الموضوع: Byd F3 توكل على الله

انا اشتريت العربية دى يا جماعة موديل GLi وبقالها معايا حوالى شهر.

العربية ناعمة جدا امكانيتها تحفة الشنطة واسعة جدا وشكلها جميل بالنسبة للفيرنا والإسبرانزا (هذا رأيى)

وقارن الفيرنا بإمكاناتها بالإضافة إنها تجميع مصرى برضو زى الإسبرانزا
البى واى دى سيارة مستوردة والموتور قوى واستاجبته سريعة هذا بالإضافة ان الفيرنا كورى والسبرانزا صينى والشاهين تركى يعنى ما أنيل من سيدى إلا سيتى (مثل مصرى)

البيى واى دى واسعة من جوه فعلا (من الخلف قبل الأمام) بشهادة كل من يراها حتى المعارضين بقوة (توكيلات اخرى بدون ذكر اسماء)

وهى العربية الوحيدة الصينى المرشحة لدخول السوق الأروبية (أنظر إختبار التصادم)

ايضا شركة بى واى دى شركة كبيرة (يعتمد عليها) هى الشركة رقم إثنين فى صناعة البطاريات على مستوى العالم سنة 2003 وبعد هذا بدأت فى صناعة السيارات وتنوى (هذا ما يقولون وأنا اتمناه) ان يصبحوا من اكبر الشركات فى العالم فى تلك الصناعة (والصين قادرة).

انا ما بقولش انها احسن عربية ولكن أقدر اقول بثقة أنها احسن عربية فى فئتها وهى تحقق معادلة القيمة مقابل المال Value for money


انا قريت الكتالوج كله بتعها اللى عايز اي معلومة منه انا مستعد اساعد.

الحاجة الوحيدة اللى مش فاهمها فيه ان الكتالوج بيقول ان المراية الداخلية فيها بوصلة والوكيل بيقول ان دية مقياس درجة الحرارة بس بالصينى والكتالوج ايضا بيقول ان الجزء ده فىه ثلاثة لغات عربى وانجليزى وروسى بس واضح ان اللغة صينى.

هذه المعلومات جمعتها ودرستها قبل الشراء والعربية صفقة رابحة بإذن الله.

هناك ثلاثة إصدارات من ال F3
انا بتكلم عن ال F3 GLi
دى تعتبر الوسط (كاملة مانيوال) فيه ال GL وفيه ال GLiX
ال GL اعتقد بـ 70
وال GLiX اعتقد بـ 82

اما ال GLi
تمنها دلوقتى 73 الف

الوكيل بتاعها هو مجموعة شركات الأمل الذى هو وكيل ومصنع (بتشديد وكسر النون) للادا فى مصر (اعتقد ممنوع وضع اللينك داخل المنتدى) ولكن يمكنك البحث عنه فى جوجل

العربية سوف يتم تجميعها فى مصر فى اوائل 2009 هذا ما عرفته من المعرض

جزاكم الله خيرا يا جماعة وربنا يكرمكم ويتقبل دعائكم

شكرا استاذ امير على الملحوظة الجميلة دى

سوف احدث البروفيل بتاعى.

أنا سألت فى الأمل
GL 62 الف
GLi 67 الف
Automatic 80 الف

ممكن تقولي هي سحبها حلو يعني بتاعة جري وحركات ولا ايه وبرضه اخبار العفشة ايه معاك وشكراً

انت جبتها قسط ازاي ومنين ممكن تقولي التفاصيل لو سمحت ومن بنك ايه وايه الاجراءات