ازاى اروح من بورسعيد لشرم الشيخ

**freeman207** · 31-12-2012 01:22 PM

السلام عليكم ورحمة الله وبركاته

طبعا انا محتج مساعدتكم وعارف ان مفيش حد هيبخل عليا بمعلوماته
عايز اعرف اروح شرم الشيخ من بورسعيد ازاى بالتفصيل لانى عايز اخد مراتى وعيالى افسحهم فسحة صح لان جالنا اكتئاب من الروتين وملل من كل حاجة ربنا يبعد عنكوا كل حاجة وحش

تانى حاجة عايز انزل فى مكان كويس بحيث نستمتع ونقضى وقت كويس لمدة يومين
وعايز اعرف اخد ايه وانا رايح لانى سمعت الحاجة غالية هناك
بالله عليكوا ساعدونى وانا عارف انى بتقل عليكم

**freeman207** · 31-12-2012 09:25 PM

26 مشاهدة ومفيش حد عارف

انتوا اكيد عايزنى اثبت على الطريق ههههههههه

**h_shahin** · 01-01-2013 12:09 AM

الطريق من بورسعيد لشرم سهل ان شاء الله
هتطلع من بورسعيد للقنطرة و بعد القنطرة هتلاقى كوبرى السلام تطلع كوبرى السلام هتبقى فى سيناء
تاخد طريق نخل و من نخل تاخد طريق نويبع و منها لشرم الشيخ
يفضل السفر مبكرا بالنهار علشان الطريق منعدم الخدمات تقريبا و معظمه مفرد
و تكون حالة العربية كويسة و تزود بنزين كل اما تلاقى بنزينه علشان تبقى فى الامان
اما متطلباتك هناك فخبراء شرم الشيخ يقدروا يفيدوك اكتر منى

Sent from my X3 tab

**h_shahin** · 01-01-2013 12:47 AM

ممكن برضه تطلع من بورسعيد للاسماعيلية و منها لطريق السويس و قبل السويس بحوالى ١٠ كيلو تقريبا هتلاقى نفق الشهيد عتنزل منه و تطلع تبقى فى سيناء تاخد طريق النفق - نخل و بعدين من نخل تاخد طريق نويبع و بعدين من نويبع لشرم
فيه طريق تالت لكن اطول بكتير و هو من النفق بتاخد طريق راس سدر الطور و من الطور لشرم الشيخ

Sent from my X3 tab

**freeman207** · 01-01-2013 11:15 AM

المشاركة الأصلية كتبت بواسطة h_shahin

الطريق من بورسعيد لشرم سهل ان شاء الله
هتطلع من بورسعيد للقنطرة و بعد القنطرة هتلاقى كوبرى السلام تطلع كوبرى السلام هتبقى فى سيناء
تاخد طريق نخل و من نخل تاخد طريق نويبع و منها لشرم الشيخ
يفضل السفر مبكرا بالنهار علشان الطريق منعدم الخدمات تقريبا و معظمه مفرد
و تكون حالة العربية كويسة و تزود بنزين كل اما تلاقى بنزينه علشان تبقى فى الامان
اما متطلباتك هناك فخبراء شرم الشيخ يقدروا يفيدوك اكتر منى

sent from my x3 tab

تسلم ايدك واسف لتعبك سؤال بس الوقت بيبقى اد ايه يعنى المشوار ده بيتاخد فى كام ساعة يعنى مش جرى عشان معايا العيلة وهل امان ولا لاء واسف مرة تانية لازعاجك

**mohamed_selim** · 01-01-2013 11:34 AM

معلش انسى الكلام اللى فوق ده .. طريق نخل فى وسط سينا كله مشاكل و هتعدى على اسوأ ملفات فى حياتك !!!
هتطلع على طيق اسماعيليه و من بعده اسماعيليه السويس و تاخد النفق زى ما الاخ وصف ... بعد النفق هتخش يمين و تخليك طوالى ... هتعدى على راس سدر (بعد راس سدر فى شوية ملفات بس مش قذره) و بعديها ابوزنيمه و ابورديس و بعديها الطور و بعديها شارم (قبل شارم شوية ملفات برضه) .... الرق بين الطريق ده و الطريق بتاع نخل حوالى 60-70 كيلو مش مستاهله مشاكل طريق نخل

فى محطات بنزين فى كل بلد هتعدى عليها (كل 100 كيلو تقريبا) بس مش شرط تلاقى فيها بنزين

بورسعيد اسماعيليه ساعه - اسماعيليه السويس ساعه - النفق لسدر 45 دقيقه - سدر لابوزنيمه \ ابورديس ساعه - ساعه للطور و ساعه لشارم يعنى حوالى 6 ساعات لو مش هتقف فى الطريق ....

طريق اسماعيليه امان و جوه سينا الطريق ده امان ... معرفش نظام اسماعيليه السويس ايه

**lanos2004** · 01-01-2013 11:54 AM

متسافرش بليل وسيبك من طريق نخل مع انه مختصر

**ahmedkhairy** · 01-01-2013 05:03 PM

بلاش طريق نخل خالص
خليك النفق - راس سدر - الطور- شرم

**h_shahin** · 01-01-2013 05:38 PM

المشاركة الأصلية كتبت بواسطة mohamed_selim

معلش انسى الكلام اللى فوق ده .. طريق نخل فى وسط سينا كله مشاكل و هتعدى على اسوأ ملفات فى حياتك !!!
هتطلع على طيق اسماعيليه و من بعده اسماعيليه السويس و تاخد النفق زى ما الاخ وصف ... بعد النفق هتخش يمين و تخليك طوالى ... هتعدى على راس سدر (بعد راس سدر فى شوية ملفات بس مش قذره) و بعديها ابوزنيمه و ابورديس و بعديها الطور و بعديها شارم (قبل شارم شوية ملفات برضه) .... الرق بين الطريق ده و الطريق بتاع نخل حوالى 60-70 كيلو مش مستاهله مشاكل طريق نخل

فى محطات بنزين فى كل بلد هتعدى عليها (كل 100 كيلو تقريبا) بس مش شرط تلاقى فيها بنزين

بورسعيد اسماعيليه ساعه - اسماعيليه السويس ساعه - النفق لسدر 45 دقيقه - سدر لابوزنيمه \ ابورديس ساعه - ساعه للطور و ساعه لشارم يعنى حوالى 6 ساعات لو مش هتقف فى الطريق ....

طريق اسماعيليه امان و جوه سينا الطريق ده امان ... معرفش نظام اسماعيليه السويس ايه

يا ريت الأسلوب يبقى أفضل من كده

حضرتك بتتكلم كإن كلامى كله هرتلة

**blazer** · 01-01-2013 05:49 PM

انا كنت مسافر على طريق شارم من نفق الشهيد احمد حمدى
طريق كويس وملفاتة مش كتير بس متاخدهاش على سرعة اعلى من 60 عشان الطريق بدرى بيبقى مزحلق من الندى
وخد بالك ان ميبقاش فيه شبورة عشان مش هتشوف كف ايدك ومش هتلاقى مكان أمان تقف فيه لحد ما الشبوره تخلص

حاول تكون متحرك بدرى على الساعه 6 الصبح

وفول عربيتك عشان لما رحت مكانش فشارم كلها بنزينة فيها بنزين ولو فيه بتلاقى طابور 20 عربية على الاقل
وطبعا تكون عربيتك مزبوطة عشان متعطلش لا قدر الله