الموضوع: عايز رايكم فى Bridgestone

لو هتشترى بريدجستون يبقى اليابانى وش أو تغير الماركة يعنى بلاش الفايرستون
بالنسبة لل gr90 فبسم الله ماشاء الله ممتاز فى الفرامل و نادراً ما بيزحف يعنى بتحس إن العربية ماسكة فى الأسفلت و صوته أهدى و طرى أكتر و طبعاً كل المواصفات دى بتخليه ثابت فى الملفات و الغرز
أنا تجربتى قبله كانت جوديير ماليزى و يقال إنه من الأنواع المحترمة و بعدين ركبت البريدجستون اليابانى بدون تغيير أى حاجة تانية بس حسيت بفرق يذكر
أنا ليا ملحوظة بس فى موضوع الكاوتش لإنى كنت مستغليه شوية (625 جنية مقاس 14) بس لما لقيته بيقصر مسافة الفرملة حسيت إن فرق السعر اللى ممكن يوصل ل ألف جنية فى الطقم عن أى نوع تانى مش خسارة فيه لإنه لو وقفنى بمشيئة الله ربع متر بدرى أفضل بكتير ما يكون الربع متر ده متاخد من جسم العربية لا قدر الله