السلام عليكم
دلوقتى مع بحثى عن موضوع تنضيف دورة التبريد بملح الليمون لقيت انها فعلا مستخدمة لكن مع التفكير لقيت ان دورة الملح دى ممكن توصل لاجزاء الومنيوم ودا غلط جدا جدا جدا جدا.
ليه بقى؟؟!
ملح الليمون عبارة عن الحالة الصلبة من حمض السيتريك وهو حمض شديد التفاعل مع الالومنيوم فأيه الحل بقى معاه؟!
الحل انك توصله للتخفيف لنسبة 5% النسبة دى انا لقيت الكيميائيين بيتكلموا عنها وبيأكدوا انه نسبة كافية للحفاظ على الالومنيوم من التآكل.
طب ازاى نخففه للنسبة دى؟؟!
حضرتك هتجيب ب2 جنيه ملح لمون من عند اى عطار هيديك 120 جرام .
عشان تحضر واحد مولار من الملح ده
فى واحد ليتر
يبقى يكون عندك وزنه أد 192 جرام
تمام
لكن إحنا عايزين 5 %
يبقى اضرب 192.12X 0.05
هيطلعلك كام 9.606 جرام لكل لتر ماء عشان توصل للتخفيف 5% يعنى تقريبا لو هتضيف لتر واحد هتخلها 10 جرام ويفضل انك ما تزودش لكن تقلل
يعنى انا فى دورة التبريد ناوى اضيف 4 لتر من المحلول دا فاهحط [ 4 لتر ماء ×9.606 جرام ملح] =38.5 جرام من محلول الملح
طبعا لازم تعمل المحلول فى جركن ومش تضيف الملح على القربة علطول عشان تضمن ان التخفيف على كل المحلول ولا احتجت اقل من المحلول فكدا كدا المحلول5% تركيز
الرجاء لمن يستفيد ان يدعوا لى بظاهر الغيب بالزوجة الصالحة
المفضلات