السلام عليكم جميعا
من حوالي تلت اسابيع او زياده شويه كده كنت بركن العربيه ادام محل هنا في سويسرا في زيورخ و بعدين قفلتها بالريموت و دخلت اشتريت حاجات من المحل و طلعت و لقيت الاي باد اتسرق من العربيه و المحفظه بتاعتي كمان. طبعا ذهلت عشان العربيه الازاز بتاعها سليم و مش مكسور و لا في اي خدوش في الباب و بعدين لما بلغت البوليس و كده قالولي ان فيه جهاز جديد بيعطل الريموت بتاع العربيه يعني انت لما تيجي تدوس علي الريموت و تقفل العربيه هو بيكون واقف في مكان قريب منك و بيدوس في نفس اللحظه علي الجهاز اللي معاه و بيعطل عمل الريموت بتاعك و انت تفتكر ان العربيه اتقفلت و تمشي في حين ان العربيه لسه مفتوحه و طبعا الجهاز ده موجود هنا يبقي اكيد زمانه في مصر او عالاقل نازل مصر قريب. عشان كده لما تقفل العربيه بالريموت اتاكد ان الباب فعلا مقفول.
ربنا يسترها علي الجميع.
المفضلات