الحمد لله الكل بيشكر فيها منذ مدة طويييييييلة
دي شهادة عظيمة من كل الزملاء الأفاضل
عرض للطباعة
الحمد لله الكل بيشكر فيها منذ مدة طويييييييلة
دي شهادة عظيمة من كل الزملاء الأفاضل
انا بقالى فتره ما دخلتش على نايل موتورز وحبيت اقول لكم آخر الأخبار عن الـ byd
هى بقالها معايا دلوقتى حوالى سنه ونص وعامل بيها حوالى 16000
انا مشاويرى مش كتير بس ماشاء الله ماحصلش معايا اى مشكله مع العربيه الا حاجه واحده ضايقتنى جدا..مكتوب فى المانيوال انها مش ممكن تقفل الأبواب لو المفتاح فى الكونتاكت والموضوع ده جربته كتير وكانت تمام زى ما الكتاب بيقول..بس مره حصلت انى كنت مدور العربيه وبفرج واحد زميلى على العربيه وقفلت الباب وفجأه الأبواب كلها قفلت وكنت بعيد عن البيت..طبعا اضريت انى اجيب مفك وفكيت الهوايه اللى فى الباب الخلفى بعنف وعنها ما بقيتش ابدا اسيبها دايره الاا وانا فاتح حته من الشباك.
غير كده العربيه فله ما شاء الله..التكييف زى مااستلمتها...السحب جميل وصوتها منخفض..ماغيرتش فيها غير فلتر البنزين وتيل غير طبعا الحاجات العديه بتاعة الصيانه الدوريه...بس البوصله اللى فى المرايه بقت شويه تشتغل وشويه تطفى :(
التوكيل مش مريح...بس كله جوه يخلص بالفلوس من الآخر وتاخد احلى شغل خاصة من السمكره والدوكو (مهندس زباله)
سمعت برضو انهم بدأو يصنعوها فى مصر بس مش متأكد وده لو حصل اعتقد انها حتضرب اسبرانزا
الحقيقة موقف محرج جدا معلش
لكن ده مش عيب بالسيارة طالما المحرك شغال جهاز الإنذار يستجيب فورا لأي غلق للوك الأبواب اللي أكيد حصل دون قصد لأنه بيفترض إنك ستتحرك طالما المحرك دائر وبمجرد إغلاق المحرك ستجد لوك الأبواب جميعها فتحت علي الفور وعلي العكس لوك الأبواب لا يغلق إلا بعد السير لمسافة حوالي 70 متر يعني لا يعمل في حالة التوقف إطلاقا إلا إذا ضغط حد علي زرار اللوك اللي في مخدع باب السائق وأعتقد ده حصل ممكن من صديقك دون ما يقصد يعني بيجرب مثلا الزراير أو كان قصده يدوس علي زرار الزجاج والباب مفتوح
وعملية فك الهواية دي وحشة جدا وبتسوأ شكل العربية لأن بعد ما تركب عمرها ما بترجع زي الأول
وربنا يبارك لك في سيارتك
بصراحة انا جربت سرعة العربية على اكثر من طريق
طريق الاسماعيلية وصلت بيها الى 200 كم وكانت ثابتة على الطريق ومغرية للجرى اكتر
وجربيتها على طريق السخنة الجديد و وصلت بيها 210 كم و كنت مشغل التكييف وكان معايا اوزان بالعربية بس هديت بعد كدة لانى خفت يكون فيه رادار
عموما السيارة ممتازة مائاء الله
الستنر لوك يغلق بعد 20 كم وليس 70 كم
قصد السيد sv065 بعد 70 مترا" وليس كيلو مترا" ... أو بمعنى آخر حتى يصل عداد ال rpm إلى ال 2000 دورة بالدقيقة ..أي إلى الرقم 2 وهذا هو الأرجح لأنك لو تجرب تمشي بها حبة حبة (10كم/سا) لن تقفل الأبواب أبدا" إلا إذا وصل ال rpm إلى ال 2000 دورة بالدقيقة = 20كم/سا
مع كل التقدير لوجهات النظر ....:Ta_clap[1]:
سيدي الكريم :
ان من سورية ومالك لل BYD فول اوبشن + اوتوماتيك + فتحة سقف +تحكم بالمقود + + + ... موديل 07 / 2009 تسجيل 01 / 2010
ولكن من تعليقك الكريم لم أعرف ماهو معنى الكامة او الكامتين باللغة المصرية ...؟؟؟ ممكن الشرح
وبعدين الموتور في سيارتي له cover بلاستيك موشوم عليه بالأحرف النافرة MITSUBISHI ولكن بدون العلامة الثلاثية لا أعرف لماذا ..يمكن حبّوا يختصروا بالكلام ... أو أن الموديل 2009 / 2010 مختلف ببعض هذه الأمور .. ولكن النتيجة واحدة
MITSUBISHI MOTORS:vctry:
السلام عليكم أخي الفاضل
إذا سمحت لي سيادتكم أرد علي إستفسارات حضرتك
بخصوص الكامة وهي ليست كلمة مصرية إنما كلمة هندسية إن دققنا المعني وهي بالإنجليزية CAM ويمكن لسيادتكم التعمق بالتفاصيل الهندسية بصفة عامة من هذا اللينك
http://en.wikipedia.org/wiki/Camshaft
والكامة موجودة برأس المحرك وفي غالبية السيارات من أعلي
وبها التحكم بالبساتم التي هي عبارة عن أذرع تفتح وتغلق بتوقيت محدد ولوقت محدد مع دوران المحرك لتنظم حركة 3 أشياء رئيسية لدورة الإحتراق ألا وهي دخول الوقود ودخول الهواء الواجب خلطه بالوقود وأخيرا خروج العادم نتيجة إحتراق الوقود مع الأكسجين بالهواء بفعل الشرارة الناتجة من البوجيهات كل ذلك بدقة متناهية وبتوقيت محسوب جيدا والسيارات المزودة بمحرك 2 كامة يكون الأداء أعلي فيها والإستهلاك أعلي بدرجة بسيطة في الوقود وليس معني ذلك عدم جودة الكامة المفردة
أما بخصوص الـ cover البلاستيك فهو من الأمور الشكلية بالسيارات الحديثة وليس له تأثير علي الأداء إطلاقا وعلامة الميتسوبيشي المكتوبة عليه بحروف بارزة كانت مصحوبة بالشعار الثلاثي الشهير حتي فترة قريبة ثم إكتفوا بعد ذلك بكتابة الكلمة فقط. في جميع الموديلات.
أرجو أن أكون قد إستطعت التوضيح لشخصكم الكريم وتقبل خالص تحياتي
مشكور