أستاذ m.farouk في البداية أحب أحييك على اختيارك للاسترا وربنا يباركلك فيها ويكفيك شرها.
بالنسبة بأه لموضوع الزينون ... بجد هتسمع فيه فتي وهرتله للصبح واللي يؤلك مديول ألماني ولمبه صيني ومعرفش واحد تاني هيؤلك تكنولوجي ألماني ومعرفش متصنع في الصين ...
عل فكره أنا من حوالي سنتين عملت ريفيو على الزينون الفيلبس الأصلي وكنت من أوائل الناس اللي اشتروه في المنتدى وكان ب 1350 ... على فكره هو شغال ويعتبر احسن حاجه في السوق المصري بس في احسن منه
http://www.nilemotors.net/Nile/19366...rsion-kit.html
انا بعد مشتريتوا ب 6 اشهر بدأ بأه يعلق ومديول يشتغل والتاني يهنج ولمبه الواطي بتاعها يشتغل والعالي يعلق ... حاجه ذل
غير كده وكده كنت باخد دعا للصبـــــــــــــــــح زي منت عارف كشاف الكروز مسحوب وكانت بيعمل Refelection بشع يعمي كل الناس ... زهقت من مشاكل الزينون الفيلبس (اللي هو المفروض تكنولوجي ألماني متصنع في الصين) وأخر مزهقت جبت Xtreme Vision بس مش قادر أتعود عليها من بعد الزينون.
علشان كده قررت أني أنخور في الشبكة العنكبوتيه ... خصوصا ان الكروز ده تعتبر أول عربيه ليه ومكنتش أفهم في العربيات أوي ومكنتش أفهم يعني إيه كشاف بعاكس وكشاف بعدسات لدرجة أني كتير كنت لما بسوق عالمحور كنت بحب إني أبص في المرايا على زينون البي ام والمرسيدس والباسات والعربيات اللي بتيجي بزينون فبريكة.
المهم مش عايز أطول عليك اكتشفت موقع أمريكي ممتاز أسمه RetrofitSource المهم بعد لف ودوران اكتشفت ان في ناس كتير من كل انحاء العالم بيتشروا من الموقع ده. خصوصا ان كل اللي بيتباع عالموقع اوريجينال.
عزمت النيه اني احول كشاف الكروز من عاكس لكشاف بعدسة واشريت عدسة Morimoto Mini D2S والعدسة ده عالي وواطي في نفس العدسة الفكره ان العدسة هي اللي بتتحرك واشتريت لمبه فيلبس أصلي ودي زي منا بؤلك أصلييييييييييييي D2S phillips 85122+
والأهم من كده اشتريت موديولات Denso الأصليه اللي بتنزل فبريكه في اللاندكروزر والكامري واللكزس وقلت أدلع نفسي واشتري LED Halo Ring زي البي ام والضفيره اللي بتتباع تبع فولكس مش عايز أقلك حاجه كده 10 ملي لا تقلي كابلات السويدي ولا دياولو ... بس أهم حاجه انك تودي الكشاف في الحرفيين تخلي واحد فاهم يفتحلك الكشاف ويقفلهولك صح بالسيكيون بحيث يبقى فيه Perfect Sealing وشغل الكهربا توديه عندي اي كهربائي فاهم.
الميزه في العدسة ده انها مش محتاجه قطع في الكشاف ده Plug & Play بتيجي نظام قلووظ وصموله تمسكها كويس في الكشاف. مش عايز أقلك اني بعد مركبت العدسة ده حسيت إني مكنتش مركب زينون قبل كده ومش عايز أبالغ لو قلتلك ان الاضاءه بتاعة عربيتي بقت أحسن من BMW Series 5 بس الفرق ان البي ام بتيجي بنظام Adaptive مع الدركسيون لدرجة أني في مره كنت متستني واحد صحبي بليل فلقيت واحد عمال يحوم حولين العربية وبعد جه يسألني يؤلي يا باشا هو الزينون ده فبريكة ونازل بالعدسة هههههههههههه ... طبعا انا فرحت واتنفخت من جوايا خصوصا إني أنا اللي فتحت الكشاف بنفسي بالـ Heat Gun فرديت عليه وقلتله أيو يا جميل ده Special Order ههههههههههههههههههههههههه ه
المفضلات