تيجو زيرو ولا حاجة مستعمل؟؟

**alking2011** · 01-01-2013 01:20 AM

السلام عليكم
بعد أذنفى ناس كم أنا محتار أنا عايز أجيب تيجو 2013 زير ب 92000 و فى ناس بتقولى هات حاجة مستعملة أحسن بالفلوس دى دا الأسبيرانزا مهما كانت صينى مع أن أنا سألت أكتر من واحد معاه العربية كله بيقولى عربية زى الفل و مفيش فيها أى عيب و أنا بردوا نفسى أجيب زيرو يكون أفضل و عايز أعرف أجبها من التوكيل ولا من سمير ريان أفضل و شكرا لكم

**Ahmed Amin** · 01-01-2013 03:02 AM

اللي جابو زيرو معداش عليها سنتين وبقت عفشتها بشعة وأسئل اللي جربها عن عفشتها
أكيد الجديد أحسن, بس لو صيني فانت بعد سنتين او 3 هتبقي أسواء من عربية أوروبي عدي عليها 6 او 7 سنين
نصيحة مني شوف المستعمل الأول الكسر زيرو
او حاجة ياباني كسر زيرو زي الانسر عشان عربية عميلة مفهاش مشاكل ولا أعطال وحلوة جدا بصراحة

**kimokaim** · 01-01-2013 10:46 PM

هات كسر زيرو نظيفة وﻻزم يكون معاك واحد خبرة

هات عربية كوري هونداي او كيا

**Batman372** · 04-01-2013 06:46 PM

بعد التحيه ...
- من الناحيه الاقتصاديه اى يابانى كمثال مستعمل 4 سنوات بحاله ممتازه حيكون اكيد افضل لك كثيرا ... على الاقل عند اعاده البيع الخساره حتكون مقبوله جدا ...
لكن سوق الصينى الاستعمال سىء جدا و بيفقد على الاقل 40% من الزيرو بعد سنتين !! و للتاكد تابع السوق ... و حرام انك تحط 93 الف جم فى صينى ليس لها اسم و لا تاريخ و لا حتى كفاءه ...
- من الناحيه الفنيه مهما سمعت و مهما قيل لك ... تاكد ان الصينى هو الصينى و اليابانى يابانى و هكذا ... و الدليل ان الصينى باقل من بنصف اسعار اليابانى و الاوروبى ... لانه لو اقل فقط 10 و لا 20 الف جم مش حيبيعوا سياره واحده ... مع الاحترام للجميع انا رأى ان السيارات الصينى ده نصب على الناس و استغلال ظروفهم الماديه نظرا لارتفاع اسعار السيارات الاخرى ...
- و من الطبيعى جدا عند سؤال اى ممتلك للصينى حيقولك انها زى الفل ... لانه عارف كل ما سبق و لكنه اصر على شرائها و طبعا له له كل الحق فى ذلك لان فى النهايه ده ماله و دى وجه نظره ....
تحياتى ...

**mo7a_mo7a** · 04-01-2013 07:23 PM

انا شايف ان حرام انك تدفع مبلغ زي ده في عربية صين
مهما كانت راحت جت .. طلعت نزلت (صيني) ومش اي صيني دي صيني معمولة علشان مصر!!

انا رايي انك بالمبلغ ده عندك اختيارات ممتازة
نيسان صني .... زيرو
اوبترا.................زيرو
كرولا .................استعمال
تريوس................استعمال
الخ

**S O P H O S** · 05-01-2013 02:31 AM

انا اميل لحاجة مستعملة نظيفة بصراحة ..

**ahmmedbingo** · 05-01-2013 02:49 PM

حضرتك فى عربية لسة نازله جديدة 2013 من رينو اسمها
Sandero Stepway

وهى شبه التيجو شويه وعالية عن الارض وسعرها كويس بيتراوح من 83 الى 86 الف وكفايه انها من رينو لكن للعلم انا سمعت انها زى اللوجان يعنى مغربى مش فرنساوى اتفرج عليها وربنا يكرمك ويوفقك فى الاختيار

**AHMED MOHSEN** · 06-01-2013 12:16 AM

لسه من اسبوعين كنت مسحوول مع صاحبي بنجبلها تانك بنزين
عربيه مش قد كده الصراحه وفيها عيب فظيع انتا ممن بسكينه تقوم خارم تانك البنزين بتاعها لانه فيبر او بلاستك ومش مصفح ومحطوط في بطن العربيه من تحت اي حاجه ممكن تجيبهولك ومش عاليه اوي عن الارض زي ما الناس فاكره