عملوها المستوردين وضربوا التوكيل في مقتل ووصلت السيراتو الشكل الجديد وشوفتها انهارده عند الريان جايب اتنين لونهم ابيض وسلملي علي التوكيل النايم في العسل ولسه بيبيع الشكل القديم علي انه 2013 وسلامي ليكم جميعا
عرض للطباعة
عملوها المستوردين وضربوا التوكيل في مقتل ووصلت السيراتو الشكل الجديد وشوفتها انهارده عند الريان جايب اتنين لونهم ابيض وسلملي علي التوكيل النايم في العسل ولسه بيبيع الشكل القديم علي انه 2013 وسلامي ليكم جميعا
تقصد سمير ريان؟ والاسعار؟
معتقدش لان فى السعودية لم تطرح للبيع لغاية دلوقتى ازاى سمير ريان هيكون جابها منين طب فى صور ليها عند سمير ريان
كل ده بسببهم هما .. غبور و كيا و كل التوكيلات تقريبا عمالين يعاملوا المصريين كأننا بنفتح القناة الاولى و ننام الساعه 12 و لو فكرنا نفتح التليفزيون لو سهرنا اكتر من 12 هنلاقي اييييه .. هنلاقي تتتتتتتتتتتتتتتتش :E_braces[1]::E_braces[1]: كل شوية الناس بدأت تفقد المصداقية فكل التوكيلات
شفتها بيضاء امبارح ... و التجار بتوع الخليجى هيدوا التوكيل قلم جامد بس ممكن نزل العربيه خليجى بدرى يكون سلاح ذو حدين !!! بمعنى لو حد من الناس راح و شاف الجديدة و القديمة و لقه القديمة غنية اكتر و احلى بالنسبة له من الشكل الجديد هيشتريها ..... و العكس صحيح ....
بس هتتباع هتتباع و هتعمل مبيعات خزعبلايه اكتر من الالنترا كممان و افتكروا انا بقول ايه كويس ..
والله يا جماعه لو سمير ريان جامد كده للدرجه دى يبقى ليه ميعملش مركز خدمه محترم ويعمل ضمان كمان للعربيات دى ويبقى طز فى التوكيلات وكمان يبقى استسمار حقيقى ولو مش هيقدر يجيب معاه شريك والله ده مشروع جامد ويجيب فلوس كتيرررررررررررررررر اكتر من تجاره العربيات
وده مجرد اقتراح
وبينى وبينكم نفسى حد يضرب التوكيلات دى علشان يتعلموا ازاى يعاملو الشعب المصرى على انه بقى شعب مثقف وكل ده فى مصلحه المستهلك اللى هو احنا :E_braces[1]:
التوكيلات فى مصر هتضرب هتضرب
لأنهم عايشين فى برج عاجى زى اللى كان عايش فيه مبارك بالظبط
ومش هيفوقوا الا لما يلاقوا الدنيا اتسحبت من تحت رجليهم
انا شفتها امبارح برضو فى معرض عندنا فى الاسماعيليه , سعرها 129 الف
اوتوماتيك ومفيهاش كاسيت وفيها طاسات مش جنوط و المرايات والمقابض مش بلون العربيه
مشكور و منورين يا رجاله
منتظرين الكارينز الجديده على احر من الجمر لانها فى راى المتواضع افضل من السيراتو الجديده و القديمه و افضل من الكارينز القديمه كمان .و يمكن افضل من الاسبورتاج .المهم تنزل بسعر كويس و معقول
ياباشا الى يعيش فى البلد دي ياما يشوف , انا كنت سائل على الريو فى يوم الصبح قالي 124 الف وبليل فى نفس اليوم قالى معلش ياباشا الدولار زاد والعربيه بقت ب 127 الف وسألت معرض تاني قالي 129 الف !!!!!!
وغالباُ الهاي لاين يتاعت السيراتو مش هتقل عن 150 الف !!!
وعمار يا مصر
150 الف جنيه بس يا باشا الالنترا كانت قبل العيد ( قبل ماسيب شغل فى المعرض ) كانت عدت ال 165 الف جنيه
على فكرة انا عارف المكان اللي سمير ريان بيخزن عربياته فيه لانه قريب جدا من بيت والدتي وانا فعلا النهارده شوفت كميه كبيره قوي من السيراتو الشكل الجديد لسه واصله ومعظمها ابيض
العربيه شكلها جميل جدا على فكرة
المعلومة صحيحة و ده لينك للاعلان
http://www........cars.com/usedcars_...?CarID=1070326
و كلمت المعرض و سعرها 129 الف جنيه
انا شايف السعر كويس
لان ماننساش ان دى خليجى ولسه مانزلتش التوكيل فالتجار عايزين يلموا فلوس فى الاول
فاكرين لما الشكل القديم كان بيتباع هاى لاين ب 135 الف عشان كانت لسه نازله جديد وحتى لما نزلت عند الوكيل ب 126 الخليجى مارخصتش عشان كان الحجز فى الوكيل فتره طويله , لكن بعد سنه كانت الهاى لاين خليجى ب 116 الف !!!
يعنى من الاخر الخليجى 100 % هاترخص بس مش دلوقتى طبعا , واعتقد ان الوكيل هايحط اسعار معقوله يعنى لو الهاى لاين وصلت 150 فى ظل الظروف اللى احنا فيها حاليا بيقى حلو
متنسوش ان التوكيل ماسك الناس من ايدهم اللى بتوجعهم (( الصيانه و قطع الغيار ))
لا كده الموضوع محتاج زيارة مين قال جى يوم الجمعة .
السبت السبت .. عشان هايكون عندى امتحان الصبح وبعد كده أجيلكم :]
التوكيل هيخسر نفسه ..
ده التطور الطبيعى للحاجه الساقعه
حتلاقيها النهارده بــ 175000 !!!!!!!!!!
كميه كبيره ياحلاوتك ياريان جبت دولار كتير منين !!!!!!!!!!
مفيش حاجه بقت مضمونه فى البلد دى
خد عندك
صرح السيد رئيس الشعبة العامة لموزعى ووكلاء السيارات بغرفة القاهرة التجارية، عفت عبد العاطى، أن قرارات الحكومة الخاصة بزيادة ضريبة المبيعات على السيارات لم يتم إلغاؤها ولكن تم تأجيلها فقط لحين تطبيقها لاحقا بعد استقرار الأوضاع بالبلد مما يشير إلى نية الحكومة تنفيذها في المستقبل القريب وهو ما سيترتب عليه أرتفاع في أسعار السيارات.
وأضح السيد عفت عبد العاطي أن القائمين على صناعة وتجارة السيارات في مصر مستاءون للغاية من القرارات السياسية الأخيرة، لأنها تنعكس على الاقتصاد بشكل كبير وبشكل مباشر، ويتم اتخاذها من قبل الحكومة بدون الرجوع للوكلاء والمصنعين من ومشاورتهم.
فعلا محتاج زياره عشان تتقيم على الواقع
انا روحت سمير ريان شوفت العربيه
هي نازله فئه واحده بس
اير باج واحده - تكييف تاتش - كاميرا حلفيه - زجاج كهرباء - مرايات كهرباء - طاسات مش جنوط
السعر 134 الف
العربيه في مجملها جميله بس مش ساحرة او تلفت النظر زي السيراتو اللي قبليها اول ما نزلت
أكيد فى حاجه غلط يا جماعه لان العربيه الى الان مش متوفره فى أسواق السعوديه. انا متابعهم بشكل شبه يومي
آسف يا جماعه انا استفسرت اليوم و هيا متوفره بس تقريبا اليوم او امس بس فى الاسواق السعوديه. عموما منتظرين لو حد اشتراها و نشوف تقييمها
سالت اليوم في سمير ريان وقالي السعر 135 وفيها كاسيت وكاميرا خلفية تركيب مصر والمرايات والاوكر لونها اسود والسعر شبة نهائي يعني ممكن يزل منها 1000 بالعافية
مستحيل السيراتو الشكل الجديد هاى لاين حتبقى ب 150 ألف بس فى التوكيل لان اساسا السيراتو الشكل القديم الهاى لاين فى التوكيل بقت ب 150 ألف من يوم الخميس اللى فات ( بالمناسبة كيا زودت اسعار كل الموديلات الهاى لاين 7000 جم غير ال 3000 جم الى زادوا من اسبوع تقريبا ) عشان انا كنت فى فرع التوكيل يوميها بسأل على ورق الكارينز هاى لاين اللى لسه شاريها ( على فكرة انا كنت حاجز من شهر 9 /2012 واستلمت 1/3/2013 وكنت حاجز على 140 ألف لكن استلمت على 143 ألف عشان الدولار و دلوقتى بقت ب 150 ألف , فأكيد أكيد السيراتو الجديدة و الكارينز الجديدة هاى لاين وكيل حيعدوا ال 150 ألف وبالمناسبة انا قلت لمسؤول المبيعات فى التوكيل ان السيراتو الجديدة نزلت عند سمير ريان حتنزل عندوكو امتى قالى السيراتو كمان شهرين والكارينز كمان 4 شهور وسألته على الكارينز حتبقى بكام قالى فى ظل ارتفاع الدولار ممكن تبقى هاى لاين ب 180 ألفاو 190 ألف ومش حتزيد عن كده عشان يبقى فى فرق بينها وبين السبورتاج والاتنين يتباعوا
تمام بس السعر 150 الف دا للسيراتو الشكل القديم عشان الظروف اللى احنا فيها حاليا بتاعت الدولار والجنيه واكيد لو الوضع اللى احنا فيه استمر لكذا شهر السيراتو الجديده هاتبقى اكتر من 150
لكن انا لما قولت 150 كنت باتكلم فى الظروف الطبيعيه لما كانت الهاى لاين ب 138 الف لو ماكنش الدولار غلى كان السعر هايفضل زى ماهو ويمكن كمان كانوا عملوا عروض على العربيه عشان يخلصوا الاستوك قبل الشكل الجديد
اما بالوضع اللى احنا فيه دلوقتى ماحدش عارف حاجه ولا فاهم حاجه ولا يقدر يتوقع :angry26:
كل التجار ولاد تيييييت منهم لله
ماله اليباني الانسر ولا التيوتا ولا المازدا