اجيب منين افضل دواسات للكروز؟؟

**hossam_elwani** · 02-01-2013 01:02 AM

ان شاء الله ربنا يكرم واجيب شيفروليه كروز وكنت عايز اعرف افضل دواسات للعربيه شكلا واكثرها عمليه وياريت تكون قطعه واحده من الخلف اجبها من عند مين بالتحديد ؟؟

**midooo_119** · 02-01-2013 02:22 AM

التوفيقيه و دمشق فيهم محلات كتير .. مبروك مقدما بس انت شيلت الاسترا من دماغك و لا ايه

**hossam_elwani** · 02-01-2013 08:29 PM

المشاركة الأصلية كتبت بواسطة midooo_119

التوفيقيه و دمشق فيهم محلات كتير .. مبروك مقدما بس انت شيلت الاسترا من دماغك و لا ايه

فعلا شلت الاسترا مع انها حتطلع من عينى بس خير الامور الوسط

**Land_Cruiser** · 02-01-2013 09:40 PM

الف مبروك مقدما و تستلم على خير ان شاء الله. هتلاقى فى شارع دمشق يا باشا تشكيله كبيره و الاسعار للحاجات المعقولة هتلاقيها ابتداء من ١٤٠ ج الى ١٦٠ج و دى بتبقى تقيله و طريه فى نفس الوقت علشان ما تنشفش و تتقطع مع الغسيل المتكرر او التعرض للشمس و بتبقى النقشه بتاعتها بتبقى بارزه. انا معظم اللى شفته بيبقى طقم ٥ قطع الدواستين اللى قدام و الاتنين اللى ورا و قطعه للقنطره اللى فى النص دى اكتر حاجه منتشره و فى دواسات فى حدود ١٠٠ جنيه بس رفيعه قوى و ضعيفه و فى كمان دواسه كبيره بتستخدم للشنطه سعرها ١٣٥ جنيه و لو عايز للشنطه حاجه ارخص فى حاجه عامله زى المشمع بس تقيله و مقاومه للماء بتفرش فى العربيه بدل دواسه الشنطه و بتتقص على قد الشنطه لانها بتبقى فى رول كبير و دى عند سبير كار و بتبقى حسب مساحه الشنطه بس فى الاغلب فى حدود ٤٠ او ٥٠ جنيه

**hossam_elwani** · 02-01-2013 10:35 PM

المشاركة الأصلية كتبت بواسطة land_cruiser

الف مبروك مقدما و تستلم على خير ان شاء الله. هتلاقى فى شارع دمشق يا باشا تشكيله كبيره و الاسعار للحاجات المعقولة هتلاقيها ابتداء من ١٤٠ ج الى ١٦٠ج و دى بتبقى تقيله و طريه فى نفس الوقت علشان ما تنشفش و تتقطع مع الغسيل المتكرر او التعرض للشمس و بتبقى النقشه بتاعتها بتبقى بارزه. انا معظم اللى شفته بيبقى طقم ٥ قطع الدواستين اللى قدام و الاتنين اللى ورا و قطعه للقنطره اللى فى النص دى اكتر حاجه منتشره و فى دواسات فى حدود ١٠٠ جنيه بس رفيعه قوى و ضعيفه و فى كمان دواسه كبيره بتستخدم للشنطه سعرها ١٣٥ جنيه و لو عايز للشنطه حاجه ارخص فى حاجه عامله زى المشمع بس تقيله و مقاومه للماء بتفرش فى العربيه بدل دواسه الشنطه و بتتقص على قد الشنطه لانها بتبقى فى رول كبير و دى عند سبير كار و بتبقى حسب مساحه الشنطه بس فى الاغلب فى حدود ٤٠ او ٥٠ جنيه

كلام سليم شكرا

يعنى مفيش دواسات مخصوصه للكروز على نفس رسمة الارضيه زى الدواسات الى على موقع امازون او ebay ؟؟

حلو حكاية الرول الى بيتقص على شكل الشنطه مهم جدا

بس ياترى اطرافها بتتعالج باحترافيه ولا شكلها بيبقى بايخ نتيجة القص ؟؟

**akmm** · 03-01-2013 10:05 AM

متابع ............ وفرش الشنطه مهم جدا للمحافظه عليها ... ويمكن كتير مننا لايهتم بها ..

**Abo.Moazz** · 03-01-2013 10:26 AM

المشاركة الأصلية كتبت بواسطة midooo_119

التوفيقيه و دمشق فيهم محلات كتير .. مبروك مقدما بس انت شيلت الاسترا من دماغك و لا ايه

نفس السؤال كنت هسألهولك .. ليه شلت الإسترا من دماغك ؟؟؟ هيه الكروز تمنها كام ؟؟؟ أعتقد مش هاتفرق كتير عن الإسترا ... وهيه هيه نفس سعر الكروز التوب لاين

**hossam_elwani** · 03-01-2013 11:14 AM

المشاركة الأصلية كتبت بواسطة kingrab

نفس السؤال كنت هسألهولك .. ليه شلت الإسترا من دماغك ؟؟؟ هيه الكروز تمنها كام ؟؟؟ أعتقد مش هاتفرق كتير عن الإسترا ... وهيه هيه نفس سعر الكروز التوب لاين

الى خلانى اغير رأيى هو القدره الماديه حسبتها كويس لقيت انى حزنق نفسى وقلت خير الامور الوسط والحمد لله .. ووالله لومعايا مش حسيب الاسترا كوزمو ابدا .. على فكره الانجوى مش تمام الى عايز استرا يركب كوزمو بجد تحفه فنيه بس ياترى سعرها هيا كمان بعد زيادات امبارح بقت بكام ... اتوقع انها مش حتقل عن 180000 وابقى افتكر كلامى ...

.....................

**Land_Cruiser** · 03-01-2013 11:14 AM

المشاركة الأصلية كتبت بواسطة hossam_elwani

كلام سليم شكرا

يعنى مفيش دواسات مخصوصه للكروز على نفس رسمة الارضيه زى الدواسات الى على موقع امازون او ebay ؟؟

حلو حكاية الرول الى بيتقص على شكل الشنطه مهم جدا

بس ياترى اطرافها بتتعالج باحترافيه ولا شكلها بيبقى بايخ نتيجة القص ؟؟

انا معرفش بصراحه شكل رسمه الأرضية بتاعه الكروز بس اللى انا متأكد منه ان مقاس الدواسات بيبقى استاندرد و بيمشى على اى عربيه و المهم فى الموضوع زى ما قلت لحضرتك هو جوده الخامه بس على العموم الموضوع سهل لما حضرتك تنزل ابقى شوف اقرب حاجه للى حضرتك شفت صورها و احتمال تلاقيها برضه . بالنسبه للرول الراجل بيقصه على قد الشنطه و بيسيب حته علشان تتثبت يدوى كده فى الشنطه. ميزته عن الدواسه انه مقاوم للماء و السوائل و كمان ما. بيضيقش مساحه الشنطه و الراجل بيقصه بعد ما يقيس فليبقى مغطى الشنطه بينما الدواسات ما بتجيش بالضبط على قد كل العربيات لان مساحات الشنط مختلفه و كمان وزنه خفيف فسهل تشيله تنفضه و ترجعه تانى