لو سمحتو كان عندى استفسار عن ضعف فرامل البومة 1600 2009 حد لاحظ الموضوع ده فى عربيتو لو حد اتصرف فى حل الموضوع ده يا ريت يدينى معلومة اتصرف فيه ازاى اصلى مضايقنى خالص لان العربية بتتزحلق لقدام عند الفرامل المفاجئة وشكرا
عرض للطباعة
لو سمحتو كان عندى استفسار عن ضعف فرامل البومة 1600 2009 حد لاحظ الموضوع ده فى عربيتو لو حد اتصرف فى حل الموضوع ده يا ريت يدينى معلومة اتصرف فيه ازاى اصلى مضايقنى خالص لان العربية بتتزحلق لقدام عند الفرامل المفاجئة وشكرا
علي فكرة فرامل الانسر كلها بالفعل سيئة سواء فيها اية بي اس او مش موجود فيها اية بي اس مش هي الفرامل اللي توقفك مرة واحدة كدة لو في زنقة لو فيها اية بي اس تفضل تعمل اصوات كدة ورجرجة وبردة مش بتقف ولو مش موجود فيها اية بي اس بردة بتزحف فعلاً الفرامل في الانسر سيئة
متابع
طيب يعنى مفيش حل !!!!!
هو فعلا قوة الفرامل مالهاش دعوة بتجهيز العربية بـABS من عدمه..
اللى بيحدد قوة نظام الفرامل هو حجم الماستر، أحجام الديسكات والتيل والـfriction coefficient بتاعهم ومقاومتهم للـfading من السخونة؟!!
(وفيه حاجات تانى زى العفشة ونظام التعليق وتوزيع الأوزان على الشاسيه...etc)
الحل: هتعمل upgrade.. سواء:
1- تجيب ديسكات وتيل بتاع ميتسوبيشى بردو، بس حاجة أكبر -لو available
زى فرامل ميراج أو colt.. وممكن فرامل نفس العربية (لانسر) بس الموتور الأعلى- say الـ2000cc اللى هى GT أو فرامل عربية موتورها Mivec مثلا.
المهم تركب perfect-fit، وممكن تجيب طقم قدام فقط.. ولو الفرامل ورا drum (طبلة) هتحولها لـdisc (ديسكات-سكاكين يعنى)
2- تحتفظ بنفس المقاسات الأصلية، بس هتعمل upgrade للـmaterial بتاع الديسكات + تيل سبورت..
يعنى: هتجيب سيستم EBC أو D2 أو حاجة أعلى زى VTTR.. ديسكات drilled/grooved (أو حتى ستاندرد مش لازم floating)،
والتيل بتاعه هيبقى حاجة friction بتاعها أعلى زى الـGreenStuff للـEBC مثلا؟!!
آه وفيه حاجة optional فـ الحالتين:
هتركب كاوتش يكون الـTraction والـBraking بتاعه عالى (عـ الأقل فردتين قدام لأن حمل الفرامل أكبر)..
زى البريدجستون تورانزا GR-90 الجديد أو الكونتينينتال Sport أو ميشلان Pilot-Sport
(دى فرد مشهورة بالفرملة القوية والتماسك العالى، وبالذات الكونتى)
إعمل search كده عـ الأسعار والمقاسات.. وهتلاقى المناسب ان-شاء الله
وأرشحلك الـEBC بقوة، الصراحة أنا أفضل التعديل فـ الهاندلينج والثبات والفرامل أكثر من تعديل الموتور؟!!!
Rgds،
انا برضو حاسس ان الفرامل مبقتش زى الاول بالرغم من انى بغير تيل اصلى باستمرار ولسه مغيره من 3 الف كم ومغير الكاوتش لبردجستون تورانزا gr 90 من 13 الف كم
على فكره عربيتى فيها abs
اعتقد والله اعلم ان حل المشكله ده فى زيت الفرامل لانى متغيرش من ساعه من جبت العربيه وهيه دلوقتى داخله على 5 سنوات وعامله 67 الف كم بفكر اغيره واشوف النتيجه
بس برضو عموما فرامل الانسر مش قويه اوى زى عربيات تانيه فى فئتها زى السيراتو او الانترا بس انا بقارن بين اداءها وهيه زيرو ودلوقتى
شكرا جدا على الردود ......
انا مغير تيل فرامل امامى لكن مغيرتش زيت الفرامل لكن من اول ما جبت العربية زيرو وهيا فيها مشكلة الفرامل وكل ما اروح التوكيل اعمل سيرفيس اقولهم على ضعف الفرامل وبرده هيا هيا مفيش تغيير وعملت معايا كام موقف صعب كده ومن ساعتها بعمل حسابى فى المسافة بينى وبين اى عربية قدامى وربنا يستر.
معقولة النترا وسيراتو اقوى فى الفرامل !!!!!!
لللا سف انا نفس الامر عندي ومركتب تيل الرمساء الاسباني كنت فاكر ان المشكله في التيل غيرته كنت فاكر في الطنابير غيرتها ايقنت ان المشكله بالكاوتش لان العربيه كانت بتتزحلق قولت معامل الاحتكاك اصبح اقل بين الكاوتش والاسفلت غيرته لكوتش ميشلان فرنساوي وللاسف ريحت نفسي وبقيت مقتنع ان العربيه المفاجئ بتاعها اني اكون حريص ان الفرامل مش هتوقفني وربنا يستر طريقنا كلنا
طيب لو سمحت الحل ده ممكن يكلف كام لو اتعمل للانسر ؟؟
ده أنا كنت بفكر انى اشوف عربية فيها abs و ُesp قلت دى العربيات اللى فراملها قوية ومتفاعلة ومن فترة بدور وبعمل مقارنات للعربيات خصوصا الاوربى بسبب الموضوع ده !!!!
ولو حد يعرف عربية فراملها قوية ومتفاعلة ومعروفة ياريت يقول عليها وشكرا
شوف
ان أقل حاجة ممكن تجيب التيل بس EBC
وتركبه على الديسكات الستوك -لو حالتها كويسة (لسه فوق الـmin. thickness بتاعها)
تيل الـGeenStuff أفضل فـ الـpedal-feel بتاعه، وأقوى فـ الـintial-bite
+ انك تشيك عـ الكاوتش، وتغيره بحاجة الـtraction بتاعها يكون مش أقل من AA
بالنسبة للعربيات اللى فيها ABS+EBD+BA (أساسى) و ESP طبعا ميزة..
العربيات اللى فراملها قوية كل العربيات الأوروبى almost بلا إستثناء -أنا لا أذكر عربية أوروبى فراملها ضعيفة؟؟!!!
- لسبب بسيط جدا: انهم بيعملوا الفرامل أكبر من إحتياج العربية كوزن/باور!! :plusone2:
(مش زى الكورى مثلا دايما الفرامل ياإما بالعافية أو أقل من باور ووزن العربية - والأمثلة كتير)؟!!
مثال تانى بردو: السيفيك اللى هى أعلى عربية فـ اليابانى، مو2007-2008 (الـ8th.gen) كانت فراملها ضعيفة بطريقة ملحوظة؟!!
فـ 2009-2010 تقريبا غيروا الفرامل ورا ديسكات (كانت drums) وغيروا الـmaterial أو الـgrade بتاع الديسكات/التيل قدام.. بقت أفضل بكتييييير.
بالنسبة لسؤالك:
التيل EBC Green ممكن يعمل 500-600 جنيه، والديسكات ماعتقدش تعدى 1400 جنيه؟؟!!!
(ودى الديسكات السبور كمان -مخرمة وفيها slots عشان ماتسخنش من الإستخدام العنيف).
وممكن تلاقيهم أرخص من كده؟!!
شوف عند حمادة غزى أو عادل وجدى الأول، وممكن باور-زون..
لو لقيت الأسعار عالية: أنا هقولك على واحد يجيبهالك من برا أرخص.. yoko أعتقد عارفه؟؟
معظم اللى عملوا upgrade للفرامل فـ عربياتهم -عشان متعدلة- هو جابلنا الديسكات والتيل.
Rgds،
رأيى بلاش تغيير و تعديل
لو العربية مس مناسبه لك غيرها
لكن مظنش ان فى تعديل مضمون و لا كان على الاقل المصنع عملها
مصنع؟؟!!!
مصنع أيه اللى يعملها حضرتك؟؟؟!!!!!!
دى عربية بقالها 12 سنة، ولا انت مش واخد بالك انها الـfacelift بتاع المكواة؟؟!!! :Ka_che1[1]:
- وبعدين هآخد بكلامك -بفرض جدلا يعنى- وإن ميتسوبيشى عندها أوبشن تعمل upgrade للفرامل..
تفتكر لو عملها -وده مش توجههم أصلا انهم يزودوا فـ الـbraking-power- هيبيعلهالك بنفس السعر؟؟!!!
أساسا هو ليه يصرف فلوس فـ Research&Development على عربية نزل منها Mk جديد؟!!! مايستثمر فلوسه فـ الشارك أحسن!!
أقولك
لو كده ماهو كان نزلك فرامل الـEvolution فـ البوما وريح دماغه؟؟ ولا أيــــــــه؟؟!!!
هههههههههههههههه
طبعا رأيك يحترم -وانت حر فيه..
بس أنا برد على الجزء المنطقى -الغير منطقى- بتاع "و لا كان على الاقل المصنع عملها"
هى العربية فراملها سيئة
وحتى لو كانت الفرامل -لو- كافية لباور ووزن العربية.. دايما بيسيبلك room for improvement.
سؤال أخير: طب ليه من وجهة نظرك "المصنع" مانزلش حتى فرامل نسخة الـ2000cc GT فـ البوما الـ1600cc (عـ الأقل أقل فـ التكلفة من فرامل الإيفو)؟!!
:bye2:
لا طبعا السيراتو والالنترا فراملهم مش احسن من اللانسر
أنا معايا نفس السيارة بالخليج والفرامل ما شاء الله ممتازة
متابع
ما هو العربية اللى بحكى عنها خليجى برضة :bye2:
فرامل اللانسر ملخصها :
( طنابير سليمة (اصلية) و تيل اصلى و تناكد انها مش واخد هوا و رجلاش و الكلام دة و اخير الزيت يتغير كل فترة العلبة ب 15 جنية فى موبيل و عندهم جهاز بيقيس لزوجة الزيت)
و قبل ما كل دة يبقى تمام لاااازم الكاوتش يبقى تمام ( مقاسات , ضغط , نوعية ) لان الكاوتش بيفرق اوى فى العربية دى
الاداء الطبيعى و السليم للعربية دى جيد و ليس بالممتاز
....*اللانسر فيها Engine Break دى نقطة كمان حلوة فى العربية و بتنقذ
بالنسبة للاستاذ
Formulator I Like How you Think. :D
+ لو حبيت اغير الطقم الى ورا الى ديسكات هيتعمل تعديل و الكلام دة ولا هفك و اركب علطول؟
لو فى تفاصيل يبقى كتر خيرك ;)
لو إستيراد هيبقى الـwheel-hub على بعضها (الدشمة-صرة العجلة)، وفيه بيجيبوا جنب بالمقص-البار (الشداد)؟!!
لو aftermarket هتجيب hub بسيستم الهاند-بريك بتاع العربية أو الموديل equivalent؛
وتركب عليه الكاليبرات والـbrackets + الديسك والتيل (oem أو السبور)..
الصراحة حاجة غريبة يعنى ان عربية يابانى ومحترمة كده ووسائل الامان فيها تعبانة كده
انا معايا بومة 1600 هاف سبورت كويتى و فراملها ماشاء الله
ممكن لو حد غير و عمل تعديل للفرامل يقول لنا سهلة ولة عملت معاه مشاكل ؟
لان ادامى لانسر بومة عرفت انها قباقيب من ورا فمش عارف اخبار الفرامل ايه معاها و ان كل شوية المفروض نعمل رجلاشة لها !!؟