المشاركة الأصلية كتبت بواسطة ahmedselaraby
أولا أهلا و سهلا بيك عضو معانا فل منتدى و صديق معانا هنا فى قسم بى واى دى و شكرا على تعليقاتك الجميله على موضوعاتى
ثانيا أنا أدعوا لك ان ربنا يوفقك على شراء الجميله الاف 3 و ان شاء الله تنبسط بيها و نخش نباركلك قريب
ثالثا : بالنسبه للمستعمل ,, لازم تكشف عليها كويس أوى و تشوف دفتر الصيانات فل وكيل و تسأل صاحبها على أنواع الزيوت اللى بيحطها و تشوف حالة الصاج و الشاسيه
انا معايا موديل 2013 عشان كده بيتهيئلى الأفضل انه حد من اللى معانا هنا فل منتدى معاه 2010 هو اللى يتكلم عن موديل 2010
هو فيه إختلافات طفيفه جدا ما بين 2010 و 2013 زى قلب الفوانيس الأماميه و بيتهيئلى برده حجم مروحه التبريد و لون التابلوه و جلد الأبواب و نور العدادات و كده
و برده لو حتجيب مستعمل لازم تجرب تسوقها الأول و انت حتعرف حالتها
و فيه بنزينات بيكشفوا على كل حاجه فيها لو خلاص قررت تشترى و بيشوفولك حالت الموتور و الشاسيه و العفشه و بيجيبولك التايهه من الأخر ,, بيفصصوها حته حته عشان ماتتخمش
انا أعرف من البنزينات ديه بنزينه موبيل اللى هى فى الطريق الدائرى المؤدى من مساكن شيراتون لطريق النصر فى مدينة نصر قبل صن سيتى مول ,, دول ناس كويسيين أوى
و ربنا يوفقك