باي باي لوجان

**Egyzizo** · 03-01-2013 09:12 AM

كل العربيات الزيرو غليت مش اللوجان بس.
وأخشى ان ده هيأثر كمان على سوق المستعمل.

**mahraan** · 03-01-2013 09:44 AM

المشاركة الأصلية كتبت بواسطة m_medo

والله عندك حق بس انت عارف السوق هو اللى بيفرض عليك النوع... انا عن نفسى لو لقيت لوجان أكيد مش هتردد

ربنا يوفقك ف عربيه كويسه تريحك ويكفيك شرها . انا ركبت اللوجان واللانوس والفيرنا وبجد اللوجان مختلفه تماما عن اللانوس والفيرنا وماتتقارنش بيهم اساسا
علو العربيه عن الارض ووسع الكابينه بتاعتها بيدولها ميزه كبيره جدا خصوصا ف شوارع مصر اللي الحفر فيها اكتر من المطبات .

**gebreel** · 03-01-2013 11:04 AM

يا باشا مبروك مقدما و مستنيينك =)

و علشان نبقى على نور من الاول ليا لفة بالشكل الجديد لو جبتها ان شاء الله =)))

**أبو آسر** · 03-01-2013 05:14 PM

انا كنت محتار زيك ومشيت في حوار القسط الحمد لله ربنا مسهلوش فجبت جولييت استعمال بس معمرتش معايا شهرين بصراحة عشان فتحت بقها بسرعة أوي ! فضغطت على نفسي شوية وجبت لوجان 2010 كسر زيرو ب54 ألف والحمد لله مريحاني كتير ربنا يحفظها ويكفيني شرها

**Porsche911TT** · 03-01-2013 08:51 PM

فعلاً زي ما بعض الأعضاء قالوا ، لو ركبت اللوجان واللانوس والفيرنا هاتختار اللوجان
ربنا يوفقك للأفضل

**crayvor** · 08-01-2013 03:18 PM

المشاركة الأصلية كتبت بواسطة m_medo

انا النهاردة اخدت قرار انى اجيب عربية لانوس فى حدود 45000 امشى بيها شوية لحد الازمة المالية ما تعدى لأنى كنت هاحط اللى ورايا واللى قدامى واستلف كمان عشان اكمل تمن اللوجان... لكن يمكن زيادة سعرها كان بمثابة القلم اللى فوقنى.... على فكرة انا ان شاء الله هجيب لوجان برضه بس بعد ما أحوش قرشين عشان مش بحب اجيب اى حاجة تقسيط... ويمكن ساعتها اجيب الشكل الجديد وأغيظكم

...

اللانوس عربية بيديك سعرها مافيش كلام..
بس نصيحة من واحد جرب لانوس وغير لانوس.. لو وقعت كورسا 2004 أو 2005 أو مثلا فيكترا 2000 تبقي أحسن بكتير