حاجه غريبه في ابيزا 94 .. محتاج مساعدتكم..

السلام عليكم انا الحمد لله ربنا رزقني بعربيه ابيزا 94 حالتها حلوه ولله الحمد :) ...
والعربيه تحت رجلى زي الفل بس ليا ملحوظتين صغيرين...
1.بالنسبه للتسارع بعد 100 كم بيبقى بطئ شويه انما من 0:100 زي الفل فهل ده عادي ولا في حاجه ؟ مع العلم اني خرجت فلتر الهوا لاقيته اسود تماما وتقريبا محتاجه اني اغير فلتر البنزين فهل الحاجات دي بتأثر على السحب ولا ملهاش علاقه :confused: ؟


2.العربيه لما اكون ماشي واقرص شويه على الغيار لما يوصل 4000 او 5000 ار بي ام لما اجي اسيب بنزين الاقى الأر بي ام ينزل عند 3000 او 2500 وما ينزلش عن كده غير لما ادوس بنزين شويه مره او مرتين فياترى ده ممكن يكون ايه سببه :confused: ؟

متأسف عالأطاله بس انا عاوز اطمن بس وانا على طول شايف ان عصابه السيات دي الأخوات بالظبط واقبلوني عضو جديد معكم...
وتقبلو فائق احترامي... وياريت اللي يرد يكون فاهم في الأبيزا كويس .. وشكرا

مش هقول مبروك تاني بقي انا قلت كتيير :D:D مبروك يا باشا لتاني مرة:)


بص بقي من 0-100 و من 100-120 كمان تسارع عالي هي دي الابيزا فعلا بعد 120التجميع بيبقي بطيء شوية بس بتجيب طبعا والا مكنتش انا جبت 140 ولا والدي جاب 170 :) و فلتر الهوا و فلتر البنزين بيأثروا علي السحب برضه طالما لقيت فلتر الهوا اسود انا هقولك تعمل حاجة مش هتكلفك كتير عشان بس تحس بسحب العربية الحقيقي
من اي بنزينة توتال تشتري:
جركن زيت 5000 كيلو توتال كوارتز ب 70 تقريبا
منظف كربراتير امريكي 20 جنيه
3 علب زيت فلاش سعر العلبة 11 جنيه (بيتحط من نفس مكان زيت الموتور بس بيخش لاعمق اجزاء الموتور بيغسله من جوا جامد و بيفوق العربية)
بعد كده تشتري فلتر هوا بيبقي مدور كده و غالبا بيبقي فاليو اسباني بحوالي 30 جنيه
طقم بوجيهات flag الماني 3 شمعة
فلتر بنزين بتاع الجولف 3 كان ب 70 جنيه بتع الابيزا مش فاكر بظبط لاني بغيره كل عشروميت سنة مرة:D

اتأكد ان سير الكاتينة معداش ال 40 الف كيلو من البائع

بعد كده تطلع علي الميكانيكي و تخليه ينضفلك الكربراتير و هو في مكانه و انا بقولك ميفكش الكربراتير لان مش اي ميكانيكي يفك الكربراتير لانه معقد و عايز واحد محترف و هينضفه بالاسبراي

يركب البوجيهات الجديدة و فلتر الهوا و البنزين

يحط زيت الفلاش

بعد ما يخلص حوار زيت الفلاش يحط الزيت الجديد

و العربية بتاخد بنزين 90 عادي جدا جدا بس الافضل في السحب ال 92 طبعا

بس كده دي صيانة عابرة للعربية للحفاظ عليها و تفويقها

دي كانت اجابة و نصائح من مالك قديم لسؤالك الاول

السؤال التاني:

متخافش يا عم انت افتكرته عيب فيها ولا ايه لا هي الابيزا كده بتيجي عند الحته دي و نزول ال rpm بيقل شوية لو دست دوسه فرامل هتقف عادي بس هي طبيعتها كده عشان العربية متبطلش منك فجأة بس كده:)

شكراااااااا ليك جدا جدا جدا يامحمد يامايسترو الأبيزا انا شااااااااااااااااااااااكر ليك جدا..

والله يبارك فيك ياباشا معلش بقى انا لسا جديد في الأبيزا وهقرفك شويه في الأسئله :d ....

شكرا ليك كمان مره :):)

اقتباس:

---

المشاركة الأصلية كتبت بواسطة sammor_28

شكراااااااا ليك جدا جدا جدا يامحمد يامايسترو الأبيزا انا شااااااااااااااااااااااكر ليك جدا..

والله يبارك فيك ياباشا معلش بقى انا لسا جديد في الأبيزا وهقرفك شويه في الأسئله :d ....

شكرا ليك كمان مره :):)

---

ايه ده بعد كل اللي انا عملته ده و المقابل شوية شكر كده من عند عم حسنين البقال


:D:D:D:D:D: ههههههههههههههه بهظر يا باشا لا شكر علي واجب اقرفني اسألة و ملكش دعوة:D:D:D
نمرتي 0111217894 عشان لو احتجت اي حاجة لاني مسافر النهاردة بليل