الموضوع: بخصوص زيت فتيس الامبريزا 2012

يا جما عة دي مشاركة على منتدى سوبارو على الفيس بوك من واحد عنده امبريزا 2012 :

" كل سنة وانتم طيبين يا رجالة..النهاردة اول مرة اسافر بالامبريزا ..انا عامل 2500 كم لحد دلوقتي..كنا عربيتين امبريزا في الطريق الاتنين 2012 اوتوماتيك لما مشينا على 180 نورت لمبة في التابلوه at oil temp!!!!!!
العربيتين حصلهم كده ..كلمت كريم مدير الصيانة في التوكيل قالي ده عشان انتم عديتوا ال170!!!! امشوا براحة شوية لحد ما زيت الفتيس ما يبرد شوية.. وسألني هو انتم ماقرأتوش الكاتلوج ..اعلي سرعة 170
اول ما رجعت البيت فتحت الكاتالوج لقيت الآتي:
1. دي فعلا لمبة زيت الفتيس
2. لما اللمبة تنور لاز م توقف العربية وتسيب الماتور داير لحد ما اللمبة تطفي
3.المصيبة بقى البنزين المفروض يكون 95 مش 92!!!!!!
4. اعلي سرعة 181 مش 170 زي ما مدير الصيانة في ابو غالي ما بيقول
5.مكتوب ملحوظة علي اعلى سرعة انها محسوبة في حالة استعمال بنزين 95

حد قابلته مشكلة زيت الفتيس قبل كده ا؟؟؟؟؟ اما دورت لقيت ناس كتير كاتبة عنها وعلى الليجسي وعلى موديلات السوبارو القديمة كمان ...معقولة اعربية ب16000 جنيه ماينفعش تعدي 170كم ..و ازاي بيبعوها علي انها بنزين 92!!!! "



يا ريت لو حد معاه العربية يقول رأيه في الكلام دا

ده لينك الجروب على الفيس بوك : http://www.facebook.com/groups/4729614106/

ده رد محمد صلاح (صاحب المشاركة على الفيس بوك) هنا على المنتدي :

"بالنسبة لموضوع العربية هما عربيتين مش عربية واحدة احنا إتنين صحاب استلمنا مع بعض في نفس اليوم نفس العربية وللاسف نفس الللون :) .. هو عمل 4000 كل وأنا عمل حوالي . 2500

على طريق اسكندرية الصحراوي واحنا رايحين من القاهرة لما العربية عدت 180 اللمبة نورت بعد حوالي 5 دقائق .. كان هو سابقني بعربيته كلمته اسأله قلي إنها منورة عنده هو كمان .. معرفناش طبعا معناها وقلنا طالما إنها بـالاحمر تبقى أكيد حاجة غلط .. كلمت مدير الصيانة وقلي اللي مكتوب في أول صفحة .. وأنا راجع في الطريق قلت اجرب يمكن كانت حاجة طارقة عديت 190 بعدين ظهرت برده بعد حوالي 5 دقائق ولما هديت لل140 طفت بعد شوية .

لما قعدت ادور جامد في القصة لقيت ناس بره كمان حصلتلهم نفس المشكلة .. وغالبا سببها إن زيت الفتيس مش قد حرارة إن الواحد يعدي ال180 .. فبدور على نوع زيت يتحمل الكلام ده ..

المهم إن العربية استجابتها كويسة قوي وينفع ازود بيها عن 190 لكن قلقان جدا من موضوع اللمبة دي .وغيرالمشكلة دي العربية ما شاء الله ممتعة وانصح بيها أي حد بعد ما أحل المشكلة إن شاء الله "


"نسيت بس أقول على موضوع البنزين هي عادي جدا تمشي ببنزين 92 وفي اخر الكتالوج مكتوب كده .. لو ينفع يا جلا د تعدل الموضوع وتشيل موضوع البنزين يكون أحسن عشان مانديش الناس معلومات غلط ..أو امسح الموضوع كله واكتبه من الاول بطريقة أحسن "

تعامل إسلامي حقيقي كاد أن يموت فأحياه إخواننا فجزاهم الله خيرا

وكما قال النبي صلى الله عليه وسلم (لا يشكر الله من لا يشكر الناس ) فالشكر موصول لهم على هذا التعامل الراقي
وسواء كان هذا واجبا عليهم أم نافله , دعاية كان أو شعورا بالمسئولية

فهو عمل محترم راقي نحتاج إلى تشجيعه ومدحه والثناء عليه وبثه في المجتمع ليحذو الجميع حذوهم
ونرقى بأمتنا ونشعر بآدميتنا