سيبك انتا المهم الرز ابو لبن اللى بالايس كريم كان حلو :)
عرض للطباعة
سيبك انتا المهم الرز ابو لبن اللى بالايس كريم كان حلو :)
انا اشكركك جدا يا استاذ احمد على ذوقك
بالنسبة للفظ الضرب بالجذمه انا هنا بتاكلم مع اصحابى مش مع حد غريب فكلمة ضرب الجزمة دى لازمه عندى مع صحابى فقط !! وعموما ماتزعلش
بالنسبة لصناعة السيارات الصينيه لا الصناعة الصينيه كلها درجات اقلها اللى هى الدرجة العاشرة بتنزل لدول شرق اوسط والمستويات الأولى لدول اوروبا فمينفعش تعمل دراسه على النت لمبيعات العربيات الصينى فى الدول الأوروبية وده لاختلاف المواصفات عن الشرق اوسط فحتبقى دراستك خاطئة وانا باتكلم معاك على فرق الجوده بين سيارة صينى درجة عاشرة وبين عربية 128 ايطالى بلاش الالمانى او مثلا سكودا فليشيا او جولف 2 ودى كلها عربيات قطع غيارها ارخص من الbyd ومعمرة جدا ومتزعلش انا لما بشترى قطعة غيار للفليشيا صينى ببقى قلق جدا وفعلا بتبوظ بسرعة اما قطع الغيار الأصلية بتقعد بال 10 سنين فانا عاوزك تبص للموضوع بوجهه نظرى وربنا يبارك ليك فى عربيتك ويبعد عنك شرها ولك كل التحية والأحترام !!!
:orangeabli::orangeabli::orangeabli:
كان جامد أوى , و قولى بألف هنا :rolleyes2:
مش سيادتك برضه اللى كنت معاك شيرى A11 مستعمله , و كانت مزعلاك :120146b ,
و من يوم ما جبتها والعربية دى معملتش الا حاجة واحدة بتعطل بس وتقريبا غيرت كل حاجة فيها من صبابات
وش سلندر
ترمبة مياه
ترمبة بنزين
كبالن حوالى ثلاث مرات مع انها مودل 2005
مساعدين
كنترول العربية اتغير مرتين
الانجشكن
و كنت عايز تصقطلها موتور جولف
و كان عندك مشكله مع عدم توافر قطع الغيار فل وكيل و اسعارها المتأرجحه
و كان ليك واحد صاحبك مدمن السيارات الأوروبيه و كان يتباهى بها انها احسن من الكورى اللى انت راكبها من حيث الأمان و يوم ما اشتراها قال للراجل ازاى افصل عمل الاير باجز :36_2_33:
و حضرتك دلوقتى راكب اكسنت ار بى و بتحاول تظبطها و تجملها ( ربنا يباركلك فيها )
و كمان عرفت عن حضرتك إعجابك الشديد بالفيرنا و انها من أفضل العربيات اللى ركبتها
.................................................. .................................................. ........................
أولا : متشكر على مرورك علينا هنا فى قسم بى واى دى , و ربنا ما يقطعهالك عاده و نشوفك علطول دايما كده , ماتحرمناش من مشاركاتك و ردودك , و أهلا و سهلا بيك
ثانيا : انا متعاطف معاك بجد على معاناتك مع الشيرى A11 , انا لو مكانك فعلا كنت حقفل من الصينى كله و ممكن لو شفت عربيه صينى ماشيه فى شارع , كنت حمشى انا من شارع تانى هههههههه
لكن خلينا نكون موضوعيين , مش كل الصينى زى بعضه , و اللى حصل معاك ده مش حاله عامه و الدليل ادخل على كل أقسام العربيات الصينى و شوف الناس بتقول ايه , الحقيقه ان قصة سيادتك مع الشيرى كانت من اكثر القصص مأساه ان مكنتش فى الترتيب رقم واحد فى المأسى
لكن بالنسبه للبى واى دى , و مع انتقادى لأداء الوكيل لكن الحمد لله هى عربيه كويسه و شغاله تاكسى الله ينور و قطع غيارها منتشره و رخيصه و متوفره و الميكانيكيه بيفهموا فيها و انا اللى رشحالى فل الاول اصلا كان واحد ميكانيكى و هو اصلا بيشتغل فيها و لا يواجه صعوبات من اى نوع , بالعكس حوض الموتور كبير و الحاجات جوه مش مزنقه فى بعض , يعنى سهل على الميكانيكى يشتغل فيها بسهوله , و مافيهاش حاجه معقده , و العربيه كل ما تحافظ عليها تحافظ عليك و ربنا هو اللى بيستر
و بالنسبه لعربيتك الاكسنت ار بى , فا ربنا يباركلك فيها و يكفيك شرها و عين الناس و على فكره انا متابع موضوعاتك عليها عشان مواضيعك كلها حلوه و مفيده جدا سواء بخصوص ميكانيكية السيارة أو محاولة توضيبها و ترويشها زى ما بيقولوا
و بالنسبه لإعجابك بالفيرنا فهى كانت قدامى و مع ذلك فضلت البى واى دى و لو عايز تعرف القصه , إرجع لأصل الموضوع ده , أول مشاركه ليا فيه , معلش انا كاتب كتير أوى يعنى ممكن تتعب مل قرأه لكن معلش أهو تجربة واحد و يا رب نفيد الناس
تحياتى لك
ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههه يا كبير انتا جبت تاريخ حياتى كله ههههه ابتداء من الشيرى ومرورا بالفيرنا لحد الار بى هههههههه واوعى يكون معاك سيديهات ليه ههههههههههه
ويا باشا شرف ليا انى اتعرف على حضرتك
بس ملحوظة الشيرى كانت زيرو :( وانا مرضتش اكتب حاجة على الصينى علشان والله متزعلش بس طلعت يا كبير عارف كل حاجة
والف هنا على الرز باللبن يارب :bye::bye::bye::bye::bye:
مع حبى واعتزازى للكبير أوى
البى واى دى اف 3 بيركبلها قطع غيار تويوتا و ميتسوبيشى يابانى أصلى عالية الجوده , معمره و إعتماديه و القطع الصينى أرخص ثمنا و متوفر بكثره فل وكيل و بره الوكيل.
الاسكودا فليشيا هى سيارة من الفئه الهاتش باك ,, صغيرة الحجم سواء من حيث اتساع الصالون او الشنطه و ماتورها لا يزيد عن 1300 سى سى
و لكن البى واى دى من فئة السيارات الليموزين متوسطة الحجم تميل إلى الحجم الكبير و متسعه من الداخل سواء الصالون او الشنطه و موتورها ميتسوبيشى 1600 سى سى
مينفعش واحد رايح يشترى عربيه يفاضل بين الاتنين دول اصلا لأن ديه فئه و التانيه فئه تانيه خالص من حيث الحجم و سعة المحرك و بالتالى اسعار قطع الغيار.
إختلاف الفئات بسبب إختلاف ظروف كل واحد , فيه واحد بيسافر , واحد تانى مشاويره كلها جوه المدينه فل زحمه , تالت اسرته صغيره , رابع اسرته كبيره كعدد افراد , واحد مليان و يحب يعض فل عربيه مرتاح .... و هكذا
لو حفاضل بين عربيتين بوجهه نظرك , يبقى لازم الأولى تبقى ليموزين ,متوسطة الحجم شنطه و صالون , و موتور 1600 , ألمانى الصنع , مستعمله , سعرها لا يزيد عن 50000 جم عشان تظبطها ب 20000 كمان تبقى سعرا منافس للبى واى دى
و العربيه التانيه بى واى دى اف 3 , زيرو , و نحط فى إعتبارنا انها بيركبلها قطع غيار تويوتا و ميتسوبيشى يابانى أصلى عالية الجوده , معمره و إعتماديه و القطع الصينى أرخص ثمنا و متوفر بكثره فل وكيل و بره الوكيل.
على فكره انا مش جى من كوكب تانى , انا مصرى و عايش فى مصر و كل المخاوف اللى عند المصريين بخصوص السيارات و بالأخص الصينى فهى عندى أكيد
و انا لما كنت بفاضل بين العربيات , لقيت عربيه منتشره تاكسى بغزاره ( يعنى عربيت شغل و خدمه ) و سألت عليها و دخلت على المنتديات و قرأت عنها
و لقيتها تتفوق على منافسيها فى اتساع الصالون و الشنطه و الثبات و الرسو على السرعات و الملفات و جمال الشكل من الخارج و الداخل و اوبشنتها ,, و مش مزروته و نص الشعب المصرى جايبها
و اخيرا رسيت عليها و الحمد لله
انا جتلك بيتك
التوكيل طلب منى 3100
لتغيير
2 مساعد خلفنى
2 طنابير + تيل امامى
جلب مقصات امامى
فرشة مساحات
متعرفش المساعدين الخلفى والامامى بكام
وياسلام لو تعرف العربية لو اخدت حزام دهان شامل الكبوت والشنطة تكلف كام
stop :36_8_1[1]:
وقف تصوير ..........................
ايه يا استاذ , ايه اللى جابك هنا ,,, ده استوديو تصوير برنامج "ليه اشتريت البى واى دى 2013"
السؤال عن أسعار قطع الغيار بيبقى فى البرامج التانيه , انت جيت هنا غلط
بس عامتا ماتزعلش حرد عليك برضه
أسعار الوكيل
مساعد خلفى 310 جم
تيل امامى 100 جم
طنبور امامى 136 جم
مقص امامى 200 جم
ريش مساحات 50 جم
مساعد امامى 380 جم
مساعد خلفى 310 جم
و ديه خلى بالك اسعار الوكيل أصلى من غير المصنعيه
الدهان مش عارف
و اهلا بيك فى اى وقت و فى اى مكان
اسعار الوكيل طبعا هى القطع الصينى والعفشة بالنسبة للسيارة موش بطالة ابدا وجودتها عالية فى حدود الاستخدام المعقول الذى يهدف للحفاظ على السيارة وليست اهانتها
لكن انا لى راى اخر شوف اسعار القطع اليابانى من محل موثوق فيه تبقى كام واستخير ربنا وتوكل على الله
لكن فيه احد الاخوة فى المنتدى اشترى حاجات يابانى وخربت بعد كام اسبوع بسبب الغش التجارى فهل ناوى تشترى قطع تويوتا تويوتا من الوكيل علشان تبقى ضامنها انا رايي ده الافضل حتى ولو غالية
انا معايا فى السعودية كورولا 2010 بفضل الله مطلع عين اللى خلفوها زيرو ودلوقت 33 الف عاملهم والعافشة والمساعدين ماشاء الله كانك لسة مستلمها دلوقت
تقبل تحياتى