Byd F3 توكل على الله

**wahba** · 10-09-2008 08:26 PM

الله يباركلك فيها ولكن متكلمتش عن قطع الغيار عامله ايه متوفرة بره ولا في التوكيل بس و اسعارها ايه والقطع الاستراتيجيه موجوده ولا لو كنت مسافر و عطلت سوف اتوقف في مكانها لحين وصول انقاذ التوكيل و ايه اخبار الكبالن في مصر عامله ايه العربيه في المطبات و الكبالن متوفره خارج التوكيل ولا لا وما نوع الكبالن هل متسوبيشي ولا تويوتا

**osamahalem** · 13-09-2008 03:32 PM

عندى استفسار لو حد يتفضل ويرد علية لأنة العامل الحاسم فى اختيارى لهذة السيارة بعد كلامكم الجميل جدا عنها انتم بتقولو ان قطع غيارها للعفشة تويوتا وللموتور متسوبيشى يعنى ممكن استبدال اى قطعة فيها من سيارة اخرى فهل دا معناه انى ممكن محتاجش للتوكيل اطلاقا واتعامل مع ميكانيكى او عفشجى شاطر وخلاص والموضوع دة يهمنى لانى من المنصورة ومش مستعد اسافر كل شوية للقاهرة علشان اعمل صيانة او اصلح العربية ياريت حد يجاوبنى لان كلامكم عن العربية دى يطمن وشكلها هتنجح وسعرها يزيد بسرعة ولكم شكرى وامتنانى

اخوكم / اسامة حليم

**ابوشريف** · 14-09-2008 04:47 AM

المشاركة الأصلية كتبت بواسطة osamahalem

عندى استفسار لو حد يتفضل ويرد علية لأنة العامل الحاسم فى اختيارى لهذة السيارة بعد كلامكم الجميل جدا عنها انتم بتقولو ان قطع غيارها للعفشة تويوتا وللموتور متسوبيشى يعنى ممكن استبدال اى قطعة فيها من سيارة اخرى فهل دا معناه انى ممكن محتاجش للتوكيل اطلاقا واتعامل مع ميكانيكى او عفشجى شاطر وخلاص والموضوع دة يهمنى لانى من المنصورة ومش مستعد اسافر كل شوية للقاهرة علشان اعمل صيانة او اصلح العربية ياريت حد يجاوبنى لان كلامكم عن العربية دى يطمن وشكلها هتنجح وسعرها يزيد بسرعة ولكم شكرى وامتنانى

اخوكم / اسامة حليم

نصيحه خالصة لوجه الله

أوعى يغرك الكلام الجميل

كنت معجب جدا بالاف ثرى وانتظرت فتره طويله للبحث قبل الشراء

احد المعارف اشتراها كانت جميله وبيشكر فيها جدا فى اول 6 شهور اول ما كمل 12000 كيلو

باظت الكبالن غيرها فى الضمان ودفع مصاريف بسيطه 350 جنيه

اول ماكمل 23 الف كيلو باظت تانى لكن المره دى بعد مامرت سنه وخرج من الضمان اتعقد منها وعارضها حاليا للبيع

قبل ما تقدم على الشراء لازم تشوف حد يكون عامل مش أقل من 30 الف كيلو وشوف أحوالها

**wahba** · 27-01-2009 10:48 PM

الف مبروك بس كنت عاوز اعرف العربيه من قدام معلقه علي مقص ولا بيض ولا وضعها ايه علشان انت عارف المطبات عندنا في مصر شكلها ايه واحنا معظمنا في مناطق شعبيهو طرق غير ممهده وان كنت اقول ان الطلاق في الصحراء ارحم من شوارع القاهره

**khaledazizeg** · 15-02-2009 09:08 PM

المشاركة الأصلية كتبت بواسطة pcaccess

هناك ثلاثة إصدارات من ال F3
انا بتكلم عن ال F3 GLi
دى تعتبر الوسط (كاملة مانيوال) فيه ال GL وفيه ال GLiX
ال GL اعتقد بـ 70
وال GLiX اعتقد بـ 82

اما ال GLi
تمنها دلوقتى 73 الف

الوكيل بتاعها هو مجموعة شركات الأمل الذى هو وكيل ومصنع (بتشديد وكسر النون) للادا فى مصر (اعتقد ممنوع وضع اللينك داخل المنتدى) ولكن يمكنك البحث عنه فى جوجل

العربية سوف يتم تجميعها فى مصر فى اوائل 2009 هذا ما عرفته من المعرض

انا المشكلة الوحيدة الى شايفها ان الامل توكيل سئ جدا جدا

**khaledazizeg** · 15-02-2009 09:08 PM

وبعدين ألف مبروك عليك العربية وربنا يعطيك خيرها ويكفيك شرها

**khaledazizeg** · 15-02-2009 09:13 PM

المشاركة الأصلية كتبت بواسطة pcaccess

العربية سحبها جميل جدا انا لسه جاى من الإسماعيلية وده اول مشوار طويا نسبيا اجرب فيه العربية والجرى بتاعها واشوف اخبارها إيه.

انا طبعا ما بحاولش أقرص على الموتور إلا بعد ال 2000 كم زى ما الكتالوج بيقول بس العربية مغرية وبتسحب بسهولة وبسرعة. اقصى سرعة ما رديتش ازود عنها كانت حوالى 130 كم وال آر بى إم ما زادش عن 3000 زى ما هو مستحب للسيارات الزيرو فى اول 2000 كم .التكييف كان شغال ومعايا اربعة اشخاص والعربية عايزة تجرى والموتور مستريح.

ما شاء الله العربية صفقة ممتازة حتى الآن.

بس الى اعرفة ان ما ينفعش تشغل التكييف فى أول 2000كم انا معايا frv وكنت ماشى اول 2000 كم بدون تكييف

**khaledazizeg** · 15-02-2009 09:19 PM

المشاركة الأصلية كتبت بواسطة manomano6

يا أخى العزيز
أولا مبروك على العربية
انا شوفتها من الخارج و الداخل
هى جميلة و مبهرة جداً بس انا مجرب البروتون 2000 ويرا (ماليزى) و اول ما نزلت قالوا عنها كل الكلام دة وزيادة
لكن الان وبعد مرور 8 سنوات ظهر عكس الكلام دة مع العلم ان الموتور لانسر 85
ولكن قطع الغيار الضرورية غير موجوده وبضطر اجيبها مستعملة وغالية جداً جداً
انا طالب منك طلب لو سمحت(الموتور موديل كام فى المتسوبيشى)
وعلى فكرة دة امر مهم لكل اللى عايز يشترى العربية لان كل حاجة تانية مقدور عليها الا الموتور
وعن تجربة مريرة ودة مخلى العربية مالهاش سعر ولا زبون
وبيقولوا عليها عايزة (راجل)
وشكراً ومبروك عليك العربية وربنا يباركلك فيها
18/8/2008

معلش انا بعتبر نفسى دخيل عليكوا بس انا كنت عايز اطمن انا عندى frv ومكتوب علية 4g18 وبعدين الموتور الى عندى هوا هوا موتور اللانسر 2007 مافيش اختلاف مسمار حتى
هل معنى كدة انه ممكن يكون مالهوش قطع غيار:K_crying[1]: