نيسان صنى 2007

**sherif_aboubak** · 01-01-2013 01:34 PM

السلام عليكم يا أعضاء منتدى نيسان الجامدين
انا الحمد لله حشترى النهاردة سيارة نيسان صنى 2007 كامله اوتوماتيك ماشيه 63 الف كيلو ورشة برة حزام . كمان الرفرف الامامى عاوز يتغير لانه متبهدل وفيه زى نقرة صغيرة كدة فى الشنطة من ورا .
انا رفعت العربيه والميكانيكى كشف عليها وطلع انها عاوزة تغير 4 فرد كاوتش وبيضتين المقصات الاماميه . وكشفت عند واحد تانى قالى نفس الكلام واكدلى ان العربيه اساسها سليم وكون انها عاوزة تغير كاوتش او بيض مقصات ما يعيبهاش .

انا عاوز رايكم فى الكلام دة .. وكمان صاحبها بيتكلم فى 63 الف وانا عاوز انزل شوية
ياريت تفيدونى .. انا خبرتى فى العربيات تكاد تكون معدومة ودى اول عربية حركبها

**sherif_aboubak** · 01-01-2013 01:40 PM

انا مستنى ردودكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

**sherif_aboubak** · 01-01-2013 01:45 PM

متااااااااااااابع

**Land_Cruiser** · 01-01-2013 01:48 PM

انا بصراحه لا اطمئن قوى لكلام الميكانيكيه فى الكشف : وارد جدا تعدى عليهم مشاكل كبيره فى العربيه و حضرتك تدبس فيها بعد كده خاصه لو كان فيها حوادث خاصه مع وجود رش او قطع غيار تانيه محتاجه تغيير وما خدش باله منها و خاصه لأن هو ما عندوش معدات الكشف بتاعه التوكيل و لذلك انصح بالكشف فى التوكيل و أخذ كشف مفصل عن المشاكل و حاله الدهان و الصاج و قائمه بالحاجات اللى محتاجه تغيير و أسعارها و ده كمان يساعد على التقييم العادل للسياره علشان ما تظلمش نفسك و لا البائع

**sherif_aboubak** · 01-01-2013 01:57 PM

متشكر لحضرتك ع الرد .... بس كنت عاوز اسأل هو سعر الكشف فى التوكيل كام ... ولو هى سليمة من ناحية الاساسيات ومحتاجة تغير لحاجات اللى انا ذكرتها دى بس . يبقى سعرها فى حدود كام ؟؟؟؟

**Land_Cruiser** · 01-01-2013 02:02 PM

المشاركة الأصلية كتبت بواسطة sherif_aboubak

متشكر لحضرتك ع الرد .... بس كنت عاوز اسأل هو سعر الكشف فى التوكيل كام ... ولو هى سليمة من ناحية الاساسيات ومحتاجة تغير لحاجات اللى انا ذكرتها دى بس . يبقى سعرها فى حدود كام ؟؟؟؟

سعر الكشف اعتقد ٣٠٠ج و ممكن تكلم التوكيل تحجز ميعاد و بالمره تتأكد من تكلفه الكشف . موضوع التسعير حضرتك ممكن تعمل مشاركه تسعير للأستاذ شريف و قول له جميع البيانات اللى عنها من هنا
http://www.nilemotors.net/Nile/249687-a-428.html

**sherif_aboubak** · 01-01-2013 02:23 PM

شكرا لحضرتك ع الافادة

**Mohamed.Fawzy** · 01-01-2013 05:29 PM

فيه موضوع فى القسم الأجتماعى تقريبا عن تسعير السيارات .... حط تفاصيل عربيتك و فى خبير هيقولك السعر مناسب ولا لأ ... و متنساش الأستخاره ... وربنا يباركلك ان شاء الله

**Land_Cruiser** · 01-01-2013 05:36 PM

المشاركة الأصلية كتبت بواسطة sherif_aboubak

شكرا لحضرتك ع الافادة

العفو و بالتوفيق و برضه انتظر ردود باقى الاعضاء

**sdelbassuny** · 01-01-2013 06:28 PM

عاده ولا أوتوماتك ......................
اليعيب العربيه الرش لانك مش عارف تحتيه ايه وياريت تخبط علي الصاج وتتأكد من نسبة المعجون

السعر قليل مش طبيعي والعربيه شكلها عايزه مصاريف

طيب ال 2006 تبقي بكام و ال 2005 لما ده 64 الف وبيتقول انها سليمه على العموم ربنا يسهاهلها ليك لو فيها خير ويبعده عنك لو فيها شر

شكرا