الموضوع: اليـــكم الخبر الصاعقه من غبور النترا 2013 اول فئه بــ 142 !

المشاركة الأصلية كتبت بواسطة Ultramisho

ياعزيزي كفاية تعقيد
ماهو كل كلمة قلتها انا مقتنع بيها
من اول مزاياها العديدة لغاية استغلال غبور
طب نعمل ليه
دورلي على بديل يحقق الي كتبته وسعر حنين
او هاتلي اوروبي تديني المزايا دي وبسعر الالنترا

السيراتو خمتنا في الاول بالاوبشنز بتاعتها وشكلها الثوري وقتها وبعدين طلعت كيا تكييفها مش شديد وعفشتها ناشفة وكانت ناقصة اموبيليزر (كانت) ففضلت بسعرها الالنترا فاجئتنا بثبات اعجاب الناس بيها فغليت حاجة تقرف بصراحة
ولسه النهاردة اجتمعوا بالبنك الدجولي وطمنوهم ان ضريبة المبيعات هتزيد وهيخترعوا ضريبة جديدة
ياترى ساعتها هنقول ايه الـ 176 كانت كويسة

ياجماعة العربية حديدة بتنقلنا من نقطة الف الى نقطة باء
هو المشكلة فينا اننا عاوزين كل المزايا ولا المشكلة اننا اكتر ناس بندفع في العربيات فعاوزين على الاقل تدينا الحد الادنى من الي عاوزينه

اتمسوا بالخير

يا باشا امال انا بقول ايه ؟؟؟
مافيش عربيه المانى او اروبى فيها المميزات دى بسعر الالنترا حتى مع ارتفاع السعر وارتفاع اقرب منافسيها الاسترا كوزمو الى 176000 .
عشان كده اتوقع انخفاض مبيعات الفئه fully loaded لقربها من الاسترا و ارتفاع الطلب على الفئات الاقل.
ما هو لو فى عربيه المانى او اروبى فيها المميزات دى كلها و بسعر الالنترا غبور يشبع بيها و محدش حيشتريها اصلا . عشان كده غبور بيزود سعر الانترا بالتحديد و بغباء و مش همه و الناس حتفضل تشترى

المشاركة الأصلية كتبت بواسطة hossam_elwani

اولا الكروز هاى لاين بديل ممتاز عن الالنترا واسبابى كالاتى

العربيه بها وسائل امان 2 ايرباج وفرامل abs وديسكات خلفيه (عكس الالنترا طبله فى الخلف فى الفئات الاولى ) وثبات يشهد بيه الجميع دون اى جدال او نقاش + ان الخامات المستخدمه فى تصنيع الكروز والتقفيل ممتاز جدااااااا عن الالنترا + عزل الصوت ودى نقطه مهمه جداااا لانها متميزه فى النقطه دى عن جميع العربيات فى فئاتها وخصوصا امام الالنترا والى راكب الالنترا الجديده حيقولك ان العزل مش تمام وبنسبة 70% او تقييمه متوسط

ثانيا اما بالنسبه للمحرك فهو 115 حصان ومرضى جدا وخصوصا انه عزمه شديد فى عند لفات المحرك العاليه

ثالثا نسبة انضغاط المحرك مناسب له بنزين 92 بشكل مثالى

رابعا اما بطىء الحركه عند التحرك من الصفر فده شأنها شأن الاوكتافيا والجيتا والفلورنس وكل الاوروبى لان العربيه اصلا طابعها اوروبى وبها قطع غيار كتير المانى وكمان الصاج محمل قوى عن الالنترا واى عربيه يابانى حتى

خامسا اما التوكيلات كلها فى مصر اشترى دماغك منها انا عن نفسى بخلاف صيانة الالف الاولى مش حعمل اى صيانه فى التوكيل حمشى على الجدول بنفسى فى مراكز معتمده ورخيصه ومهنيه حرفيه

الخلاصه العربيه قيمه مقابل سعر وتحس انها ماسكه نفسها ومعمره اما مثيلتها

الكروز بالسعر ده و الاوبشنز دى صفقه ممتازه .
ربنا يباركلك فيها ان شاء الله

الغريب ان الفولستر مازدتش عن سعرها قرش مش غريبه دى!!!!!!!!!!!!!

اليكم الخبر الصاعقه 2


هيونداى النترا اول فئه اوتو بــ 150000


المصدر مؤكد من ابو غالى

المشاركة الأصلية كتبت بواسطة original

خبر مفرح جدااااااااااااااااااااااا ااااااااااااااااا
كده عربيتى القديمة زادت مش أقل من 10000 جنيه..

مصائب قوما عند قوما فوائد