أولا العربية بتاعة والدى مش أنا اللى بسوقها
الموضوع بدأ فجأة و العربية ماشية عادى فبطلت ومردتش تدور , جبنا ميكانيكى وشافها وغير حساس الكرنك واشتغلت بعد كده تمام
بعدها بفترة عملتها تانى و المرة دى الميكانيكى قال العيب فى الكارته (ecu) ,و الحل انها تتغير
فكان بيفصل الكارته ويحطها تانى العربية تدور وتبقى زى الفل وتمشى عادى بس تانى يوم متدورش او ممكن تمشى شوية بتاع نص كيلو وتقف تانى

فجبنا واحد بتاع كارتات وكشف عليها بجهاز معاه وخدها معاه عشان يجيب كارته تانية وينقل السوفت وير بتاع دى عليها لان كل عربية وليها السوفت وير و التشفير بتاعها للecu , فقال ان كارتات الرينو من اغلس الكارتات وشغلها مقرف و بياخد وقت فقعدت عنده يومين 3 ومكنش فاضى فرجعها وقال انا نظفتها و جربوها تانى عشان احتمال يكون العيب مش منها , فعلا خدناها وجربنا والعربية دارت وشغالة زى الفل
بس تانى يوم :( مبتنطقش و روحنا لواحد تانى كان شغال فى توكيل رينو و العربية عنده بقالها فترة عشان الجهاز اللى بيكشف بيه بايظ !! :(

كنت عايز اعرف المشكلة دى فعلا من ال ecu و ايه سببها ولو مش منها يبقى من ايه ؟؟ ولو اتغيرت اسعارها ايه ؟؟ مع العلم ان بتاع الكارتات لما كشف عليها قالنا دى متغيرة ومش بتاعتها الاصلية

العربية معانا من شهر 3 اللى فات يعنى بقالها 9 شهور ومحصلش حاجه منها قبل كده

اسف على الإطالة بس حبيت اوصف المشكلة بالظبط وارجو لو حد مر بالكلام ده يقولنا

شكراً