الموضوع: رايكم فى تليفزيون توشيبا ال اى دي 32 بوصة

المشاركة الأصلية كتبت بواسطة m_marmoush

طب بالنسبة للتليفزيون السونى أية الأخبار بالنسبة لأمتداد الأفلام اللى بيشغلها من على الفلاشة، وأية الأمتداد بتاعها و بالنسبة لملفات الترجمه بيشغلها ولا فية مشكلة؟
وشكرا

انا جربت عليه معظم امتدادات الفيديو وكلهم اشتغلو الا rmvb ولو ملف الفيديو نفسه نازل عليه الترجمه ممكن تظهرها او تلغيها , ومعظم الوقت بتفرج على الافلام عليه بتكون بصيغه mkv او avi

بالنسبة للتوشيبا انا اشتريت اخوه لكبير ال 40 بوصة من حوالى 3 شهور اللى هو الكود بتاعه ps مش ال pu و هقولك بالظبط ايه هى مميزاته و عيوبه اللى لاحظتها
المميزات :
حجم الفريم بتاعه صغير جدا و السمك بتاعه ممتاز وده بيخلى شكله كا ديكور جميل
جودة الصوت بتاعته مع امكانية استخدام سماعاته مع سماعات السوند سيستم الخارجى فى نفس الوقت و بتدي احساس جميل بتوزيع الصوت. ودى حركة ذكية فيه عجبتنى لان العادى انك لما بتوصل اى سماعات خارجة السماعات الداخليه بتفصل لكن هنا بتفضل شغالة.
اهم ميزة بيشغل امتدادات الافلام كلها تقريبا.
خفيف الوزن و سهل تعليقه على الحائط.
ضمان العربي.
العيوب:
السوفت وير بتاعه بسيط زيادة عن اللزوم
الريموت بتاعه حساس جدا بيشتغل باللمس
التحكم فى السماعات الخارجية عن طريق الريسيفر فقط

مفيش فرق بينه و بين الشارب تقريبا غير الحجم الخارجى لصالح التوشيبا.
و عموما و انت فى كارفور اللى تستريح ليه نفسيا اكتر اشتريه لان الموضوع مش هيفرق كتير زى ما انت متخيل.
..