لو سمحت ممكن تقولي جايبها بالتقسيط منين و الفايدة كام
عرض للطباعة
لو سمحت ممكن تقولي جايبها بالتقسيط منين و الفايدة كام
انا دفعت مقدمة ومصروفات و التأمين على السيارة إجبارى حوالى 1600جنيه
وبقسط 33000
مع بنك Nsgb الفايده 8.5
البنك ما كانش من إختيارى لأنى بتعامل مع Hsbc وليا فايده اقل (تبع الشركة)
ولكن كان فيه تأخير حيحصل لو إتعاملت مع Hsbc
عموما انا بدفع 1090 جنيه فى الشهر لمدة اربع سنوات
هم بيعملوا استعلام بسرعة جدا تقريبا فى يوم تكون كل الأوراق جاهزة ووممكن تستلم العربية بعد ما ترخص على طول (انت وشطارتك) لأن إستلام العربية لازم تكون رخصتها بإسمك.
بالنسبة للفلوس بالظبط والمبلغ المدفوع هما مش قدامى دلوقتى بس ممكن خلال يومين اكتبلك التفاصيل بالظبط.
العادية سعرها 68 والوسط 70 والكاملة 78
هل التكييف جامد تبريدة بتاعها وشكرا لكم
يا أخى العزيز
أولا مبروك على العربية
انا شوفتها من الخارج و الداخل
هى جميلة و مبهرة جداً بس انا مجرب البروتون 2000 ويرا (ماليزى) و اول ما نزلت قالوا عنها كل الكلام دة وزيادة
لكن الان وبعد مرور 8 سنوات ظهر عكس الكلام دة مع العلم ان الموتور لانسر 85
ولكن قطع الغيار الضرورية غير موجوده وبضطر اجيبها مستعملة وغالية جداً جداً
انا طالب منك طلب لو سمحت(الموتور موديل كام فى المتسوبيشى)
وعلى فكرة دة امر مهم لكل اللى عايز يشترى العربية لان كل حاجة تانية مقدور عليها الا الموتور
وعن تجربة مريرة ودة مخلى العربية مالهاش سعر ولا زبون
وبيقولوا عليها عايزة (راجل)
وشكراً ومبروك عليك العربية وربنا يباركلك فيها
18/8/2008
المتور موديل 2007 و بالنسبة للتكييف ماشاء الله عليه بخليه اقل حاجة بليل و بخليه على ازيد فى التبريد مرتين كمان فى الصبح و بيفضل تلتين البكرة لسه ان شاء الله تكون فهمت قصدى؟
طيب ممكن كود موتور البي واي دي؟
Mitsubishi 4G18
طيب باشا دلوقتى تقولى لو سمحت ايه اخبارها معاك بالنسبة ل:
1 معدل استهلاك البنزين(الصفيحة بتعمل كام كيلو)
2 تحمل المشاوير الطويلة
3 اسعار الصيانة وقطع الغيار فى التوكيل وهل هى متوافرة فى الخارج ولا لأ واخبار معاملة التوكيل معاك اية
4 هل من اماكن اخرى غير التوكيل بتصلحها
لانى الصراحة بأفاضل بينها وبين ال لانوس 2008