هل يمكن ان احول سيارة حديثة الى الغاز بامان لارتفاع البنزين-مناقشة

سلام عليكم اخوانى بتاكيد كلنا نعرف اننا مقبلين على ارتفاع سعر البنزين اجلا ما عاجلا وسيكون لك حصة معينة بدعم وبعدها طبعا هتدفع ما لا يطيق بنزين !!!

وسوال ................
هل يمكن احول سيارة حديثة نوعا ما بداية من عام 2005( طبعا انتم عارفين فى مصر 2005 يعتبر حديث نظرا لتردى الاقتصاد:E_braces[1]: ونص عربيات مصر اصلا من تمانيات شغالة)

احولها الى سيارة تعمل بالغاز اى كان نوعها ؟؟

وما المشاكل المترتبة على ان السيارة هتكون بالغاز وليس بالبنزين ؟؟ هل سيؤثر على عمر الموتور او هناك اسلوب معين لتخطى تلك العقبة ؟ وتكون سيارة بامان تام ؟؟

وكم نكلفتها ؟؟

وسوال اخر رجاء لا تهملوا الرد فية رجاء (بشوف صف كبير طويل من عربيات تاكسى بتمول غاز فى محطات الغاز فهل لو عربيتى بقت غاز هقف فى نفس الطابور الطويل دة ام ان السيارات الملاكى لية معاملة خاصة ؟؟)


اللى جرب الغاز يحكى عن تجربتة الشخصية ؟؟

بص حضرتك كل أنواع الوقود هتغلى لأن الدعم بيتشال تدريجيا عنه فلا تستبعد ان سعر الغاز يزيد. بالنسبه لتحويل السياره الى غاز الأكيد زى ما بنشوف فى السيارات الاجره انك هتفقد شنطه العربيه لان هيتحط فيها اسطوانه الغاز ده بالاضافه الى ان السحب هيبقى اقل من البنزين . بالنسبه الطوابير حضرتك هتقف فيها عادى فى انتظار دورك و سمعت ان الغاز بيأثر على العمر الافتراضى للموتور و لكن ليس عندى تأكيد للمعلومه لأنى مش مركبه . فى رأيي انه مع ارتفاع البنزين هنبقى محتاجين نستخدمه لكن مع ترشيد فى الاستخدام . يعنى نحاول نقلل من استخدام السياره و الاعتماد على بعض وسائل النقل التانيه المتاحه قدر الإمكان او الاتفاق على الذهاب للعمل بسياره واحده مع الزملاء و حاجات زى كده يعنى

العربيه مادامت عدت عليها سنتين يبقى تقدر تغير لغاز وانته مطمأن
عشان بيكون طبقة الكربون اللى داخل السليندر اتكونت
ف2005 ممتازة وكمان الغاز حايوفر معاك كتير لو مشويرك كتيرة

طيب مفيش حد جرب الغاز يحكبنا تجربتة

اقتباس:

---

المشاركة الأصلية كتبت بواسطة land_cruiser

بص حضرتك كل أنواع الوقود هتغلى لأن الدعم بيتشال تدريجيا عنه فلا تستبعد ان سعر الغاز يزيد. بالنسبه لتحويل السياره الى غاز الأكيد زى ما بنشوف فى السيارات الاجره انك هتفقد شنطه العربيه لان هيتحط فيها اسطوانه الغاز ده بالاضافه الى ان السحب هيبقى اقل من البنزين . بالنسبه الطوابير حضرتك هتقف فيها عادى فى انتظار دورك و سمعت ان الغاز بيأثر على العمر الافتراضى للموتور و لكن ليس عندى تأكيد للمعلومه لأنى مش مركبه . فى رأيي انه مع ارتفاع البنزين هنبقى محتاجين نستخدمه لكن مع ترشيد فى الاستخدام . يعنى نحاول نقلل من استخدام السياره و الاعتماد على بعض وسائل النقل التانيه المتاحه قدر الإمكان او الاتفاق على الذهاب للعمل بسياره واحده مع الزملاء و حاجات زى كده يعنى

---

انا مع راي حضرتك ..

نرجو الافادة اكثر ممن لهم تجربة عملية نع الغاز

الملاكى ليه معامله خالص فى التموين يعنى بيدخل على طول لان بيكون ليه طرمبه لوحده

اشكرك على الدر ريحت قلبى من جهة الزحمة فى التمويل

بس برضة اية افضل سيارة ممكن تتحمل الغاز لانة سمعت انة بيسخن العربية

اقتباس:

---

المشاركة الأصلية كتبت بواسطة m707707

اشكرك على الدر ريحت قلبى من جهة الزحمة فى التمويل

بس برضة اية افضل سيارة ممكن تتحمل الغاز لانة سمعت انة بيسخن العربية

---

اللي قالك يا فندم أعطاك معلومة مش صحيحة ... و العلم كله عند الله .

الغاز بيخرج طاقة أقل من البنزين أصلا (فأزاي هايخلي العربية تسخن أكتر من البنزين ؟ )

مشاكل الغاز تتلخص في مخرجاته اللي بتأثر على حوائط البساتم و على ما أعتقد أنه بينتج كبريت وده اللي بيأثر على عمر الموتور الأفتراضي .

اللي عرفته من ناس محول لغاز خارج مصر و داخل مصر الآتي :

1 العربية بتستهلك غاز أكتر من البنزين لنفس المسافة نظرا لكمية الطاقة الأقل المنتجة و لكن لرخص سعر الغاز بيتم تعويض الفارق في السعر .
2 يؤثر سلبيا على عمر المحرك (على المدى البعيد قوي ) يعني مثلا ممكن يخليك تعمل عمرة عند 200 ألف كم بدلا من 250 ألف كم .... ده مثال فقط توضيحي .
3 مساحة الشنطة الخلفية بتضيع في الأسطوانة الكبيرة ..... بالاضافة لخطورتها لو حصل حادث من الخلف و ممكن تنفجر (و لكن ده معرضله تانك البنزين برضه )
4 قلة محطات الغاز مقارنة بمحطات البنزين ...


آخر حاجة بقى ... مفيش حاجة أسمها أحسن سيارة تستحمل و سيارة مش بتستحمل .
كلهم بيستحملوا الأهم تراعي الطريقة الخاصة بقيادة سيارات الغاز و هي كالآتي :
تدور الصبح بالبنزين و تسير 10 كم مثلا و بعدين تقلب غاز
لما تبطل العربية تقلب بنزين الأول و بعدين تبطل

و الله أعلم .......أنا مجربتش بنفسي و لكن أبحاث بريطانية أسترالية قرأتها بالاضافة لكلام سمعته من سواقين .

اقتباس:

---

المشاركة الأصلية كتبت بواسطة m707707

اشكرك على الدر ريحت قلبى من جهة الزحمة فى التمويل

بس برضة اية افضل سيارة ممكن تتحمل الغاز لانة سمعت انة بيسخن العربية

---

معلومة غير اكيده كل ما تحتاجه السيارة بعد تركيب الغاز تنظيف فلتر الهواء باستمرار وتغيير البوجيهات .
وافضل سيارة تتوافق مع الغاز الفيرنا لان ماتورها شديد والبودي ضعيف فالغاز بيعمل عمليه توازن غير مقصود .
وبخصوص سحب السيارة يتم رفع معدل السحب من خلال الكمبيوتر لو سيارة حديثه تعمل بالحقن واعلي نظام في الغاز البالغ 6500 جنيه سنكونشن .
وبخصوص تركيب الغاز لو فعلا مشوارك كبيرلازم تركب غاز هيوفر معاك كتير لاكن لو مشوارك عادي او متوسط يبا بلاش منه .
وموضوع التاثير في العمر الافتراضي للماتور هيكون في صالح الغاز لانه ببساطه لو وصلت لمرحله تعمير الماتور لو ماشي بنزين يبقي في حاله الغاز تغيرة احسن بفرق السعر بين البنزين والغاز علي مدار متوسط مصثلا 7 سنوات بالنسبه للسيارات الحديثه لاني اعرف واحد حاطط غاز في سيارة ملاكي من سنه 2000 وشال الجهاز وحته في سيارة احدقث وعمرة ما اشتكي منه خلال كل هذا السنوات والجدير بالذكر انه بيقول ان سيارته بتسحب علي الغاز احسن من البنزين ولذلك بتشجيعه قمت بعمل الغاز في نيسان صني 2007 وبجد الفرق ملحوظ مع اول شهر استخدام لان مشواري كبير وكمان السحب كويس مش فارق الا حجات بسيطه لا تذكر وبخصوص مساحة الشنطة كاستخدام كامل المساحة وده مش بيحصل الا في حاله السفر وده غالبا مرة او مرتين في السنه ممكن اجيب شبكه احطها في حاله السفر ب 120 جنيه ولما ارجع اشيلها .
ده تحديدا كل نقاط الاستفسار عن الغاز ولو في اي مشاكل قابلتها هبقا اقولها للافاده .
بس حقيقي في ظل غلاء البنزين والازمات المفتعله وقرار توزيع البونات له يبقي الغاز نعمه من كل المقاييس حتي لو زاد سعره لان سعره منخفض مقارنتا بالبنزين

اقتباس:

---

المشاركة الأصلية كتبت بواسطة tutankhamoun

اللي قالك يا فندم أعطاك معلومة مش صحيحة ... و العلم كله عند الله .

الغاز بيخرج طاقة أقل من البنزين أصلا (فأزاي هايخلي العربية تسخن أكتر من البنزين ؟ )

مشاكل الغاز تتلخص في مخرجاته اللي بتأثر على حوائط البساتم و على ما أعتقد أنه بينتج كبريت وده اللي بيأثر على عمر الموتور الأفتراضي .

اللي عرفته من ناس محول لغاز خارج مصر و داخل مصر الآتي :

1 العربية بتستهلك غاز أكتر من البنزين لنفس المسافة نظرا لكمية الطاقة الأقل المنتجة و لكن لرخص سعر الغاز بيتم تعويض الفارق في السعر .
2 يؤثر سلبيا على عمر المحرك (على المدى البعيد قوي ) يعني مثلا ممكن يخليك تعمل عمرة عند 200 ألف كم بدلا من 250 ألف كم .... ده مثال فقط توضيحي .
3 مساحة الشنطة الخلفية بتضيع في الأسطوانة الكبيرة ..... بالاضافة لخطورتها لو حصل حادث من الخلف و ممكن تنفجر (و لكن ده معرضله تانك البنزين برضه )
4 قلة محطات الغاز مقارنة بمحطات البنزين ...


آخر حاجة بقى ... مفيش حاجة أسمها أحسن سيارة تستحمل و سيارة مش بتستحمل .
كلهم بيستحملوا الأهم تراعي الطريقة الخاصة بقيادة سيارات الغاز و هي كالآتي :
تدور الصبح بالبنزين و تسير 10 كم مثلا و بعدين تقلب غاز
لما تبطل العربية تقلب بنزين الأول و بعدين تبطل

و الله أعلم .......أنا مجربتش بنفسي و لكن أبحاث بريطانية أسترالية قرأتها بالاضافة لكلام سمعته من سواقين .

---

بخصوص انفجاز اسطوانه الغاز ودي معلومة غير صحيحة لان ثمن تركيب الغاز ليس ثمن الجهاز بل لان الاسطوانه مختبره علي اعلي مستوي ضد الحريق وتم اختبارها تحت الضغط وايضا ضد الرصاص وطبعا كله بتاع ربنا وارد يحصل اي شي

انا كنت مركب الغاز عندى فى العربية القديمة الملاكى


اولا سعر الغاز اقل كتير جداااااا 45 قرش للمتر الكعب

بالنسبة للمسافه الى ممكن اسطوانة الغاز تمشيك مقارنة بالتانك البنزين

لازم نعرف ان فى احكام للاسطوانات انت بتنقى انى واحده تركب او على حسب وسع الشنطة عندك
فى 70 .80.90 متر اسطوانات مختلفة الاحجام يعنى

بس لازم تكون المكنة كويس علشان الغاز حاااااامى

يعنى الطاقة بتاعته تعادل او تكاد تعادل بنزين 95
ايوة انت قريتها صح بنزين 95 ابو 6 جنيه
و اىل قال ان العربية لازم فعلا تكون عدى عليها مده و هى بتستخدم بنزين عادى علشان تتحول غاز الكلام ده سليم

حتى التاكسى بيشغل العربية الصبح ساعتين ببنزين 80 علشان يعمل طبقة كربون اسمها يكربن المكنه و بعدين يقلب على الغاز عدل باقى اليوم عادى


محطات الغاز بقا انت كملاكى لك مكنة مخصوصة لييك متلاقيش تاكسى بيمون منها

الغاز مش ممكن يخلص او تلاقى محطة غاز مشطبة غاز
علشان المحطات دى بتكون جايلها مواسير زى الكرباء كده مستمرة (ممكن لو فيها صيانة او حاجه يعنى طارئة)
و حسب المكان الى انت ساكن فيه محطات غاز ولا لا

يعنى مثلا فى المنصورة محطات الغاز تقريباا اكتر من محطات الينزين من غير مبالغه




عيوب بقا ان الشنطة حجمها يقل
الدوارة الصبح يتغيب لو انت راكن العربية على الغاز
صيانات الغاز لازم فى محطات الصيانة المعتدمه فقط ولا مفيش صنايعى يقدر يهوب ناحية جهاز الغاز اطلاقا
بتمون عن طريق فتح الكبوت يعنى هيتفتح و يتقفل كتير
الاسطوانة بتتقل العربية من ورا

انا والدى عنده عربيه بيجو مو 86 وحولها لغاز من فترة طويله جداً
المميزات:
1- توفير كبير جداً. التانك 20 متر مكعب بتشحن ب 9 جنيه
العيوب:
2- السحب بيقل
3- مشاكل فى التهويه الخاصه بالموتور عشان الغاز تقريباً مبيحتجش هواء زى البنزين فى دائرة الاحتراق
بس فى المجمل التوفير يغطى اى مشاكل بصراحه
عندى سؤال هل الكلام ده ينفع فى عربيه المانى ولا لأ عشان انا عندى VW Bora وعايز اعمل نفس القصه لو حد جرب مع العربيات الالمانى يعرفنا.

سبحانك اللهم وبحمدك اشهد ان لا اله الا انت استغفرك واتوب اليك

اقتباس:

---

المشاركة الأصلية كتبت بواسطة mohamedrabia

معلومة غير اكيده كل ما تحتاجه السيارة بعد تركيب الغاز تنظيف فلتر الهواء باستمرار وتغيير البوجيهات .
وافضل سيارة تتوافق مع الغاز الفيرنا لان ماتورها شديد والبودي ضعيف فالغاز بيعمل عمليه توازن غير مقصود .
وبخصوص سحب السيارة يتم رفع معدل السحب من خلال الكمبيوتر لو سيارة حديثه تعمل بالحقن واعلي نظام في الغاز البالغ 6500 جنيه سنكونشن .
وبخصوص تركيب الغاز لو فعلا مشوارك كبيرلازم تركب غاز هيوفر معاك كتير لاكن لو مشوارك عادي او متوسط يبا بلاش منه .
وموضوع التاثير في العمر الافتراضي للماتور هيكون في صالح الغاز لانه ببساطه لو وصلت لمرحله تعمير الماتور لو ماشي بنزين يبقي في حاله الغاز تغيرة احسن بفرق السعر بين البنزين والغاز علي مدار متوسط مصثلا 7 سنوات بالنسبه للسيارات الحديثه لاني اعرف واحد حاطط غاز في سيارة ملاكي من سنه 2000 وشال الجهاز وحته في سيارة احدقث وعمرة ما اشتكي منه خلال كل هذا السنوات والجدير بالذكر انه بيقول ان سيارته بتسحب علي الغاز احسن من البنزين ولذلك بتشجيعه قمت بعمل الغاز في نيسان صني 2007 وبجد الفرق ملحوظ مع اول شهر استخدام لان مشواري كبير وكمان السحب كويس مش فارق الا حجات بسيطه لا تذكر وبخصوص مساحة الشنطة كاستخدام كامل المساحة وده مش بيحصل الا في حاله السفر وده غالبا مرة او مرتين في السنه ممكن اجيب شبكه احطها في حاله السفر ب 120 جنيه ولما ارجع اشيلها .
ده تحديدا كل نقاط الاستفسار عن الغاز ولو في اي مشاكل قابلتها هبقا اقولها للافاده .
بس حقيقي في ظل غلاء البنزين والازمات المفتعله وقرار توزيع البونات له يبقي الغاز نعمه من كل المقاييس حتي لو زاد سعره لان سعره منخفض مقارنتا بالبنزين

---

شكراً للإفادة ولكن هل هناك نوع معين من الزيت يتم استخدامه للسيارة

اقتباس:

---

المشاركة الأصلية كتبت بواسطة sasa3

انا كنت مركب الغاز عندى فى العربية القديمة الملاكى


اولا سعر الغاز اقل كتير جداااااا 45 قرش للمتر الكعب

بالنسبة للمسافه الى ممكن اسطوانة الغاز تمشيك مقارنة بالتانك البنزين

لازم نعرف ان فى احكام للاسطوانات انت بتنقى انى واحده تركب او على حسب وسع الشنطة عندك
فى 70 .80.90 متر اسطوانات مختلفة الاحجام يعنى

بس لازم تكون المكنة كويس علشان الغاز حاااااامى

يعنى الطاقة بتاعته تعادل او تكاد تعادل بنزين 95
ايوة انت قريتها صح بنزين 95 ابو 6 جنيه
و اىل قال ان العربية لازم فعلا تكون عدى عليها مده و هى بتستخدم بنزين عادى علشان تتحول غاز الكلام ده سليم

حتى التاكسى بيشغل العربية الصبح ساعتين ببنزين 80 علشان يعمل طبقة كربون اسمها يكربن المكنه و بعدين يقلب على الغاز عدل باقى اليوم عادى


محطات الغاز بقا انت كملاكى لك مكنة مخصوصة لييك متلاقيش تاكسى بيمون منها

الغاز مش ممكن يخلص او تلاقى محطة غاز مشطبة غاز
علشان المحطات دى بتكون جايلها مواسير زى الكرباء كده مستمرة (ممكن لو فيها صيانة او حاجه يعنى طارئة)
و حسب المكان الى انت ساكن فيه محطات غاز ولا لا

يعنى مثلا فى المنصورة محطات الغاز تقريباا اكتر من محطات الينزين من غير مبالغه




عيوب بقا ان الشنطة حجمها يقل
الدوارة الصبح يتغيب لو انت راكن العربية على الغاز
صيانات الغاز لازم فى محطات الصيانة المعتدمه فقط ولا مفيش صنايعى يقدر يهوب ناحية جهاز الغاز اطلاقا
بتمون عن طريق فتح الكبوت يعنى هيتفتح و يتقفل كتير

الاسطوانة بتتقل العربية من ورا

---

الغاز افضل من بنزين 95 كمان لان نسبه الاوكتان فيه بتوصل ل110 % بس للاسف لان مفيش محركات بتوصل لنسب انضغاط عاليه تناسب الاوكتان العالى ده فعلشان كده القدره بتقل لان المحركات دى اساسا غير مصممه للعمل على الغاز بسبب نسب الانضغاط الغير كافيه للغاز


المفرود الدوله تحاول تاخد خطوات فى حكايه محركات الغاز دى علشان كده احنا مش بنستفيد بالطاقه اللى عندنا دى
ده فى ايطاليا بيعملوا محركات مخصوصه للغاز وكمان اتغلبوا على مشكله ان الغاز حامى على المحرك بأنهم بيرشوا جدار الاسطوانه بطبقه من ماده السراميك لانها علشان تتحمل الحراره العاليه

اقتباس:

---

المشاركة الأصلية كتبت بواسطة besso

الغاز افضل من بنزين 95 كمان لان نسبه الاوكتان فيه بتوصل ل110 % بس للاسف لان مفيش محركات بتوصل لنسب انضغاط عاليه تناسب الاوكتان العالى ده فعلشان كده القدره بتقل لان المحركات دى اساسا غير مصممه للعمل على الغاز بسبب نسب الانضغاط الغير كافيه للغاز


المفرود الدوله تحاول تاخد خطوات فى حكايه محركات الغاز دى علشان كده احنا مش بنستفيد بالطاقه اللى عندنا دى
ده فى ايطاليا بيعملوا محركات مخصوصه للغاز وكمان اتغلبوا على مشكله ان الغاز حامى على المحرك بأنهم بيرشوا جدار الاسطوانه بطبقه من ماده السراميك لانها علشان تتحمل الحراره العاليه

---

انا سيارتي بيجو 3008 موديل 2011 موتور تيربو 1600 انا طبعا اعمل بالخليج وكنت ناوي انزل السيارة مصر بس بعد ارتفاع سعر بنزين 95 في مصر مش عارف اعمل ايه ؟ مكتوب في الكتالوج بتاع السيارة وعلى غطاء البنزين بنزين 95-98 فهل موضوع الغاز دا يبنفع مع المواتير التيربو ولا لأ ؟ نرجو من اهل الخبرة افادتنا . ولكم جزيل الشكر

عندي اتنين من الاصدقاء الاول معاه لادا 2007 يوميا من السيدة زينب
الي مدينه نصر
وفي يوم كبرت في دماغه ورحنا علي محطة الماظة وتم تحديد ميعاد للتركيب
كان بيمون 20 لتر بنزين 90 مرتين بالاسبوع
بعد الغاز بقي بيتكلف التموين اسبوعيا حوالي 7.5 جم
تخيلوا 7.5 اسبوعيااااااااااااااااااا اا
المهم التاني كان بيتريق عليه لما يدخل يمون يفتح الشنطة وغطاء الكبوت
التاني ده بقي كان مشتري اوبترا
جاء في يوم قاللي ايه رأيك اقلب غاز سألته ليه ؟؟
قاللي شكل البنزين اسعاره ح تولع
رحنا علي الشركة وتم تحديد ميعاد ولقيت التكلفة وصلت مايقرب من 7000
قلت له انا شايف المبلغ جامد ح يعوض معاك
اتضح انهم اسبوعيا بيسفروا للبلد بعد القناطر وهو شغله في المعادي وساكن
بمدينه نصر
عرفت منه ان عبئ التكلفة اسبوعيا معاه لا يتجاوز 25 جنيه
وهو مواظب علي الصيانه بالشركة في الماظة ويستخدم زيوتهم
عيب عربيتي انها 128 ومريحاني لكن بفكر فعلا الانتقال الي لادا
بحالة جديدة جدا وتكون مكيفة وادخل علي الدور ده
بس مشكلتي في سعه الشنطة بتبقي بخ

رجاء المتابعة لتجاربكم مع الغاز

انا اللى اعرفة ان الغاز بيركب للعربيات الكاربراتير فقط ومش بيركب للانجكشن علشان كدة انا عملت حسابى واشتريت عربية كاربراتير و شنطتها واسعة يمكن احب اركب فيها غاز فى يوم من الأيام وعلشان كدة التاكسى الادا الأنجكشن بيقلبها كاربراتير علشان يركب عليها غاز ؟؟؟

اقتباس:

---

المشاركة الأصلية كتبت بواسطة aw2100

انا اللى اعرفة ان الغاز بيركب للعربيات الكاربراتير فقط ومش بيركب للانجكشن علشان كدة انا عملت حسابى واشتريت عربية كاربراتير و شنطتها واسعة يمكن احب اركب فيها غاز فى يوم من الأيام وعلشان كدة التاكسى الادا الأنجكشن بيقلبها كاربراتير علشان يركب عليها غاز ؟؟؟

---

معلومة خطأ للاسف - الغاز بيركب على الكاربراتير والانجيكشن - الانجيشكن جهاز مختلف أعلى 700 جنيه تقريبا

اقتباس:

---

المشاركة الأصلية كتبت بواسطة ibrahimzeid

انا سيارتي بيجو 3008 موديل 2011 موتور تيربو 1600 انا طبعا اعمل بالخليج وكنت ناوي انزل السيارة مصر بس بعد ارتفاع سعر بنزين 95 في مصر مش عارف اعمل ايه ؟ مكتوب في الكتالوج بتاع السيارة وعلى غطاء البنزين بنزين 95-98 فهل موضوع الغاز دا يبنفع مع المواتير التيربو ولا لأ ؟ نرجو من اهل الخبرة افادتنا . ولكم جزيل الشكر

---

بالنسبه للمواتير التربو معنديش معلومه يافندم
بس ممكن حضرتك تستفسر من شركه gastec

Gastec

موضو متميز جدااااا - اشكر صاحبه

هو فعلاً الواحد بدأ يفكر فى التحويل بعد رفع الدعم - لذلك و حتى اتجنب مشاكل السحب ومساحة الشنطة بفكر اشترى عربية قديمة مرسيدس عمثلا تكون 2000 او 2300 سى سى ، واحولها لغاز .......... ايه رأى السادة الافاضل؟

تقبلوا تحياتى
وائل حسين

اقتباس:

---

المشاركة الأصلية كتبت بواسطة whm

موضو متميز جدااااا - اشكر صاحبه

هو فعلاً الواحد بدأ يفكر فى التحويل بعد رفع الدعم - لذلك و حتى اتجنب مشاكل السحب ومساحة الشنطة بفكر اشترى عربية قديمة مرسيدس عمثلا تكون 2000 او 2300 سى سى ، واحولها لغاز .......... ايه رأى السادة الافاضل؟

تقبلوا تحياتى
وائل حسين

---

نفس تفكيري ومنتظر الاراء

الناس نامت ليه؟؟؟؟؟؟؟؟؟؟؟؟؟؟؟؟؟

السيارات الجديدة قطعا متنفعش ... المحرك البنزين أصلا مختلف عن الديزل في كل حاجة ... البنزين أصلا محتاج Compression Ration اقل عن الغاز .. والكلام ده بيسحل في غرفة الاحتراق...

.. ده غير طبعا إن البساتم في المحرك البنزين ليها خرطة مختلفة .. والتوقيت بتاع الValves مختلف ... وفي حاجات كتيرة بس أنا مليش في الميكانيكا

وحاجة بقى كمان ... لما العربية يحصلها حاجة .. تتوقع التوكيل هيرضى يدخلها ؟ طبعا لأ ... يقولك إنت لعبة في العربية مالناش دعوة ...

اقتباس:

---

المشاركة الأصلية كتبت بواسطة Mohamed_Nafie

السيارات الجديدة قطعا متنفعش ... المحرك البنزين أصلا مختلف عن الديزل في كل حاجة ... البنزين أصلا محتاج Compression Ration اقل عن الغاز .. والكلام ده بيسحل في غرفة الاحتراق...

.. ده غير طبعا إن البساتم في المحرك البنزين ليها خرطة مختلفة .. والتوقيت بتاع الValves مختلف ... وفي حاجات كتيرة بس أنا مليش في الميكانيكا

وحاجة بقى كمان ... لما العربية يحصلها حاجة .. تتوقع التوكيل هيرضى يدخلها ؟ طبعا لأ ... يقولك إنت لعبة في العربية مالناش دعوة ...

---

مع كامل الاحترام لحضرتك يا فندم - أتمنى ان المعلومات الي أي حد يقدمها إما يكون متأكد منها او يذكر صراحة انه رأي أو اعتقاد شخصي

فيه نقط كتير الغاز فيها مش مثالي لماتور البنزين لكن مش منها Compression Ration لأن على حسب معلوماتي - رقم الاوكتان للغاز أعلى من البنزين يعني كأنك بتحط بنزين 95 في عربية 92 - وده شئ جيد مش سئ - وبالنسبة لغرفة الاحتراق - انت بتتوصل على كمبيوتر أثناء التركيب لضبط الشرارة على التوقيت المثالي مع الغاز وده بيحسن من الاداء ويقلل الفاقد اثناء استخدام الغاز

بالنسبة لخراطيم الوقود - انظمة الغاز الآن لها خراطيم مستقلة تماما ورشاشات منفصلة عن رشاشات البنزين وده بيحمي رشاشات البنزين الي كانت بتتعب من التحويل بين الغاز والبنزين في انظمة التحويل القديمة

مشاكل الغاز الي تقدير خسائرها بيختلف بين شخص لآخر واستخدام لآخر وسيارة لآخرى أقدر ألخصها للي يحب
حجم الاسطوانة
خروج الماتور على الاقل "والسيارة بالكامل في بعض التوكيلات" من الضمان
ضعف السحب بنسبة لا تتجاوز 10% على المطالع
تأثير العمر الافتراضي للماتور بنسبة لا تتجاوز ايضا 5%

ولو فيه استفسارات مجاتش في بالي ممكن حد يساعدني ويذكرها أبقى شاكر جدا

للاسف الغاز بيدمر المحرك وبيجيب اجلة بدري ولو حسبتها الفلوس الي هتوفرها من الغاز هتصرفها كل سنة في عمرة يبقي بلاها احسن

اقتباس:

---

المشاركة الأصلية كتبت بواسطة m i d o

للاسف الغاز بيدمر المحرك وبيجيب اجلة بدري ولو حسبتها الفلوس الي هتوفرها من الغاز هتصرفها كل سنة في عمرة يبقي بلاها احسن

---

يا فندم انا مشيت بالغاز 100 الف كيلو خلال سنتين والماتور لم أشعر للحظة انه اتأثر للحظة من استخدام الغاز - فالقصة سخيفة ومش الطف حاجة أكيد ولكنها مش سوداء وعمرة كل سنة والكلام ده

واضح كده من الاراء اللى سمعتها من ناس كتير هنا فى المنتدى وبره
انها التأثير بيختلف من عربيه للتانيه ويمكن كمان طريقه السواقه بتأثر بردو

اقتباس:

---

المشاركة الأصلية كتبت بواسطة sh_sunsea

يا فندم انا مشيت بالغاز 100 الف كيلو خلال سنتين والماتور لم أشعر للحظة انه اتأثر للحظة من استخدام الغاز - فالقصة سخيفة ومش الطف حاجة أكيد ولكنها مش سوداء وعمرة كل سنة والكلام ده

---

والله دة كلام واحد جاري معاة عربية اسبرانزا 516 حولها غاز وبعد فترة سقطلها مكنة جديدة

اقتباس:

---

المشاركة الأصلية كتبت بواسطة m i d o

والله دة كلام واحد جاري معاة عربية اسبرانزا 516 حولها غاز وبعد فترة سقطلها مكنة جديدة

---

لا أدعي ان الكلام ده مستحيل - لكن للاسف احنا دائما بنعتقد اننا بنفهم أكتر من الناس الي بيشرحولنا الحاجة وبيعملوها لنا

التحويل للغاز له عيوبه بالطبع - وفيه خطوات في منتهى الخطورة عدم التقيد بها - وهي انك تمشي الصبح بنزين لحد ما الماتور يوصل لدرجة الحرارة الطبيعية على العداد قبل ما تحوله للغاز - وترجعه تاني بنزين قبل ما تقفل العربية 4-5 دقايق ولو نسيت دور العربية تاني وخليك واقف 2-3 دقايق وارجع اقفل تاني - القاعدة دي ممكن تدمر الماتور تماما

هل تتخيل ان كان فيه ناس بتركب انبوبة البوتجاز مكان انبوبة الغاز في الشنطة توفيرا للنفقات في العربيات القديمة - وده السبب ان من العادة لما تقف في محطة الغاز لازم تفتح الشنطة قبل ما تفتح الكبوت علشان الراجل يتأكد من اسطوانة الغاز الي انت مركبها مطابقة للمواصفات

سمعت انها حصلت قبل كده فى اسكندريه والانبوبه انفرجت

مش عارف حقيقى ولا لا