بالله عليكم بلاش تطنشونى

**mah_almasry** · 03-01-2013 11:15 PM

انا سالت قبل كده ومحدش رد عليا . القصة باختصار انا اشتريت عربية من 3 سنين وكان صاحبها مجدد لها الرخصة . المهم الناس قالت لي بلاش تنقل ملكية طالما الرخصة لسه قدامها 3 سنين واديك معاك العقد . المهم دلوقتي جاء ميعاد التجديد والفحص وانا ناوي اجدد سنة وابيعها . واحد اقترح عليا بلاش حوار نقل الملكية واجدد بس لمدة سنة وابيع . السؤال هل المرور هيرضي يجدد بدون نقل ملكية . انا معايا رخصة العربية باسم صاحبها الاولاني ومعايا العقد اللي اشتريت بيه . وطبعا هي لسه في المرور باسم صاحبها .

**aldesha989** · 04-01-2013 01:21 AM

لو التوكيل بتاعك معمول فيه التعامل امام جهات المرور هتقدر تجدد
وعمومآ مدام معاك توكيل روح جدد عادى مافيش مشكلة

**حمدى الفنى** · 04-01-2013 10:35 AM

لو معاك عقد بيع مسجل لازم تنقل ملكية لو معاك توكيل بالبيع للنفس وللغير والتعامل مع المرور ممكن تجدد باسم صاحبها الاولاانى وشكرا

تنبيه بمخالفة القاعدة رقم 6 بند أ
ممنوع الكتابة باللون الأحمر حيث أنه مخصص للمداخلات الإدارية
الرجاء مراجعة قوانين المنتدى
م ع 3

**aboomar22** · 04-01-2013 10:43 AM

حتى لو التوكيل مكتوب فيه التعامل مع المرور مش هتقدر تجدد باسم صاحب العربية لازم التوكيل يكون مكتوب فيه التجديد والترخيص غير كده مش هينفع عبارة التعامل مع المرور دى لو الرخصة اتسحب تقدر ترجعها او تدفع مخالفة او تستخرج شهادة بيانات لكن التجديد والترخيص لازم تكون مكتوبة صريحة والكلام ده عن تجربة شخصية

**حمدى الفنى** · 04-01-2013 10:53 AM

المشاركة الأصلية كتبت بواسطة aboomar22

حتى لو التوكيل مكتوب فيه التعامل مع المرور مش هتقدر تجدد باسم صاحب العربية لازم التوكيل يكون مكتوب فيه التجديد والترخيص غير كده مش هينفع عبارة التعامل مع المرور دى لو الرخصة اتسحب تقدر ترجعها او تدفع مخالفة او تستخرج شهادة بيانات لكن التجديد والترخيص لازم تكون مكتوبة صريحة والكلام ده عن تجربة شخصية

كلامك مظبوط بس انا كنت بختصر فالكلام شكرا لحضرتك

**Ahmed Selim** · 04-01-2013 11:05 AM

معلش هى نصيحة ملهاش علاقة بالموضوع........

صاحب العربية القديم لو أشترى عربية تانية يبقى كده بقاله 3 سنين بيدفع حاجة أسمها ضريبة ترفيه علشان العربية اللى معاك لسه مسجلة بأسمه مع عربيته الجديدة.

الأفضل أنك تنقل ملكية.

**mah_almasry** · 04-01-2013 07:14 PM

انا مش معايا توكيل . انا معايا عقد بيع . يبئي كده جزاكم الله خير وهتوكل علي الله وابدأ الاجراءات . بس محدش من حضراتكم يعرف هصرف كام لنقل الملكية والتجديد سنة . واروح فين الاول ؟ المرور التابع لمنطقتي الجيزة اللي هيتم النقل عليه ولا المرور اللي العربية مسجلة فيه وهو الوايلي
ارجوكم افيدوني . وربنا يجعله في ميزان حسناتكم

**mah_almasry** · 05-01-2013 05:28 PM

ارجوكم ساعدوني . اروح فين الاول ؟

**هيثم الدسوقى** · 05-01-2013 07:19 PM

عملتها من اربع سنين كان لتلت سنين واتكلفت حوالى 600 او 500 جنيه عشان التأمين كان 3 سنين

وبتعملها فى المرور اللى انت هتسجلها فيه اللى فى بطاقتك يعنى

الموضوع: بالله عليكم بلاش تطنشونى

LinkBack

أدوات الموضوع

عرض

-

-

المواضيع المتشابهه

استحلفكم بالله بلاش سرعة

افيدونى بالله عليكم

يا جماعه بالله عليكم

بالله عليكم ساعدونى

بالله عليكم افيدوني

الكلمات الدلالية لهذا الموضوع

المفضلات

المفضلات

ضوابط المشاركة