبعد كده حاتضبط برجاء الافادة ملحوظة انا كل ده سرعة العداد لغاية 80 و90 مازودتش عن كده يعنى لو بعد كده فتحت فى السؤعات حا تعمل ايه فى استهلاك البنزين
انا عامل تقرير عن الاستهلاك علي رابطة ملاك الكروز
هتلاقي فيه الاستهلاك عند كل السرعات
فعلا استهلاكها عالي بتفكرني بالبولونيز
عاوز اشتري كروز 2015 هل تنصحون بها وقطع الغيار متوفرة وفي متناول اليد
واخبار التوكيل بتاعها كويس ولا تعبان
ممتازه فى فئتها السعريه وخصوصا بعد اضافة esp وكمان بعد الشكل الجديد من بره وجوه
اهلا بيك
https://www.facebook.com/groups/3023...?ref=bookmarks