عرض للطباعة
دلوقتي انا كان في قدامي فرصة شغل في مكان كويس كمحاسب
و الحمد لله عملت 2 أنترفيو مع رئيس حسابات و مدير مالي و أختبار محاسبة كله بالأنجليزي طبعاً
و فاضلي الـ hr أنترفيو
ده بقى مجهول بالنسبالي لاني معملتوش قبل كدة
عايز اعرف يعني ممكن أتسأل في ايه
و هل في iq للمحاسبين لاني مسمعتش حد من اصحابي المحاسبين عمل iq قبل كدة
و لو في حاجة تانية انا ما أعرفهاش ياريت تقولولي عليها .
I hope this helps a little bit
How to Answer 23 of the Most Common Interview Questions | Wise Bread
50 HR interview questions and answers, HR interview pdf
اقتباس:
المشاركة الأصلية كتبت بواسطة marsguy
في آخر مقابلة شخصية لي في شركة مالتي ناشيونال مع HR خضعت لإختبار
Thomas Personal Profile Analysis PPAوده بإختصار, إختبار قوي للشخصية بيقيس صفات معينة في شخصيتك, هو عبارة عن مجموعة أسئلة بتجاوب عنها بإختيارين فقط لكل سؤال, أكتر صفة أنت شايفها في شخصيتك وأقل صفة أنت شايفها في شخصيتك, في مدة لا تزيد عن 8 دقايق!
حاول تقرا عن الإختبار ده كتير و في مواقع ممكن تخليك تختبر أون لين!
بالتوفيق إن شاء الله
شكراً ليكوا جداً جداً
طيب بالنسبة لأختبار الـ iq
ده معادلات حسابيه معظمه ويا اما فورقه يا اما كمبيوتر
وليه وقت وبس
شكراً جداً
متقلقش اهتم بالمنظر عموما حاول متبقاش بدله سودا حاول متلبسش ساعه غاليه جدا
بلاش شغل الشعر الفانكي والجو ده برفان ميكونش بتاع سهرات
طبعا موبايلك مقفول
متشتمش في الشركه الي فاتت ومتذكرش عيوب خاصه بيها
متحاولش تجيب سيره المرتب ولو سالك عليه قوله زي ما تكون الميزانيه بتاعتكم
ال iq لذيذ عموما بس محتاج تبقى صافي ذهنيا شويه ومتقلقش منه عايز تشوف امثله فيه على النت كتير اوي منها بس متقدرش تحدد فورمه معينه لشركه معينه لانهم بيغروها كتير
ومتخافشي كله في اللذيذ
شكراً ليك جداًاقتباس:
المشاركة الأصلية كتبت بواسطة حماده المصري
الحمد لله انا عديت الصعب و عملت الي عليا و سايب الموضوع كله على الله
انا ابتديت انترفيوهات في الشركة دي من شهر 8 الي فات و بعد كدة التعينات وقفت نظراً للظروف الي تمر بها البلاد و قولت الحمد لله على كل حال
و فوجئت ان بيتصلوا بيا علشان اخر انترفيو بكره ان شاء الله
ربنا يقدم الي فيه الخير بإذن الله
ربنا يوفقك و شوف مواقع iq كتييير و معظم الاسئله بتعتمد على سرعه البديهه
الحمد لله روحت و كل تمام
بس في حاجة حصلت قلقاني شوية
كنت انا وواحد كمان بنعمل اللأنتر فيو
التاني ده كان معايا في اختبار المحاسبة بردو و طلب مني اني اغششه حاجات في الامتحان ساعتها !!!!!!!!!!!!!
طبعاً عملت عبيط
فوجئت انه موجود علشان الانترفيو بتاع الـ hr
و دخل قبلي عمل الانتر فيو
و بعد 10 دقايق كدة أو ربع ساعة لقيته خارج
قولت ايه الجمال ده
و دخلت انا اقعدت اتغسل ساعة إلا ربع و اتناقشت في كل حرف مكتوب في السي في
و بعد كل ده فوجئت ان في اختبار writing عبارة عن 3 اسئلة عبط كدة و مدة الاختبار ربع ساعة
الحمد لله حليته عادي
بس الشاب الي كان هناك ده قلقني بصراحة حاسس انه واسطة جامدة قوي مش عارف ليه
الحمد لله على كل شئ و الي فيه الخير يقدمه ربنا
الحمد لله روحت و كل تمام
بس في حاجة حصلت قلقاني شوية
كنت انا وواحد كمان بنعمل اللأنتر فيو
التاني ده كان معايا في اختبار المحاسبة بردو و طلب مني اني اغششه حاجات في الامتحان ساعتها !!!!!!!!!!!!!
طبعاً عملت عبيط
فوجئت انه موجود علشان الانترفيو بتاع الـ hr
و دخل قبلي عمل الانتر فيو
و بعد 10 دقايق كدة أو ربع ساعة لقيته خارج
قولت ايه الجمال ده
و دخلت انا اقعدت اتغسل ساعة إلا ربع و اتناقشت في كل حرف مكتوب في السي في
و بعد كل ده فوجئت ان في اختبار writing عبارة عن 3 اسئلة عبط كدة و مدة الاختبار ربع ساعة
الحمد لله حليته عادي
بس الشاب الي كان هناك ده قلقني بصراحة حاسس انه واسطة جامدة قوي مش عارف ليه
الحمد لله على كل شئ و الي فيه الخير يقدمه ربنا
ان شاء الله ربنا يكتبلك الخير
اللي حصل مع حضرتك مايقلقش...بالعكس..ده إيجابي جداً!اقتباس:
المشاركة الأصلية كتبت بواسطة أشرف العدوي
كون ان الشاب التاني خلص في ربع ساعة و خرج ده معناه انهم لم يقتنعوا به و شايفين انه هايبقى تضيع وقت لو كملوا معاه الإنترفيو أو أعطوه الإمتحان...
ملحوظة هامة على جنب: بخصوص سؤال الراتب المتوقع...مهم جداً تكون عارف قيمتك كويس جداً في السوق تساوي قد إيه...إوعى تقول معرفش أو حسب ماتشوفوا... ده بيعطيهم مؤشر لعدم الثقة في النفس و القدرات... و طبعاً لازم كون واقعي...مش فوق قوي أو تحت قوي...و تديهم فرصة للتفاوض في الأخر
بالتوفيق إن شاء الله...
ربنا يطمن قلبك و اللي فيه الخير يقدمه ربنااقتباس:
المشاركة الأصلية كتبت بواسطة nadernabil
بالنسبة للراتب انا اتكلبمت معاه في المعقول الي هو حقي و المتوقع من الشركة ما ضربتش جامد الحمد لله
ربنا يوفقك. وبالنسبه للراتب لازم تكون عارف مستواك ومحددد مستوى قدراتك والراتب المطلوب يكون متوسط بين اخر مرتب ليك و مستوى الشركه اللي بتقدم فيها (اللي في اغالب اعلى من اللي انت بتسيبها) وعلى فكره مش بالضروره انك لو قلت راتب أقل من اللي هما ناويين عليه يبقا هيقللو راتبك لأن دي بتبقى سياسه شركة وهما كده كده محددين مرتب الوظيفه من قبل ما يعلنو عنها.
ربنا يوفقك للمره التانيه.
تطويل الانترفيو او انك تخرج من واحد لواحد ده كويس زاى ما نادر قال
ما عدا فعلا لو caliper عالى قوى او واسطه عالية
بس فى كل الاحوال
نصيبك هيصيبك وانت عملت اللى عليك
الله يكرمك علشان كلامك الجميل ده و دعوتك الاجملاقتباس:
المشاركة الأصلية كتبت بواسطة ahmed_adham
ربنا يقدم الي فيه الخير
ربنا يوفقك ان شاء الله
ربنا يخليك يا ابو حميداقتباس:
المشاركة الأصلية كتبت بواسطة a.saad
الحمد لله على كل حال
و اول ما اعرف اخبار حتمنكوا هنا بإذن الله سواء حصل نصيب ليا في المكان ده او لاء
شكراً جداً للدعوة الحلوة دياقتباس:
المشاركة الأصلية كتبت بواسطة zadgo
شكراً ليك جداًاقتباس:
المشاركة الأصلية كتبت بواسطة marsguy
و على فكرة الأسئلة دي أتسألت منها كتير جدا و كانت مفيدة ليا فعلاً
ياريت لو حد عنده نفس ظروفي و محتاك معرفة عن طبيعة أسألة الـ hr يقرا الأسئلة دي كويس جداً و يكون محضرها في ذهنة
الحمد لله على كل شئ
انا عديت من Hr أنا وواحد كمان
و روحت قابلت الـ operation manager كأخر انترفيو لان انا و التاني كنا متساويين تقريباً في كل حاجة
بس الحمد بعد ما اتعملت لجنة من كل الناس الي عملت معاهم مقابلات
اختارو التاني
الحمد لله على كل شئ
بس في سؤال سألهوني الـ operation manager و وقف عنده كتير قوي و كنت عايز اعرف انا جاوبته صح و لا لاء
هو طبيعة الشغل الي انا كنت مقدم في محاسب
السؤال بقى
لو انا ليا تارجت معين علشان احققه و مديري جه طلب مني اني اشتغل اقلل من التارجت ده علشا هو عايز يأنتخ يعني
رد فعلي هيكون ايه ؟؟؟
مع العلم انه عنده مببراته و هيتمسك بأيها ان انا اشتغل اققل من التارجت بتاعي .
كانت اجابتي
اني احاول اتناقش معاه في الاسباب الي تخليني أشتغل من اققل من الترجت بتاعي و لو ما كنش في اي اسباب قهرية هعمل التارجت بتاعي و أسلمهوله
بس كدة
انا متهيألي ان السؤال ده كان السبب في اني اترفض
اولا الارزاق بيدى اللهاقتباس:
المشاركة الأصلية كتبت بواسطة أشرف العدوي
ثانيا الصراحه فى المواقف دى بتكون افضل يابرنس
يعنى لو مديرك عاوزك تانتخ فى التارجت بتاعك علشان التارجت بتاعه مايبقاش فى جاب كبير مابينكم
سيادتك لو فى واقع العمل هتسمع كلامه ومش هترضى انك تبينه مش شغال
وده فى حالجه انه يكون كويس معاك
انما لو المدير ده حاطك فى دماغه مش هيقدر يقولك الكلمه دى من الاساس
بس الحقيقه انك ساعتها كنت هتسترضيه وهتعمل اللى هو عاوزه
من الاخر كده الشركه دى عاوزه اللى يشتغل فيها يكون طرى وعصفوره من الاخر
وياريت تقولنا اسمها الموضوع مابقاش سر
بس انا جاوبت بصراحة فعلاً
لاني عمر ما اتطلب مني اصلاً كدة
بس لو حصل هعمل كدة فعلاً
أسمها
invensys
لا انته رديت الرد الدبلوماسى بتاع الانترفيواقتباس:
المشاركة الأصلية كتبت بواسطة أشرف العدوي
انما حقيقه الامر مش هتكون كده
حقيقه الامر انك كنت هتسمع كلام مديرك والا هيتلككلك على حاجات تانيه ولا ايه
انما المفروض ان الصح اللى انته بتقول عليه ونظريا صح
ولكن عمليا مش هو ده اللى بيتطبق
ممكن بردو
لو الواحد اتحط في الموقف ده فعلاً ممكن أعمل الي المدير عايزه
بس مش متخيلها ان مديري يطلب مني اني ما اشتغلش
هوه أنا متهيألي ان الغرض من السؤال هوه انهم يعرفو انت هتطاوع مديرك لأي مدى ومتهيألي المفروض تبقى الاجابه انك هتلتزم بتعليمات مديرك بغض النظر عن محتواها (نظام الجيش يعني) وده النظام اللي معجبنيش ولا هنا ولا بره وخلاني أشتغل مع نفسي. طب افرض أنا عندي مدير غبي وأنا عندي أفكار أحسن منه أفضل شغال غبي لحد ما أترقى عشان حضرته ميظهرش غبي؟ أنا مش بعرف أشتغل بأقل من مستوايا ويمكن ده يكون عيب بس أنا باخد الشغل جد جدا بطبيعتي وبحاول أتفوق في أدق التفاصيل بس ده خلاني أقع في صراعات مع فئه المنفسنين ودول كتير جدا في سوق العمل العربي اللي الترقيات فيه معتمده على تلميع الأكر مش الكفاءات.اقتباس:
المشاركة الأصلية كتبت بواسطة أشرف العدوي
ربنا يكرمك باللي تستاهله.
ما هو ده الي انا مستغربهاقتباس:
المشاركة الأصلية كتبت بواسطة ahmed_adham
يعني معقول هروح الشغل علشان ما اشتغلش و بتعليمات مديري كمان
مستغربها جداً
بس انا عايز حد متخصص في الـ hr يجاوبلنا على النقطة دي علشان نقطع الشورت في البسين
كان في أختنا ola osman ياريت كان ينفع نعملها tag هنا علشان ترد على الموضوع ده
نفس السؤال اتسالي وانا بعمل انترفيو من 7 سنين بس بشكل مختلف
قالتلي لو مديرك عايزك تعمل حاجه بطريقه وانت عايز تعملها بطريقه تانيه
قولتلها هحاول اقنعه بوجهة نظري ولو مقتنعش هعمل اللي هو عايزه عشان اكيد هو يعرف احسن مني ههههههههههه والحمد لله اتقبلت ودلوقتي بعمل اللي شايفه صح برده :)