بمناسبة أحداث 23 يوليو 1952

في خضم احتفالات الإعلام المصري بثورة يوليو السنة اللي فاتت سألت نفسي السؤال ده.. و طرحته في مدونتي والمنتديات و لقيت ناس تانية كتير في ذهنها نفس السؤال.. السؤال هو: هي ثورة يوليول بالطريقة اللي قامت بيها دي يبقى اسمها ثورة؟ و لا اسمه انقلاب عسكري او انقلاب الجيش على الحاكم و قلب نظام الحكم و تحويله من ملكي لجمهوري؟ :g:

أصل انا أفهم ان الثورة دي خاصة بالشعب.. زي الثورة الفرنسية اللي قام بيها الشعب الفرنسي.. أو ثورة الشعب ضد المستعمر زي ثورة القاهرة الأولى و الثانية ضد الاحتلال الفرنسي و ثورة 1919 ضد الاحتلال الانجليزي.. انما اللي حصل سنة 1952 ده يتسمى ثورة ليه؟.. مجرد سؤال :cool(1):

في اول الأمر كان اسمها حركة يوليو ... وده من واقع كلام الظباط الاحرار نفسهم ... ولما لقو الناس إنبسطت منها ... حبو يضفو عليها طابع شعبي ... بقى اسمه ثورة بدل حركة
وعموما ونظرا لمواضيعك المتميزة و بمناسبة الرخصة ......
انتي من الأحرار يا إنجي ... قصدي يا علا

اللي اعرفه عن الثروه ان يومها بيتعرض فيلم الايدي الناعمه الظهر و بالليل فيلم رد قلبي :) :) :)

اقتباس:

---

المشاركة الأصلية كتبت بواسطة aif

في اول الأمر كان اسمها حركة يوليو ... وده من واقع كلام الظباط الاحرار نفسهم ... ولما لقو الناس إنبسطت منها ... حبو يضفو عليها طابع شعبي ... بقى اسمه ثورة بدل حركة
وعموما ونظرا لمواضيعك المتميزة و بمناسبة الرخصة ......
انتي من الأحرار يا إنجي ... قصدي يا علا

---

صح فعلا.. المانشيتات وقتها نزلت بإن الجيش قام بحركة سلمية.. شكلهم ما كانو عارفين يسموها ايه و بعدين زي ما انت بتقول كده، عشان يضفوا عليها الصبغة الشعبية (أو الشرعية) سموها ثورة :photo:

هو انقلاب عسكرى بحت و تم تسميته بالثورة بالغلط علشان اللى بيثور و يحرك الثورة هو الشعب انما دى كدا جت معاهم بالصدفة و تم تغيير الاسم الى الحركة المباركة و بعد كده لما الشعب المضروب على دماغه و رضى بالحكم العسكرى سميت بالثورة المباركة
........................حاجة تضحك

اقتباس:

---

المشاركة الأصلية كتبت بواسطة Nile_Storm

اللي اعرفه عن الثروه ان يومها بيتعرض فيلم الايدي الناعمه الظهر و بالليل فيلم رد قلبي :) :) :)

---

كفااااااااااية اوي.. مش مطلوب منك تعرف أكتر من كده :turned:

انقلاب عسكرى
تخيلو-على حسب ما اعرف يعنى- ان من اخر اسره للفراعنه لغاية 1952 م مصر كان بيحكمها اجانب

طبعا إنقلاب عسكرى
الرأى دا قلته قبل كده وقابله البعض بعنف وإنكار شديدين

اقتباس:

---

تخيلو-على حسب ما اعرف يعنى- ان من اخر اسره للفراعنه لغاية 1952 م مصر كان بيحكمها اجانب

---

الحمد لله الفراعنة رجعوا يحكموا مصر!!!!!:chef:

اعتقد انها ثورة بك ما تحملة المعانى السامية والعادلة و الطيبة للكلمة 000 نعم كانت حركة الضباط الاحرا فى البداية وعندما قام بتأيدها الشعب وخرج لنصرتها سميت ثورة يوليو ، وطبعا انا مش عارف اية الهوجة اللى قامت اليومين دول علشان الملك والملكية 000 الا يكفينا فساداً لكى نتذكرة
واعلم ان هناك الكثير من الاخوة الذين سوف يختلفون حول مفهوم ومعنى الثورة ولكن النصيحة الوحيدة للبعض القراءة عن هذه المرحلة بأمانة وبصدق وبتجرد دون ادنى تحيز لكى تعرف الغث من السمين ، واعتقد اننا من اكثر شعوب العالم جلداً للذات ! وانكار من الماضى لمجرد الظهور فى موقف المعارض والمخالف
وهناك مقال اكثر من رائه للاستاذ والكاتب الصحفى المرحوم احمد بهاء الدين ينتقد من يجلسون على كراسى الحكم وهم اكثر من استفاد من الثورة وهم ايضا اكثر من هاجمها

اقتباس:

---

المشاركة الأصلية كتبت بواسطة Dr Ahmed

طبعا إنقلاب عسكرى
الرأى دا قلته قبل كده وقابله البعض بعنف وإنكار شديدين


الحمد لله الفراعنة رجعوا يحكموا مصر!!!!!:chef:

---

هاهاها فعلا و الله عندك حق بس ياترى دى الاسرة الكام ؟؟ و تفتكر حكمهم حايفضل اكتر من 26 سنة ؟؟ :biggrinjester:

اقتباس:

---

المشاركة الأصلية كتبت بواسطة محمد المشد

اعتقد انها ثورة بك ما تحملة المعانى السامية والعادلة و الطيبة للكلمة 000 نعم كانت حركة الضباط الاحرا فى البداية وعندما قام بتأيدها الشعب وخرج لنصرتها سميت ثورة يوليو ، وطبعا انا مش عارف اية الهوجة اللى قامت اليومين دول علشان الملك والملكية 000 الا يكفينا فساداً لكى نتذكرة
واعلم ان هناك الكثير من الاخوة الذين سوف يختلفون حول مفهوم ومعنى الثورة ولكن النصيحة الوحيدة للبعض القراءة عن هذه المرحلة بأمانة وبصدق وبتجرد دون ادنى تحيز لكى تعرف الغث من السمين ، واعتقد اننا من اكثر شعوب العالم جلداً للذات ! وانكار من الماضى لمجرد الظهور فى موقف المعارض والمخالف
وهناك مقال اكثر من رائه للاستاذ والكاتب الصحفى المرحوم احمد بهاء الدين ينتقد من يجلسون على كراسى الحكم وهم اكثر من استفاد من الثورة وهم ايضا اكثر من هاجمها

---

الشعب لو كان مين عمل كده كان برضوا حايمشوا وراه :biggrin2:
احنا بلد بتمشى مع الرايجة :biggrinjester:
و غلطة كل الاجيال السابقة انها وافقت على الحكم العسكرانى :gnorsi:

خليني ساكتة احسن عشان مطردش من المنتدى !!!:)

على فكره محمد على باشا اصله البانى وجه مصر واقام فيها قبل ما يختاروا العلماء والائمه وهو يعتبر معاه الجنسيه المصريه لانه قعد 7 سنين فى مصر قبل ما عمر مكرم ورفاقه يختاروا لحكم مصر يعنى الراجل لا حارب حد ولا قتل حد علشان يوصل للسلطه .وكلنا عارفين ان فى معظم دول العالم اللى يقيم ويعيش فى دوله من 4 او 5 سنين يأخد جنسيتها واحنا بس اللى بنقول على موضوع ان محمد على واسرته مش مصريين مع ان الفرنسيين مبيقلوش ان نابليون مش فرنسى مع انه مش مولود فى فرنسا ولا اى من مستعمراتها ومولود فى جزيزه جنب فرنسا لا تتبع فرنسا ولا الالمان بيقولوا على هتلر انه مش المانى مع انه من جذور نمساويه واوباما اللى جده كينى هل حد قال عليه انه مش امريكى حتى منافسيه مقالوش كده و بعدين محمد على هو اللى بنى مصر الحديثه وعمل جيش لمصر هزم جيش الدوله العثمانيه وهو اللى ارسل البعثات وعمل الكليات وكمان لما انفصلنا عن الدوله العثمانيه فى 1918لحد قيام حركه 52 كننا فعلا احسن دوله فى افريقيا كلها واسيا بعد اليابان وكان عندنا وقت الحرب العالميه الثانيه اقوى تانى بورصه فى العالم بعد امريكا ومع اننا كنا لا نملك قناه السويس كنا نصرف على السودان وعلى المملكه العربيه السعوديه مع بدايه نشأتها وطبعا مش هفكركم ان الجنيه المصرى كان ب 5 دولار و3 جنيه استرلينى اى ما يعادل 33 جنيه من بتوع الايام ده انا طبعا منكرش ان ايام الملك فاروق كان فيه عيوب بالذات الخمره كانت زى البيبسى والرقصات كانت حاجه عاديه بس كنا من الغنى ان البار مان كان سويسرى عارفين يعنى ايه سويسرى اللى هو دلوقتى اعلى متوسط دخل للفرد فى العالم ولا الاجانب اللى كانوا بيشتغلوا عندنا فى مصر لان عملتنا كانت اقوى عمله ولا كان حد عاوز يطفش ويسيب البلد ولا ناس بتنتحر علشان العيشه والثانويه العامه وبالمناسبه اللى وضع النظام الفاشل بتاع الثانويه العامه هو جمال عبد الناصر لاننا كنا قبلها زى بقيه دول العالم المحترمه الراقيه اللى بتتبع اسلوب اللى عاوز يدخل كليه يدخلها بس هو يمشى فيها .يقدر حد يقولى حكم المصريين بعد ثوره 1952 عملنا ايه يكفى ان الواحد مش طايق البلد لانه مش عارف يعيش فيها ....... معلومه بسيطه الجنيه المصرى فى سنه 1924 كان ب 40 مليون مارك المانى

كنت عاوز أرد بس الأستاذ / ramylancer جاب المفيد عاوز أضيف على اللى قاله حاجه بسيطه بمناسبة العملة المصريه زمان
فى حوالى عام 1945 توفى أحدى الأثرياء وقام أبنه بالأتفاق مع الشيخ / محمد رفعت للتلاوة فى عزاء والده وتم الأتفاق على مبلغ مقداره 1 جنيه مصرى أيوه 1 جنيه مصرى فقط لا غير
المهم بعد انتهاء العزاء قام الأبن بدفع المبلغ للشيخ / محمد رفعت
وبعد ذهابه للمنزل أكتشف الأبن أنه أخطأ وأعطى الشيخ 1 جنيه ذهب أكرر ذهب
المهم ذهب الأبن بسرعه إلى منزل الشيخ لتبديل الجنيه الذهب بالجنيه المصرى أتدرون لماذا؟؟؟؟؟؟؟؟
أولا : لأن هذا الأبن أبى أن ينقض أتفاقه مع الشيخ فأسرع لتصحيح خطأه غير المقصود
وثانيا :لأن فى هذا الوقت كان الجنيه الذهب = 82 قرش أى أقل من الجنيه المصرى بحوالى الخمس
وعلى فكره الشيخ رفض تبديل الجنيه الذهب وقال أن هذا رزقى
"من تراث المرحوم الشيخ / محمد رفعت"

الله يرحم الجميع
ورحم الله اللواء محمد نجيب

مواضيع حضرتك ياأستاذه علا جامده جدا :smilielol5::tt2:
قصدى ياعلا