مشكله غريبه فى لانسر كريستاله 1600cc اوتوماتيك

**dr_brave_heart** · 01-07-2013 06:26 PM

السلام عليكم ورحمه الله وبركاته

احب احيي المنتدى بجد مفييد لدرجه كبيرة جدا
انا اشتريت لانسركريستاله ( جامبو او ميراج ) 1998 اوتوماتيك كامله من شهر وقبلنى مشكلتين اغرب من بعض

الاولى : مشكله مع التكييف لما اشغل التكيف واكون ماشي بحس طبعا ان العربيه مخنوقه وده طبعا لانه تحميل على الموتور عادى لكن لو مثلا بطأت عند مطب والتكيف شغال العربيه ممكن تبطل منى واذا مبطلتش بحس انها بتنتش لما باجى ازود بعد المطب بنزين فبفصل التكيف واشغله تانى عشان اعدى المطب .. روحت لبتاع التكيف قاللى خلى ميكانيكى يعدلك فاكيوم روحت لللميكانيكى قولتله بتاع التكيف قاللى عدل فاكيوم عشان العربيه متفصلش وانا ماشي والتكيف شغال رد عليا وقاللى ايه الطريقه البلدى دى وزود هوا المكنه وقاللى جربها يوم كده وعرفنى مكملتش المشوار من عنده ونفس المشكله حصلت طبعا جبت اخري ومرجعتش ليه لانى مكنتش فاضى قولت اخد رايكم الاول بدل اللف على الفاضى

المشكله التانيه : لسه نفسى افهمها هيا غالبا فى الفتبس الاوتوماتيك هيا لما بشغل العربيه واجى انقل r العربيه بتنتش جامد وممكن تبطل كمان ولازم اسخنها كويس واحرك الفتيس بين الغيارات كذا مرة واحاول تانى بتنش برضه بس ال r اكتر حاجه وممكن تبطل تانى
ميكانيكى لما شافها وانا عنده قاللى غير فلتر ...غيرت فلتر وزيت فتيس وجبت فلتر اصلى واغلى زيت
بس المشكله متحلتش كنت بشيك على العفشه وشغلت وماشي من عند العفشجى بدى r العربيه نتشت وفصلت قدامه قالى افتح الكبوت قاللى انقل نقلت والنتش شغال فى d وr بس طبعا r اكتر وخلت اغلعربيه تفصل قاللى ده ديسك خلفى عاوز يتغير قولتله غير وركبت واحد جديد وكله تمام حاى اشغل وامشي نفس المشكله حصلت بل حسيت انها زادت وبقت مدايقانى جدا قاللى ده لازم حد بتاع فتيس اوتوماتيك يبص عليها .... افيدونى افادكم الله

**dr_brave_heart** · 02-07-2013 03:09 PM

اين اهل الخبرة .....upuup

**houras1010** · 02-07-2013 10:57 PM

من الأخر عمر العربيه ما هتظبت معاك فى اى حاجه من غير ما الكاربراتير ميكون مظبوط على ظبط المصنع ومش معمول ليه اكس وباب - واللى يظبطه يكون فاهم الكريستاله مش اى ميكانيكى يجرب فيها مره هوا ومره كهربا مش هتستريح عشان لازم فى البظبط يكون معمول حساب التكيف وانها اوتوماتيك

**SAMEH_FOUAD** · 04-07-2013 01:32 PM

لو انت بتقول جامبو و1600 يبقى العربية دية انجيكشن

ومشكلة تبطيل المحرك مع تشغيل التكييف بيكون سببها بلف الايدل جرب الاول تنظفة مانفعش غيرة

- مشكلة الفتيس , للاسف كدة الفتيس لازم يتغير افضلك , لان كدة الفتيس كدة اصبح فية تفويت فى الكلتشات